Malika 8 - Itesamende Imya

¹ Neke pafigono fifyo kangi valundine avanu avolofu neke ifya kulya si pe fyali, neke baho Jesu avakemelage avańi-gendwa vakwe neke avalongelage atigilage:

² umutima unene guku-mbava pavanu ava, pe ndikukivona ikipuga kya vanu iki, pakuva vahwe apangu apa ifigono fidatu kindzila-kulyakinu. 6, 34-44.

³ Ngana ndita ndivata-vule kukâja janavo kindzila-kuvasangila kinu, apo umusale gukuvatova muṅasi. Neke avangi vahumile kutali.

⁴ Neke avene avańigendwa vakwe neke vapilusage vatigilage: akufivonela kwi umunu ifilyo muluṅalaṅala muno neke fivedzage fya kuvasangila vonda avanu ava?

⁵ Neke umwene avavudzage atigilage: muli navo vulingi uvugali? Neke vatigilage: tuli navo isima dzili mufúṅàti.

⁶ Neke baho alongage kwilugu lya vanu neke atigilage: mwikale pańi. Neke baho inulage uvugali vuvo uvuli mufúṅàti neke ahongedzage neke ameguliṅasage neke avapelage avamgendwa vakwe neke atigilage: muvapelage avanu. Neke baho vavasindikilage avanu ililugu lyonda.

⁷ Na tu tusomba pe twali nde tulingi. Nato neke ahongedzage neke atigilage nato muvasindikilage avanu, valyage.

⁸ Neke baho validzage neke vīgutage neke baho vatulundasage utuvuluvu-lu, twe vasigidze, neke fimemage ifihivi fili mufúṅàti.

⁹ Neke avene, avalidzaga, pakuvala vali vańa-mbilima dzitaji (4000). Neke baho avatavulage.

¹⁰ Neke baho umwene ingililage ṅani mukyômbo navańigendwa vakwe neke alovokelage ukuhelela ku-ńi ja va mu-Dalamanuta.

¹¹ Neke lino baho ava-Fwalisaja neke vakole mukukananila numwene ulukani neke vamugemyage vatigilage: ungatuvo-nehedza ikilŏle kimwinga ikya kukyâńa.

¹² Neke umwene iṅulandzage mumubepo neke atigilage: avanu avalino ava visakula fya kiki ifilŏle? Ndakyene unene ndikuvavula nditigila: avanu avalino ava vasila-kivona ikilŏle nambi kimwi.

¹³ Neke baho avalekage neke kangi umwene ingilage mukyômbo neke alovokelage imwambu ijingi.

¹⁴ Neke avene avańigendwa vakwe vasemilwe ukuvopa ifŭka, vali najo isima ja vugali jimwinga hela, pe vali mukyômbo.

¹⁵ Neke umwene alagilage neke atigilage: mwilembage uluhâfu lwa va-Fwalisaja nuluhâfu lwa Helodo. 3, 6; Luk. 12, 1.

¹⁶ Neke avene vihodzage, vivudzage nukwivudza, neke vatigilage: vona pakuva tusivopile ifŭka?

¹⁷ Neke umwene Jesu avye avavwene, lwe vihodza, neke atigilage: mwihodza lwa kiki ulwa vutańamula ifilyo? Mwave, musina mudzifika inôngwa, mwave na li lino lusina lutema uluhala? Inumbula dzeńu dzave na li lino pele ṅângafu? 6, 52.

¹⁸ Kuno muli nago amîho, kangi musilola? Kuno muli nago na ga matwi, kangi musipulika? Nambi ukukumbuka musiku-mbuka?

¹⁹ Lula pala pe ndava-gavahidzaga avanu avańa-mbilima dzihanu (5000) isima dza vugali dzihanu, neke lino mwamemidze utuvuluvulu ifihivi filingi? Neke avene vatigilage: fińikyumi na fivili. 6, 41-44.

