Malika 4 - Itesamende Imya

¹ Neke baho kangi neke avwilage ukuvadali-kila avanu inôngwa, pe imile paṅumbuṅumbu ja ńandza. Neke baho avanu avolofu neke valundanilage baho, pe ali umwene. Neke baho umwene ingilage mukyômbo ikyali mumo mululenga, neke pe ikale. Neke ililugu lya vanu neke litandalikage kuṅumbuṅumbu ja ńandza.

² Neke umwene avadalikilage inôngwa indzolofu neke avavulilage muńwa-nanidzo. Neke indzanga jakwe jali ja kutigila:

³ Mupulikage kuno! Lolage umuńa-kumidza akihelela mukumidza.

⁴ Neke avye imidza, neke ijingi jigwilage pikasi. Neke baho indege dza ku kyâńa dzadzage dzihole jonda jikasila.

⁵ Neke ijingi jigwidzage pa-ńi ja lutālâvwe, pe gusali poguli numufuna umolofu. Neke iji jangupile na pakumela nakalingi, pakuva umugigila gwa muganga gusali mukomi.

⁶ Neke livye lihohomwike ilidzuva, neke baho jijongodokage neke jumage, pakuva jisali nindela.

⁷ Neke ijingi jigwilage pamifwa neke jimelanilage nimifwa neke imifwa gijitovage imbeju neke baho jilemwage nukuhumya ińodzo.

⁸ Neke ijingi jigwidzage pa-ńi inofu neke jihumyage ińodzo neke jimelage jolokage neke ijingi jivelekage amakyumi gadatu, ijingi amakyumi mutanda, neke ijingi jivelekage iligana.

⁹ Neke je ali nago amatwi, ujo apulihidzage.

¹⁰ Neke pe avye idevwe, neke baho vamuvudzage ifimańagidzo fifyo avali nave vuhanga navańikyumi navavili (neke vatigilage: ino kye kiki?)

¹¹ Neke umwene avavūlage atigilage: uńeńe mupelilwe ukuta mudzi-mańage idza kukińele, idza vutwa vwa Nguluvi, neke lino avene avapivala avo nda, avo vipulikilaga mu mufimańagidzo, ukuta ukulola kwe valolage neke ukulumańa valemwage, 1. Kol. 5, 12.

¹² neke ukulupulika kwe vapulikage, neke ukulufika valemwage, nukupituka ukuta vatane ukupituka ponu, nukuvodzwa uvwanangifu vwanavo vatane ukuvodzwa.

¹³ Neke avalongelage atigilage: ngana kivale-miie ikimańagihidzo ikyebepe iki, apo mulafifika ndavuli ifilutye uvukângafu?

¹⁴ Fye imidza umumidzi, lye lidzwi.

¹⁵ Neke avapikasi ve ava, avivona ilidzwi lisopilwe, avivona vapulike, neke na ju Setano ikwangupa pakulipalaṅasa ilidzwi, ilikamidzilwe munumbula janavo.

¹⁶ Neke je nditigye jagwaga palutālâvwe, najo ndesi; ve ava, avivona vapulike ilidzwi, vikela pakulyanukila vasili na luhāvi.

¹⁷ Neke indela idzo hamu vasiva nadzo, vikwima ifigono nde filingi, neke pambele, pe vavwene ilidzwi livahulye ulupumuko nukufwimwa, swe fisihāva ukuvambudza ifyen’ ifi.

¹⁸ Neke avasopwaga pamifwa, e navo vali pangi; ve ava, avivona vapulike ilidzwi,

¹⁹ neke kangi amahodzo aga mu-ńi muno nuvusafi, uvwidzanga, nif ya vudobo-fu fyonda ṅani, fikwingila mumaleme ganavo neke fihangage pakuligoveledza ilidzwi neke lino ni-ińeke dzitane ukuveleka. 10, 23. 24.

²⁰ Neke ijene, je nigye jikigwa pamuganga umunofu, ve ava, avipulika ilidzwi neke nukulyanukila vikuiyanukila neke lino viveleka nukuveleka ifihodzo; avangi viveleka amakyumi gadatu, avangi viveleka amakyumi mutanda, avangi viveleka ligana.

