Mataji 1 - Itesamende Imya

¹ Ihâte iji ja vuhumilo vwa Jesu Kilisiti, umukina-Davidi, umukina-Abalahama;

² umwene Abalahama amubabile Jisikaka, Jisikaka amubabage Jakovo, Jakovo amubabage Juda navanakwavo,

³ Juda avababage Peledze na Salaka, ababye kwa Tamala neke Peledze amubabage Hedzelono, Hedzelono amubabage Lama,

⁴ Lama amubabage Haminadaba, Haminadaba amubabage Nahasono, Nahasono amubabage Salama,

⁵ Salama amubabage Bohasa, je āmubabye kwa Lahaba, neke Bohasa amubabage Hobede, je āmubabye kwa Lutu, neke Hobede amubabage Jisaji,

⁶ Jisaji amubabage Davidi, umutwa, neke Davidi amubabage Salomo, je āmubabihidze kwa va kwa Ulija,

⁷ neke Salomo amubabage Lekabehama, Lekabehama amubabage Abija, Abija amubabage Asa,

⁸ Asa amubabage Jehosapata, Jehosapata amubabage Jolama, Jolama amubabage Usija,

⁹ Usija amubabage Jotama, Jotama amubabage Ahasa, Ahasa amubabage Hisikija,

¹⁰ Hisikija amubabage Manase, Manase amubabage Amono, Amono amubabage Josija,

¹¹ Josija amubabage na Jekonija na vanakwavo pala pamwâka, gwe vavahamihidzaga ku Babele.

¹² Pambele pe vāvahamihidze ku Babele neke Jekonija amubabage Salatijele, Salatijele amubabage Selubabele,

¹³ Selubabele amubabage Abijudu, Abijudu amubabage Elijakimi, Elijakimi amubabage Asolo,

¹⁴ Asolo amubabage Sadoko, Sadoko amubabage Akimi, Akimi amubabage Elijudu,

¹⁵ Elijudu amubabage Elejasala, Elejasala amu-babage Matana, Matana amubabage Jakovo,

¹⁶ Jakovo amubabage Josefe, umugosi va Malija, je amubabaga Jesu, je vitigila ilitavwa je Kilisiti. 27, 17. 22.

¹⁷ Vonda mwe vagendye mukipelela kyanavo ukuhuma pa Abalahama ukufika kwa Davidi vali vańikyumi na vataji (14); kangi ukuhuma pa Davidi ukufika pala, pe vāvahamihidzaga ku Babele, vali vańikyumi na vataji (14); kangi ukuhuma pala, pe vāvahamihidzaga ku Babele, ukufika kwa Kilisiti vali vańikyumi na vataji (14).

¹⁸ Ukwene ukuholwa kwa Jesu kwagendye e nde: neke uṅina Malija, pe amufundilye Josefe, pe vave nukutolana, neke vavonage ingilidzwe kwa Mubepo umwîmike. Luk. 1, 36.

¹⁹ Neke Josefe, umunu vakwe, pakuva ali mugolofu, pakuva asasakulaga ukumwelesa kuvanu, swe neke agulwime ukumuleka kińele.

²⁰ Neke pe ihodza idzi nde, neke avonage huju umuńa-mwandza va Nguluvi akumuvonekela mumaloto itigila: Josefe, ve mukina-Davidi, utane ukogopa ulwa kumutola Malija, umunu vako, pakuva ke ali nako mwileme ka Mubepo umwîmike, v. 18.

²¹ alamuhola umwâna umuswamuve, je vwali umupelage ilitavwa ilya Jesu, pakuva je alavapoka avanu vakwe kundzanangifu dzanavo. Luk. 1, 31; 2, 21; Apos. 4, 12.

²² Dzonda idzi dzavone-kelaga, ukuta dzapukilage mumo idza ludzovo lwa mutwa, lwe alongye mwa muvidzi, je itigila:

²³ „Lolage umuhindza alingilidzwa, alababa umwâna umuswamuve, ilitavwa alamupela ilya Imanwele, kwe kuta: Nguluvi mujisu.“

²⁴ Neke Josefe, pe asisimwike kutulo, swe neke agendelage lulo, lwe amulongye umuńa-mwandza va mutwa, neke amwegulage umudala vakwe

²⁵ neke atanage ukumutola ukufika pa miholele gya mwâna uva vuvele neke amupelage ilitavwa ilya Jesu. Luk. 2, 7.