Malika 12 - Itesamende Imya

¹ Neke baho amulage mukuvalongela mufihwananidzo neke atigilage: umunu avyalile umugunda gwa vutoṅoni neke asitage nulusito neke adzengage nińumba ja kuhudzila neke adzengage numunâla neke avatavulilage: avalima-vutoṅoni neke umwene ahelelage ku-ńi ijingi.

² Neke lino guvye gwadzile umwêdzi gwa vutoṅoni, neke baho atumage umuvanda vakwe kuvali-ma-vutoṅoni ukuta akinulage dzimwi imeke dza mumugunda gwa vutoṅoni kuvalima-vutoṅoni.

³ Neke baho avene vamwibatage neke vamufyogage neke vamudagage, pe vasimupelye kinu.

⁴ Neke baho umwene avwilage kangi pakumutuma umuvanda ujungi. Neke uju vamubumulage umutwe neke vamujeje-vulage;

⁵ neke kangi avwilage Ukumutuma ujungi umuvanda. Neke ujo vamu-vulagage. Neke vavagitage ndesi avolofu, avangi vavafyogage, avangi vavavulagage.

⁶ Neke lino ali numuswamuve umuńa-kimwinga, umwênde vakwe, neke je amutumage pambele neke atigilage: umwâna vangu ujo vakumogopa.

⁷ Neke avene avalima-vutoṅoni neke vilondzage vatigilage: ahuju lino umuńa-lipwela, musûko tumuvulagage, apo livedza lipwela lyesu jufwe.

⁸ Neke baho vamuvulagage neke vamuhumyage mumugunda gwa vutoṅoni neke vamutage. Heb. 13, 12.

⁹ Neke lino alagita navo ndavuli avanu vala umuńa-mugunda gwa vutoṅoni? Aladza mukuvavulaga avalima-vutoṅoni neke pamugunda gwa vutoṅoni alavahomedza avangi.

¹⁰ Neke apene pahâte musipavwene ponu apitigila: „Iliganga, iligunilwe kuvadzenga-ńumba, lye lyene kangi lye lidzukile vwidamiko vwa ńumba jonda.

¹¹ Luhumile-vo kwa mutwa, atigye luvedzage lwa kudzumanga unefwe, pe tukuluvona.“

¹² Neke avene vatigilage tumwibatage, neke kangi vogopage kwilugu lya vanu. Pakuva valulkile, lwe amańagidzaga neke vatigilage: akutulonga jufwe; neke baho vamulekage baho neke vahelelage.

¹³ Neke baho vavatumage ava-Fwalisaja navakina-Helodo vatigilaga vamudadihidzage mwe dze ilonga. 3, 6.

¹⁴ Neke vahelelage vakatigilage: ve mwiganidzi, tuvwene vwi va koluli, uveve usikwivudza kwe munu: pakuva uveve usilola uvutambule vwa munu, hamu, uveve ukuvavula avanu iṅasi ja Nguluvi. Vona kunofu ukumutovela ikodi u-Kesale? Ene vuli mwîko? Tugitage ndavuli, vona tuhombage ndesi, vona tubihilage ukuhomba, ndavuli uveve?

¹⁵ Neke umwene avakagulage uvudesi vwanavo neke atigilage: mukungemya kiki? Muletage ulupija lwa kodi, ndilole!

¹⁶ Neke baho valetage. Neke umwene atigilage: ino uluhwano ulu lwa nani nuvwândike uvu, vwe vandike, vwa nani? Neke vatigilage: vwa Kesale.

¹⁷ Neke baho Jesu apilusage atigilage: apo humbi mumupelage Kesale ifya pavukesale vwakwe, neke na ju Nguluvi mumutavulilage ifya pavunguluvi vwakwe. Neke baho vamudzumage. Lom. 13, 7.

¹⁸ Neke baho vahelelage ukwakwe ava-Sadukaja, avikana avitigila ukudzulubuka si kokuli. Neke navo vamuvudzage lumwinga, vatigilage:

¹⁹ ve mwiganidzi, lolage u-Mose alagye muhâte jakwe atigye: ngana umwanakwavo afwe neke amulekage umudala kidzilamwâna, apo panogye umwanakwavo amuhalage umudala neke amulamu-hidzage ulûngo umamye.

²⁰ Lino tuka navo baha avali kyânamunu vahanu navavili. Neko baho lino umamavo neke amutolage umudala neke baho afwi-dzage kitaleka ulûngo.

²¹ Neke baho amuhalage uva vuvili. Neke nave afwidzage kitaleka ulûngo. Na ju va vudatu nave ndesi.

²² Avahanu navavili ava vatane ukululeka ulûngo. Neke kumudumo kuvonda neke na ju mudala afwidzage.

²³ Neke lino ngâ ponu, valava vadzulubwike, alavedza mudala va alikwi? Tuvwene vonda vamutolile ve vahanu navavili.

