Malika 14 - Itesamende Imya

¹ Neke fyasigye ifigono fivili ukufika pasa, ikyâka kya vugali uvundzila-luhâfu. Neke baho navatekedzi avavina navakagulihâte neke vasa-kudzage uvubanga vwa kumwibatila neke vamu-vŭlage.

² Neke vatigilage: tutane ukumwibata pakyâka, valatugalukila avanu vonda.

³ Neke avye agenda mu-Betanija, muńumba ja Simono umuńa-fińa-muvili, avye ali mukulya ifilyo, neke baho ahegêlelage ukwakwe umukiṅinavo jumwi, je ańamwe isupa ja mono indzila-vudzulufu, inalamu mbandu, neke ajipimulage isu-pa jakwe neke amusukulilage pamutwe.

⁴ Neke baho avangi, avali baho, neke vadzinage neke vatigilage: itagasa dza kiki imono dzakwe?

⁵ Ndivwene aka agulage imono idzi, apo ngali vasavile amalupija, apo ngali galutye na pamagana gadatu (300) uvolofu, apo ngali vavagavahidze avahangala. Neke baho vamukeńelage umukiṅinavo.

⁶ Neke baho umwene Jesu atigilage: mumuleke umukiṅinavo uju, mutane ukumudasa, andimye amalimo amanofu june.

⁷ Ndivwene avahangala avo muli navo mbêpali, ngana mutigye muvapelage ifinofu, mbêpali apo vasijagile nda. Neke unene je ndisivedza apeńo mbêpali nda.

⁸ Aletye ṅani uju, lwe aluvwene, atalye ṅani ambakile imono idza kusilila june.

⁹ Ndakyene unene ndikuvavula nditigila: monda mu-ńi, mwe liladalikwa ilyevangeli, na ju mukiṅinavo uju amalimo gakwe, ge alimile, galalongwa, galavedza ga kumukumbuka nave.

¹⁰ Neke baho Juda u-Isikalyoto, je ali va vańikyumi navavili, neke je ahelelage kuvatekêdzi avavina neke akalongage navo ulwa kuvasutulila u-Jesu.

¹¹ Neke avene, vavye vapulike ulu, neke baho vakelage mbandu neke vatigilage: tukukuhomba amalupija, neke baho umwene asakulage pavwimilo apakumusutulila.

¹² Neke pakigono ikilongodzi ikya vugali uvundzila-luhâfu, pe va vikomela nakakolo ka pasa, neke baho vamuvudzage avańigendwa vakwe neke vatigilage: uveve utigye tukahelelage kwi mukuvujapa (akakolo ka) pasa?

¹³ Neke baho umwene avatumage avańigendwa vakwe vavili neke atigilage: muhelelage pakâja jila, kwe mudzitaṅanika numunu, itwikile indzilo ja lulenga, je mukamuninile jujo.

¹⁴ Mukingilage najuńe, mwe ikwingila umwene neke mwe mukalongane numwene-ńumba mukatigilage: umwiganidzi atigye: jilikwi ińumba, kwe vwitigila ndililage pasa? 11, 3.

¹⁵ Apo swe mulavona akuvalaga ińumba ija kukyâńa inofu, kwe vavikile nifitêngo, kwe mukavujape ifilyo ifya kulya unefwe.

¹⁶ Neke baho avańigendwa vakwe vahumage neke vahelelage mukâja jijo neke vakavonage lugendye mwe lwe alongile ju mwene. Neke baho yavujapage ifilyo fya pasa.

¹⁷ Neke lino, vuvye vuhwe pakya mihe, neke lino ingilage mumo navańigendwa vakwe vańikyumi navavili.

¹⁸ Neke vavye vakoṅomye pakulya, neke baho Jesu avalongelage avańi-gendwa vakwe atigilage: ndakyene ndikuvavula unene nditigila: uńeńe, je twihanga pamwinga pakuly’ańe, pwali jumwinga umuńa-kusutula unene.

¹⁹ Neke baho vahugu-valage neke vamuvudzage jumwijumwi vatigilage: vona je nene?

²⁰ Neke umwene avalongelage atigilage: jumwinga uva vańikyumi navavili, je twikwigeleṅasa amavoko ikitonga kimwinga.

²¹ Neke umwene umwâna va munu ujo ihelela, ndevye jikumutambula ihâte. Iga juve, ve munu, je ukumusutula umwâna va munu. Umunu jujo ali atane nukuvonekei’ivala.

²² Neke lino vavye vagenda pakulya, neke Jesu inulage uvugali neke ahongedzage neke ameguliṅasage neke avapelage vavo neke atigilage: kote, uvwene uvu gwe muvili gwangu. 1. Kol. 11, 23-25.

²³ Neke inulage nikińwelo neke ahongedzage neke avapelage vonda neke vańwelage kikyo.

²⁴ Neke avalongelage atigilage: je danda jangu ija lufingo, je ndivitye avolofu.

