Vaefeso 1 - Itesamende Imya

¹ June tide Pavulu, nde mw-Apositili va Kilisiti Jesu, je ndigendye lwe akelye Nguluvi, ndikuvandikila ńe vîmike je muli mw-Efese, najuńe mwivonda, je mumufuvilwe u-Kilisiti. Lom. 1, 7; 1. Kol. 1, 2.

² Muvedzage nulusungu nulutengamano uluhuma kwa Nguluvi udadisu na kwa mutwa Jesu Kilisiti.

³ Amalumbo kwa Nguluvi udadye va mutwa visu Jesu Kilisiti, je atufuńye mwa Kilisiti nulufu ńo londa uluńa-Mubepo kukyâńa, 2, 6.

⁴ ndeve atuhalye ani mwa jujo, ve sali jave ukugavwa ińi, pakuta unefwe kumîho ukwakwe tuvedzage twi vîmike twi vagajalunu. 5. 27; Joh. 15, 16; Lom. 8, 29.

⁵ Neke umwene pavwê-nde vwakwe atukongolye ṅani, ukuta Jesu Kilisiti atuhulilage uvwâna uvulungamye ukwakwe, udeve Twedzile umwene ulukēlo lwakwe, Joh. 1, 12.

⁶ pakutigila lulumbwage ulusungu lwakwe uluńandolo, lwe atusungukye mwa mwênde, Mat. 3, 17.

⁷ mwa je tusavile uvukombodzwa uvwimye mudanda jakwe, uvuvodzwa vwa mapunyo, ndeve muniosi umwene lusungu, 2, 7; 3, 8. 16; Kol. 1, 14.

⁸ lwe atuselendulye unefwe vwimila muluhala londa nulūdzu,

⁹ pe atwigidzaga unefwe, dze akêlye umwene idzili kukińele, ndeve kyendile ikyendamutima kyakwe, kye ahodzehidze ṅani 3, 9; Lom. 16, 25.

¹⁰ pakutenda imihagikile gya myâka, ukuta fyonda afilungamikilage kwa Kilisiti nifya kukyâńa nifya pasi, Gal. 4, 4.

¹¹ mwa jujo mwe atu-dzusihidze vańa-kuhāla ilipwela unefwe, je atukongolye ṅani, ndeve aluvonye ńani umwene, je igimba fyonda, ndeve aluganisidze palukēlo lwakwe, Kol. 1, 12; Lom. 8, 28.

¹² ukuta unefwe tudzukage malumbo ga ndolo dzakwe, unefwe je twitalye ukumuhuvila Kilisiti;

¹³ najuńeńe, muvye mulipulike ilidzwi lya dza koluli, ilyevangeli lya vupoki vweńo, muvye muli-fuvilwe, neke baho avafundīlilage mwa jujo ni-kifundílilo kya Mubepo umwîmike, je ahuvidzwe, 4, 30.

¹⁴ je ali mbikila ja li pwela lyesu ijitigila: twi-kombodzwa twe vakwe musúma, pakuta dzilu-mbwage indolo dzakwe. 2. Kol. 1, 22; 5, 5.

¹⁵ Neke najune, ndivye ndipulike ulufuvo, lwe muli nalo uńeńe, lwe mumufuvilwe umutwa Jesu, nuvwênde, vwe muvendile avîmike vonda, Kol. 1, 4.

¹⁶ lino sindihwa pakuvahongehedza uńeńe, pe ndikuvakumbuka mulula-pangilo lwangu,

¹⁷ nditigila u-Nguluvi va mutwa visu Jesu Kilisiti, udadye va ndolo, avapĕlage uńeńe umubepo gwa luhala nugwa luvilatu-lilo,

¹⁸ Neke lwe mukumu dzela umwene, lwe lwene lwe luvamulikage amîho ga numbula dzeńo, pakuta mudzikagulage, dze vihuvila, ve avakongwe umwene, mudzikagulage uvumosi indolo dza lipwela lyakwe iligenda muvîmike,

¹⁹ mudzikagulage ningufu dzakwe uvukomi uvusi vwa kugela, dze akutuletela unefwe, je twifuvwa, ndeve dzigimba ingufu dza ludali lwakwe,

²⁰ lwe adzigimbye mwa Kilisiti, pe amudzulubusaga ku vafwe, pe amu-końomekaga kundyo ukwakwe kukyâńa,

²¹ pe amulutidzaga na pavutwa na pavutambule na pangufu na pavutemi na pamatavwa gonda, agitambulwa mumuhagulile gwa myâka ugu, aga-latambulwa na kumuha-gulile gwa myâka ugwa kuvulongolo. Kol. 2, 10.

²² Fyonda hela amule-fehidze jujo mumagulu gakwe, neke umwene, je ali mutwe kufyonda, atnn-tavulye ulukombeso, 4, 15; Mat. 28, 18.

²³ ululi muvili gwakwe, uvukwile vwa je ikwidza fyonda mufyonda. 4. 10; Lom. 12. 5; 1 Kol. 12. 27.