²¹ Kangi neke alongage navo atigilage: uluṅali ngana valukungile, vona vigubikila nikibedza, nambi vona vivika kwifungu lya kitala? Vasineneveka pakyâna pakibatilo kya lumuli? Mat. 5, 15.

²² Ndivwene tonda, utu-fihime, tufihamye ukuta twali tusikulwage, kangi nutuli kuvutitu, tuvelye kuvutitu, ukuta twali tusikulwage vulolela. Mat. 10, 26; Luk. 12, 2.

²³ Neke je ali nago amatwi ga kupulikila, apulihidzage.

²⁴ Neke kangi avalongelage atigilage: neke lino muletage uluhala, mupulihidzage vunofu. Ikigelelo, kye mukuvagelela uńeńe avangi, mulagelelwa kikyo na juńeńe; neke uńeńe mulongeledzwa nukongeledzwa. Mat. 7, 2.

²⁵ Ndivwene, je i nafyo ifingi, ujo alongeledzwa nifingi, neke lino je asili nako kanu, ujo kilańagwa na ki kingi. Mat. 13, 12.

²⁶ Neke atigilage: ve vulivo na vu vutwa vwa Nguluvi, vuli ngita munu, je isopa imbeju jakwe mumugunda gwakwe.

²⁷ Neke umwene akagonelelage itulo pakilo neke nimilamukile alamukage, pe kukye. Neke ijene imbeju neke jimelage neke jikulage umwene kitajivona. Jak. 5, 7.

²⁸ Pakuva ińi jilima ji jene, pe jivelesa ifipeke; tândi jimedza umuhăle neke baho dzihomelage ińodzo neke lino muńodzo vwimema uvubeke vwa vuledzi.

²⁹ Neke lino, ngana avwene ińodzo dzūmile, apo asihāva umumage gwa kubenela, ulwa kuva lino jifikile imbene.

³⁰ Neke atigilage: uvutwa vwa Nguluvi tutigilage vuliṅine nikiki? Tu-kukivonela kwi ikya kuhwananidza?

³¹ Tutigilage vyli ngita kabeke ka lupala. Akene, pe ikukavyala umunu mumugunda gwakwe, kivoneka uvunaṅi kutupeke tonda utwa ku-ńi kuno.

³² Neke ivya avyalile umunu, neke apo lwikula, lukudzilutila imboga dzonda, lwipaga namapagwa amakomi, neke swe indege idza kukyâńa dzikwadza, dzivujila mumwigîgi gwalo.

³³ Neke avavūlage ndesi inôngwa, avavūlilaga mufimańagidzo neke agelanihidzage paluhala lwanavo ulwa kudzifikila.

³⁴ Neke ulugaja-fihwa-nanidzo asavavūlaga ponu, dzonda, dze avavūlaga, avūlilaga mufya kumańagidza. Neke avene avańi-gendwa vakwe avo avaganulilaga, vavyaga videvwe.

³⁵ Ikigono kikyo pakyamihe neke avalongelage avańigendwa vakwe neke atigilage: tulovokelage imwambu jila.

³⁶ Neke baho valitavulage ililugu lya vanu. Neke vamwinulage ju mwene, ndevye akakoṅomye mukyômbo neke vahegage; neke na fi fingi ifyômbo pe fyali, neke nafyo vagendamlage.

³⁷ Neke baho lilamukage ilivelo ilivina neke amavingo neke gitovelage mu mukyômbo neke kimemage na ki kyômbo.

³⁸ Umwene dzivye dzimutolile itulo kwipeku lya kyômbo, ihagamwe nikihagamulilo kya mutwe. Neke baho avene vamusisimusage vatigilage: ve mutw’ave, uveve umutima gusivava, ukuta twikŏla mukufwa?

³⁹ Neke baho umwene asisimukage neke alikabusage ilivelo neke ajikabusage na ji ńandza neke atigilage: jigale, udzike! Neke baho ilivelo lilitamage na ji ńandza jidzilivalage.

⁴⁰ Neke alongage kuvene neke atigilage: uńeńe, gwe muhwehwe guki? Mwave, musina mufuvwa?

⁴¹ Neke baho livagwilage nilitulo ilikomi neke vahililage nukuhilila neke vivudzage vatigilage: mutigye je ani umwene uju? Pakuva na li livelo lipulika ku kwakwe neke na ji ńandza jikumupulika.