²⁵ Ndakyene unene ndikuvavula nditigila: ukuhuma ku neṅuli sindilavuja mbwile kangi ukuvuńwa uvwa meke dza vutoṅoni uvu ukufika kukigono, kye ndilańwela uvupya hela kuvutwa vwa Nguluvi.

²⁶ Neke baho vimbage ulwa kumulumba Nguluvi neke baho vahumilage pivala neke baho valungamilage kukidunda ikimono.

²⁷ Neke baho Jesu avalongelage atigilage: ikilo iki mwivonda mulatigila muńa-kutwambudza uju, pakuva lolilwe pahâte ulwitigila: „ndilamutova umudimi, apo swe baho iṅolo dza kipinga kyakwe dzilapalaṅana.“

²⁸ Neke pe ndidzulubwike, ndilavalongolela ukuhelela mu-Gahiaja. 16, 7.

²⁹ Neke Petele atigilage: napo ngana avangi vonda vitigila: ulavedza muńa-kutwambudza uveve, unene ulo nda.

³⁰ Neke apilusage Jesu atigilage: ndakyene uńeńe ndikukuvula nditigila: ki kilo ikya neṅuli iki, indzogolo pe jisina jivanga ulwa kavili, apo uveve ve vwikanile kadatu ukwangu ukuta sindimudzelye unene. Joh. 13, 38.

³¹ Neke umwene adzufyage pakulonga atigilage: napo, nde Tuka luvedzage lwa kufwa, napo tuka tudzifwilanila ndesi, sindika ndikwikana ukuta sindimudzelye nda. Neke vonda navajagwe neke valongage lulo.

³² Neke baho akadzifi-kage kuluvandza, lwe vitigila Getesemane ilitavwa. Neke umwene alongage kuvańigendwa vakwe neke atigilage: mwikale bahano uńeńe, unene ńdihelela mukulapangila tândi. Joh. 18, 1.

³³ Neke avinulage ava-Petele na Jakovo na Johana neke avahelelage navo. Neke baho akŏle mukuhilila neke ańeṅemalage.

³⁴ Neke baho atigilage: umutima gwangu guńeṅemye kondakonda, ndili ngita ndi muńa-kufwa swe. Mwikale baha uńeńe, muvedzage mîho. Joh. 12, 27.

³⁵ Neke umwene adalusage padebe neke baho agundamage pańi neke alapangilage atigilage: isala iji ngana sijilemwa, jingadzumba apangu.

³⁶ Neke atigilage: aba, ve dâda, uveve kisikulemile kinu, ungakidzufya ikińwelo iki apangu; neke utane ukugendela, lwe ṅelye unene, ugendelage, lwe ukelye juve. 10, 38.

³⁷ Neke akapilukage neke adzage avone dzivatolile itulo. Neke baho alongage nu-Petele neke atigilage: Simono, dzikutolile itulo, jikulemile nisala jimwinga ukuva mîho uveve?

³⁸ Muvedzage mîho, mulapangilage, ukuta lutane ukuvagwila ulugemyo uńeńe. Ugwene umubepo gwidike neke ińama ja muvili ijo ngajangufu.

³⁹ Neke avwilage kangi ukuhelela mukulapangila neke akalongage amadzwi gago, ge alongile umutalo.

⁴⁰ Neke baho akadzage kangi neke avonage kangi dzivatolile itulo, vavwene amîho gisindzila, neke vasadzidzelaga na dze vipilusa.

⁴¹ Neke baho akadzage kangi ulwa vudatu neke alongage navo atigilage: mugonage mwapule, mupolage. Swe lino isala jifikile. Lolage umwâna va munu vikŏla mukumusutulila mumavoko ga vahosi.

⁴² Mulamuke tugendage, ali pîpi, je akŭsutulila unene.

⁴³ Neke baho nakalingi, pe ali mukulonga amadzwi aga, neke baho vavonage huju adzile Juda u-Isikalyoto, uva pikyumi navavili, avaletile avanu ililugu, avakŏlelye nifyûfya nisondzo, avahumile na kuvatekedzi avakomi nakuvakagulihâte naku-vandzagila ikisina.

⁴⁴ Neke umwene umudumusi akavalongye ikimańilo ukuta: je mudzi-vwene ndikumunonela kumulomo, apo je mwene jujo, je mukamwibate, neke mumuhegage nave vunofu, atane ukukimbila.

⁴⁵ Neke lino, avye afikile (Juda), neke baho âńililage mumuvili gwa Jesu neke atigilage: ve mululema vangu! Neke baho amunonelage kumulomo.

⁴⁶ Neke baho avene neke vadamikage amavoko kwa Jesu.

⁴⁷ Neke baho avene, avimile baho, neke ujungi ahumyage umumage gwakwe neke amuhengage umuvanda va mutekedzi umukomi neke alidumulage ilisikidza lyakwe umwinga.

