Malika 7 - Itesamende Imya

¹ Neke baho vakoṅanage pamwene ava-Fwalisaja navakagulihâte vamwi, avahuma-mu-Jelusaleme.

² Neke vavavonage avańigendwa vakwe avangi vilya namavoko amańalupumba, kwe kuta agasi makalave. Luk. 11, 38.

³ Ndivwene avene ava-Fwalisaja nava-Juda vonda vasalyaga ifilyo kitakalava vukola mbando. Vagitaga-vo ukudzininila indzimbo, dze vavalekye avakatali.

⁴ Neke na fye fyahumaga kusokôni, nafyo avene vasalidzaga kijagi, vatalaga vafihogofyage tândi. Potuli nutungi utwîmbo twanavo utolofu, twe vitigila umunu twe avagye agendelage, utwakuhogofya nindeve nututonga nifihava fya fidzelu.

⁵ Neke baho ava-Fwalisaja navakagulihâte neke vamuvudzage vatigilage: uveve avańigendwa vako vasigendela kiki pandzimbo, dze vatulekye avakatali? Ka ifilyo vilya mwe kiki kitakalava amavoko?

⁶ Neke umwene apilusage atigilage: agolwise ndakyene Jisaja, pakuvila lwa ńe vakedus’ańe, lwe alongye ululi pahâte ulwitigila: avanu ava vikundumbila gu mulomo, inumbula janavo jili kutali.

⁷ Fye vitekela ukwangu fisikuvavumbulila kinu neke nuluvungo, lwe vivungila, lwîmbo hela lwa vanu.

⁸ Pakuva indagi dza Nguluvi idzo mudzilekile neke indzimbo dza vanu idzo mukudzininila.

⁹ Neke atigilage: muluvwene mbandu ulwa kudzidzumba indagi dza Nguluvi, pakuta tugendelage dzi dzesu indzimbo.

¹⁰ Ndivwene umwene u-Mose alagilye ṅani lwa kuta: umuginyage udado nuńoko nulwa kuta: je ikumuliga udadye nuṅina, ujo je muńa-kufwa swe.

¹¹ Neke lino uńeńe mwitigila: umunu ngana alongile kwa dadye nuṅina ngana atigye: „Kolobana“ kwe kutigila: ndikupelye kya hela, kye ndikukutangilihidza unene,

¹² apo ujo musileka amulimilage ulungi udadye nuṅina.

¹³ Neke twe twene utwîmbo tweńo, twe mulekanilye, mwe mwifufihidza nihdzwi lya Nguluvi. Nutungi utwîmbo, utuli nde utu, mwigendela tolofu.

¹⁴ Neke umwene avalundasage avanu ikipuga neke avalongelage neke atigilage: uńeńe mwivonda mupulihidzage ukwangu neke mulufikage, lwe ndilonga.

¹⁵ Pehela ifya kwivala, ifikumuhulila ilipumba umunu, ngana fikwingila mwileme lyakwe, hamu, ifihuma mwileme lyakwe, fye fyene, ifikumuvumbulila umunu ilipumba. Apos. 10, 14. 16.

¹⁶ Neke je ali nago amatwi, ujo apulihidzage.

¹⁷ Neke avye apilwike, kwe ali navanu, avye ingye muńumba, neke baho vamuvudzage avańi-gendwa vakwe uluhwananidzo ulu.

¹⁸ Neke umwene atigilage: najuńe ve mulivo? Lwave uluhala lusina lutema humbe? Mwave najuńe ukulufika, ukuta fyonda, ifili pivala hela, ngana fikwingila, sifihulila ilipumba kwe munu?

¹⁹ Pakuva fisikwingila mwe numbula, hamu, fikwingila mu mwileme, kangi fidzitagwa kudâsi. Mwe fivalahidzwa ndesi fyonda ifilyo.

²⁰ Neke atigilage: fyonda ifihuma mwileme lya munu, ifyo fye fikumuhulila umunu ilipumba.

²¹ Ndivwene munumbula ja munu mugati mwe mwene mwe gihuma amahôdza amavîfu nuvugoni nuvuhidzi nuvuvuladzi

²² nukudumula uvutolane nuvununumu nuvuhaluka nikigaho nuvukemi nilîho ilihaluka nuvulongafivi nuvwiginisi nuvupuva.

²³ Dzonda idza vuhaluka idzi dzihuma mwileme lya munu, dze dzene, idzikumuhulila umunu ilipumba.

²⁴ Neke baho ahegage neke ahelelage ku-ńi ja mu-Tili na mu-Sidono. Neke akadzikwingilage muńumba, atigilaga vatane ukukagula avanu. Neke alemwage ukwijadza.

²⁵ Pakuva pe ali jumwinga umudala, je ali nakahindza, ke gwamwingye umubepo umulamafu, apulike ukuta ali muno. Neke baho ahelelage baho, pe ali umwene, neke agonda-midzage mumagulu.

²⁶ Neke umwene umukińinavo ali mu-Giliti, ahumile mukipelela kya Silofoniki, neke je adedevage ukwakwe neke atigilage: ungańedzehedza umudemono kwa mwali-vangu.

²⁷ Neke umwene atigilage: uleke tândi vigutage avâna vangu, ndivwene si lunofu ukujinula ifŭka ja vâna neke usopelage imbwa.

²⁸ Neke umwene umukiṅinavo apilusage neke atigilage: ulo hulo, mutw’ave, neke na tu tubwa, utuli mwifungu lya libiki lya kulila, twihola utuvuluvulu, twe vilagalidza avâna.

²⁹ Neke baho Jesu apilusage atigilage: baho ulilongile ilidzwi ili, swêla lino uhelelage, udzivona umudemono ahumile kwa mwalivo.

³⁰ Neke. baho ahelelage kuńumba jakwe neke akavonage umudemono ahumile ndakyene neke akavonage umwalive ilambalalye pavulili.

³¹ Neke kangi ukuhuma mu-ńi ja mu-Tili ńeke adzumbanidzage ija mu-Sidono neke akafikage pańandza ja mu-Galilaja, pagatinapagati pa-ńi ja mu-Dekapōli; cf. Mat. 15, 29-31.

³² neke baho vamuletage umudibafu, je ali kitadzova neke vahongedzage ukwakwe vatigilage: ungamuvika ilivoko. 5, 23.

³³ Neke umwene ibagulage nave kuvanu neke amusopage ifyâla mumatwi neke afuńage namati neke amwabasage ululimi lwakwe. 8, 23.

³⁴ Neke alolage kukyâńa neke lino iṅulandzage neke atigilage: hefwata! kwe kutigila: dinduka. 6, 41; Joh. 11, 41.

³⁵ Neke baho amasikidza gakwe gadindukage neke nuludela lwa lumili luvopokage neke alongage hela agolosage.

³⁶ Neke umwene adzidzage atigilage: mutane ukulonga kwe munu. Neke avene bahe idzidza neke baho neke avene vongeledzage vunofu ukupulisa. 1, 43-46.

³⁷ Neke vadzumage sikudzuma neke vatigilage: anodzidze fyonda, avadibafu akuvahulila ukuta vapulikage avakitadzova akuvahulila ukuta valongage.