Malika 3 - Itesamende Imya

¹ Neke baho avwilage kangi ukwingila muluholanilo, neke mwe akamuvonage umunu umuńa-livoko ilyumile.

² Neke avene vamugemyage vatigilage: twilolele nde akumunanya pene ńwabaha; pakuva avene vatigilaga, apo tukuluvo-nela baha ulwa kumuvulilila.

³ Neke umwene alongage kwa munu umuńa-livoko ilyumile neke atigilage: vwimage uhegēlele kwene gati.

⁴ Neke avavudzage atigilage: kinogye kiki pańwabaha nukulima ulunofu nukulima uluvîfu nukumuhulila uvûmi umunu neke nukuvulaga? Neke avene dzili hela, nambi kya kulonga.

⁵ Neke baho umwene avalolesage vonda uluhandza-niṅaladzi, nuvutalamu vwa numbula dzanavo neke vwe vumuhu-lilage uvuhuguvafu. Neke baho amulongelage umuńa-livoko ilyumile neke atigilage: ugolosage ilivoko lyako neke umwene aligolosage ilivoko lyakwe neke baho livedzage ngita lijagwe uvunofu. Joh. 11, 33.

⁶ Neke baho ava-Fwalisaja neke vahumilage ńani pivala neke vakŏlage mukulongana navańigendwa va Helodo neke vidiṅanage ulwa kumuvulagila. Mat. 23, 16.

⁷ Neke Jesu navańigendwa vakwe neke vepelage kuńandza. Neke avanu ava ku-Ga-lilaja neke vamuninilage avolofu.

⁸ Neke vonda, avadzipu-like dzonda, idzavonike, neke navo vahelelage kuko, kwe ali umwene, avahumile na mu-Judaja na mu-Jelusaleme na mu-Itumaja na va mwambu jila ja Jolodana na mumibaka gya Tili na mu-Sidono neke guhelelage umwa-ndzahela umukomi. Mat. 4, 25.

⁹ Neke umwene alongage kuvańigendwa vakwe neke atigilage: musakulage ikyômbo ikya kwikwegela, ukuta vatane ukumbana avolofu.

¹⁰ Ndivwene umwene avolofu avananyaga. Neke vonda, ve fyavapumwise ifitamwa, neke vańililage mumuvili, ukuta tumwabasage.

¹¹ Neke na gi mibepo imikali gyavonaga gimuvwene, neke nagyo gigwilage pasi neke gikutage gitigilage: uveve ve muswamuve va Nguluvi! Luk. 4, 41.

¹² Neke umwene akabusage atigilage: mutane ukumulisa ponu. 1, 34.

¹³ Neke baho inukilage kukidunda neke avakemejage, ve āvakēlye ju mwene, neke avene vahelelage ukwakwe.

¹⁴ Neke avahagulage avańikyumi navavili, ukuta vavedzage ve vakwe mbêpali, neke atigilage va kuvatuma iṅasi dzangu pakudalika inôngwa.

¹⁵ Ve vańa-kuva nuvu-tavulilwe uvwa kudagila avademono.

¹⁶ Neke avimikage vańi-kyumi navavili neke u-Simono amupelage ilya Petele,

¹⁷ na Jakovo umwa-Sebedaja nu-Johana, umunuṅuve va Jakovo, ve avapelage nilitavwa lya Bwanelegese ilya kuta-mbulika ukuta ve vańa-libalamusi, Luk. 9, 54.

¹⁸ na Andeleja na Filipi na Balatolomaja na Mataja na Toma na Jakovo, umwa-Alafwaja na Tadaja na Simono, uva mu-Kana

¹⁹ na Juda u-Isikalyoto neke pambele je mwene, je amuvulilaga jujo.

²⁰ Neke avye ikwingila muńumba, neke kangi valundanage avanu avolofu, neke pagajage apakulila ifilyo.

²¹ Neke avańa-ṅolo vakwe, vavye valupulike ulu, neke vatigilage tumwibate, agulwike lukwale.

²² Neke avene avakagulihâte, avahuma-mu-Jelusaleme, neke avo vatigilage: ali na Belesebulu. Neke na gi mibepo imivîfu akugilosehedza mwitavwa lya Belesebulu.

²³ Neke baho Jesu avalundasage neke avadalikilage ikihwananidzo ikya kuhwananidza neke atigilage: U-Setano ujungi akumudaga ndavuli u-Setano umujagwe.

²⁴ Neke uvutemi, ngana vukwitilanga vutemi na vutemi, apo vwilemwa uvutemi.

²⁵ Neke na ji ńumba, ngana jikwitilanga ńumba na ńumba, apo jilemwa ukwima ińumba jila.

²⁶ Neke na ju Setano, ngana igalukye ju mwene neke fitilange, apo ilemwa ukwima, apo ve idudzidze.

²⁷ Umunu ilemwa ukwingila muńumba ja mutendzi umuńa-ngufu mukupupa ifya mumo, pe asina amwavika tândi umwenenajo. Apo ngana amwavikye ńani, apo akufipupa ifya muńumba jakwe fyonda.

²⁸ Ndakyene unene ndikuvavula ukuta: inôngwa dzonda, dze vihoka avanu, dzilavodzwa, nde dzivedzage dza kuliga fivi, dze va viliga fivi, nadzo dzilavodzwa.

²⁹ Neke je akumuliga ululi fivi u-Mubepo umwîmike, ujo asilakuvona ukuvodzwa, jilamumîlila mbepalimbêpali.

³⁰ Pakuva vamutigye, ali numubepo umulamafu. v. 22.

³¹ Neke baho uṅina navańa-lukolo vakwe neke vahegēlelage neke vimage kumbele kuvanu neke vamutumage umuńa-kumukemela umwene.

³² Neke pamikalile umwene avanu vamwika-dzidze pagati, neke avo vamulongelage vatigilage: nuńoko navanuṅuvo nga hava vakukusakula.

³³ Neke umwene apilusage atigilage: unene je am ujûva, avanuṅunavangu unene ve valikwi?

³⁴ Neke baho avalolesage avanu avamwikadzidze pagati neke atigilage: muvavwene ava? Je jûva unene, ve vanuṅuvangu.

³⁵ Pakuva je a ilima, lwe akelye Nguluvi, je munuṅuvangu, je muhadza-vangu, je jûva unene jujo.