⁴⁸ Neke baho Jesu avahigage atigilage: pe mwadzile mukundzibata unene, muli ngita mukumwibata umukufi, mukolelye nifimage nisondzo.

⁴⁹ Ka ifigono fyonda, pe ndavulanidzaga mutembele, musali mundzibataga? Neke lino swe, pakuva lugendye baho, ndevye jilonga ihâte.

⁵⁰ Neke baho vonda vamulekage neke vakimbilage vonda.

⁵¹ Neke baho pali pwali umukwamidzi, je afwete umwênda gwa kwitodza, neke vamwibate.

⁵² Neke baho umwene avalekelage umwênda neke akimbilage kibŭna.

⁵³ Neke umwene Jesu neke vamukwegelage neke vamuhelelage nave pamutekedzi umukomi, pe valundanye navatekedzi avakomi navandzagila ikisina navakagulihâte.

⁵⁴ Neke umwene Petele aninilage pavutali neke akafikage navo pańumba ja mutekedzi umukomi, neke akikalanilage navivaha pakota umôto.

⁵⁵ Neke avene navate-kedzi avavina na lu lulundano londa ulwa vahiga-nôngwa neke vasakulage idza kumugoma Jesu pakumuvŭlaga, neke kangi valemwage.

⁵⁶ Ndivwene avolofu volekaga idza vudesi kwa Jesu neke uvolesi vwanavo vutane ukutaṅana vunofu.

⁵⁷ Neke baho vimage avangi neke volekage idza vudesi neke vatigilage:

⁵⁸ unefwe tupulike, pe itigila: unene ndimamula ikyânga kya tembele iki, je vadzengile namavoko, neke kangi unene ndilakidzenga ifigono fidatu swe ikingi, ikidzila-kudzengwa namavoko. Joh. 2, 19.

⁵⁹ Neke na dzidzi idzi, pe vikudzilonga, neke nadzo vavonage sidzihanga vunofu nda.

⁶⁰ Neke baho image pagati umutekedzi umukomi neke amuvudzage atigilage: dzonda idzi, dze vakukulondza ava, uveve usipilusa kinu?

⁶¹ Neke umwene idzi-kilage hela, nambi kupi-lusa kinu. Neke baho umutekedzi umukomi neke avwilage kangi ukumu-vudza neke atigilage: u-Kilisiti, umuswamuve va muńa-kulumbwa, je veve? 18, 6.

⁶² Neke umwene Jesu atigilage: e, je nene! Neke mulamuvona umwâna va munu, pe ikalile kwivoko ilya ndyo, ilya mu-ńa-ngufu, pe ikwadzila mumafunde ga kukyâńa.

⁶³ Neke baho umutekedzi umuvina neke ademuliṅasage nisopeka dzakwe neke atigilage: tukatigye tuvasakulage avangi vakiki, avańa-koleka?

⁶⁴ Mupulike najuńe, pe akumuliga Nguluvi. Ndavuli uńeńe? Neke baho vonda vatigilage: je va kufwa. Joh. 19, 7.

⁶⁵ Neke baho avangi vakole mukumufuńila amati kumîho neke vamufunikage kumîho neke baho vamutovage nifundzi neke vatigilage: ongo lino, uvilage! Neke navivaha navo neke vamwaṅanidzage nifivâte.

⁶⁶ Neke umwene Petele, pe ikalile pańumba ija pasi muvudamo, neke baho umuvanda jumwi va mutekedzi umuvina, umukińinavo, adzage,

⁶⁷ neke pe amuvwene Petele ikota umôto, neke baho amumehage neke amutigilage: najuve uli mujagwe va Jesu, uva mu-Nasalete jula.

⁶⁸ Neke umwene Petele neke akanage atigilage, hamu, unene sindimudzelye, nukudzifika singudzifika, dze vwilonga. Neke ahumage kwivala neke ahelelage kuluvandza.

⁶⁹ Neke umwene umukiṅinavo, pe amuvwene, neke baho avwilage kangi neke avavulage, avali baho, neke atigilage; umunu uju je mujagwe va jula.

⁷⁰ Neke umwene Petele neke kangi akanage. Neke pe vatinidze padebe, neke āvimile baho neke valongage nu-Petele vatigilage: ndakyene najuve ve vajago vala, tuvwene uli mu-Galilaja.

⁷¹ Neke baho umwene iligilidzage neke nukujiga ajigage atigilage: unene sindimudzelye ponu umunu , je mukumulonga ujo.

⁷² Neke baho imbisi jivangage ulwa vuvili. Neke baho Petele ivukage ilidzwi, lye amulongye u-Jesu, lye atigye: pe jisina jivanga imbisi nulwa ka-vili, apo uveve ve vwikanile kadatu ukwangu, vwiva utigye sindimudzelye unene. Neke baho alu-kumbukage neke avembage nukuvemba. v. 30.