²⁰ Kangi napala, pe ndavagavahidzaga avanu avańa-mbilima dzitaji (4000) nuvugali isima dzili mufúṅàti dzila neke mwamemidze ifivuluvuiu ifihivi filingi? Neke avene vatigilage: fihanu na fivili. v. 6-9.

²¹ Neke umwene atigilage: lusina lutema kiki?

²² Neke baho vakafikage mu-Betesajidi, neke baho vamuletage ukwakwe umubofu jumwinga neke vamugongolelage vatigilage: ungamwabasa. 6, 56.

²³ Neke baho amwibatage ilivoko umubofu neke amuhumage nave kukâja neke amufuńilage namati kumîho neke amuvikage namavoko neke amuvudzage nde vwivona kiki. 7, 32. 33; Joh. 9, 6.

²⁴ Neke umwene inamukage neke atigilage: ndilola avanu, pakuva ndi-kuvavona avigendagenda, vali ngita mabiki.

²⁵ Neke baho amonge-ledzage ukumuvika amavoko pamîho, neke lino amîho gamehage hîlo neke baho ganogage neke fyonda fivonekage mbandu hela kwa mwene.

²⁶ Neke baho Jesu amutavulage ulukuta: usogolelage kuńumba jako, utane nukulegukila na mukâja muno. 7, 36.

²⁷ Neke baho Jesu ahelelage navańigendwa vakwe mukâja jonda ija mu-ńi ja mu-Kesaleja-Filipi. Neke pikasi neke avavudzage avańigendwa vakwe neke atigilage: avanu, pe vakundonga unene, apo vitigila ndi nani?

²⁸ Neke avene vatigilage: avangi vitigila vwi Johana umudzabisi, avangi vwi Elija, avangi vitigua vwi muvidzi ujungi hela. 6, 15.

²⁹ Neke umwene baho neke avavudzage neke atigilage: kang’ uńeńe mwitigila ndi nani? Neke baho apilusage Petele neke atigilage: je veve, ve Kilisiti.

³⁰ Neke baho umwene avafingilidzage ulwa kuta mutane ukulonga kwe jungi umunu. 9, 9.

³¹ Neke baho avavulanidzage atigilage: umwâna va munu lino ikŏla mukupumuka, navandzagila kisina navatekedzi avavina navakagulihâte valamupemesa, valamuvulaga, neke pakigono kya vudatu aladzulubuka.

³² Neke ilidzwi ili alilongage kyedzamutima hela. Neke baho Petele amuhăgukage nave neke baho amukabusage.

³³ Neke baho umwene avasedukilage avańige ndwa vakwe neke, pe avavwene, neke akabusage kwa Petele neke atigilage: upilukile kumbele, ve Setanw’ave, pakuva uveve usikuluhodza ulwa kwa Nguluvi, ukuluhodza lwa vanu hela.

³⁴ Neke baho akilundasage ikipuga kya vanu na va vańigendwa vakwe neke avalongelage atigilage: uju ngana itigila aninile unene, ujo ilekage ju mwene, itwikage nikipinduli-hidzo kyakwe, apo adzage, aninile unene.

³⁵ Ndivwene je itigila: ndinanyage umutima gwangu ujo alagwambudza swe. Neke je ikwambuhidza apangu unene umutima gwakwe na mulyevangeli lyangu, pakuva ali nalyo, apo ujo alaguponya umutima gwakwe. Mat. 10, 39.

³⁶ Ndivwene umunu, nde asavage jonda ińi, jiku-muvumbulila kiki, ngana ilivwa umutima gwakwe?

³⁷ Alatola kiki umunu ikya kuvangila umutima gwakwe?

³⁸ Neke lino je ivedza nisoni ukwangu na kumadzwi gangu kuvanu avalino ava, avagoni, avahosi ava, apo nave umwâna va munu alavedza nisoni, alava ikwadza mundolo dza dadye vuhanga navańa-mwandza avîmike. Mat. 10, 33.