²⁴ Neke baho umwene Jesu apilusage atigilage: simwijagila lulo, lwe musijidzelye ihâte, lwe musidzidzelye na dzi ngufu dza Nguluvi?

²⁵ Ndivwene valava vadzulubwike kuvafwe, apo nukutola vasilatola nukutavuka vasilatavuka, hamu, valavedza ngita vańa-mwandza va kukyâńa.

²⁶ Neke ukwene ukudzu-lubuka kuvafwe musiluvwene ponu pahâte ja Mo-se idza pitundu lila, Nguluvi pe alongaga nave, pe atigilaga: „Je nene nde Nguluvi va Abalahama, nde Nguluvi va Jidzikaka, nde Nguluvi va Jakovo?“

²⁷ Neke lino Nguluvi va vafwe ss? Mańi Nguluvi va vûmi. Mujagile mbandu.

²⁸ Neke baho ahegēle-dzage ukwakwe jumwi umukagulihâte, je apulikaga, pe vikananila nave ulukani, je amuvwene pakuvagomedza avene, neke je amuvudzage atigilage: ululagi ululutye kundagi dzonda lwe lulikwi?

²⁹ Neke baho umwene Jesu apilusage neke atigilage: ululagi, ululutye, lwe ulu ulwitigila: „Pulika, ve Jisilahele, umutwa, Nguluvi visu, mutwa jumwinga swe.

³⁰ Je umwendage na ji numbula jako jonda na gu mutima gwako gonda na lu lwitaṅanidzo lwako londa na dzi ngufu dzako dzonda.“

³¹ Ulungi ulujagwe, lwitigila: na ju mujago umwendage, ndevye vwijendile juve.

³² Neke baho umukagulihâte neke atigilage: ndakyene, ve mwiganidzi, ulongile ugolwise, lwe utigye kwali jumwinga swe neke pehela ujungi kulubali ukwakwe.

³³ Nulwa vwênde, lwe utigye tumwendage jujo na ji numbula jonda na lu lwivonelo londa na dzi ngufu dzonda, nuvwênde uvwa kumwenda umujagwe, lwe lulutye lulo na kuvusembe uvuńańe vonda na kuvusembe ṅani.

³⁴ Neke umwene Jesu, avye amuvwene ipilusa kińaluhala, neke baho amulongelage atigilage: uveve usili patali pavutwa vwa Nguluvi. Neke baho vamogopage ukumuvudza kinu vonda, ndevye vali. Apos. 26, 27-29.

³⁵ Umwene Jesu avye ali mukuvulanidza inôngwa mutembele mumo, neke baho avavudzage atigilage: lwe vilonga ndavuli avakagulihâte ukutigila: Kilisiti mwa-Davidi?

³⁶ Umwene Davidi ilongela mwa Mubepo umwîmike itigila: „Umutwa alongile kwa mutwa vangu atigye vwikale kulya ndyo lyangu ukufika bahe ndilavahambusa avatavangu vako kitêngo kya kuhaga-mulila indzajo uveve.“

³⁷ Lolage lino, umwene Davidi akumulonga ulwa kuta je mutwa vakwe. Apo humbi ivedza mwâna vakwe ndavuli? Neke baho avanu ililugu lyonda vakēlage pakumupulika.

³⁸ Neke lino baho, pe akuvavulanidza, neke alulongage nulwa kuta, mwilembage avakagulihâte, avifwala isopeka inali, pe vidzungutila mukâja dzonda, avitigila: avanu vatuhungilage mumbandza.

³⁹ Na muluholanilo mwe vikwihaga pakwikala pafitêngo ifya vutambule; neke na pe vihelela pakulya, vakwihaga pavukomi.

⁴⁰ Neke kangi vivona vaswinidze ifya vadala avafwile, neke baho kangi vikŏla mukulâpangila ululapangilo ulwa kwivulandza. Ve vene, avalaluta ukupumuka, pe valăva vikĕlwa.

⁴¹ Neke baho Jesu pakwikala neke ikalage vudońeṅano nikihava, kye vitovela imâli. Neke avonage avanu visopa imâli mukihava. Neke avonage avamosi visopa imâli janavo indzolofu.

⁴² Neke baho avonage numukiṅinavo umufwile umuhangala jumwinga akwisopela utwa pavulingi tuvili, utwa pahela jimwinga.

⁴³ Neke baho Jesu avakemelage avańigendwa vakwe neke avalongelage atigilage: ndakyene ndikuvavula unene nditigila umukiṅinavo umufwile umuhangala uju avalutye vonda ukusopa, avakisopa mukihava kya mâli muno.

⁴⁴ Ndivwene vonda ava, pe visopa, vikwinula ifilemuka, neke uju inulye ṅani fi fya pavuhangala vwakwe, fyonda fye aka nafyo, ifya kuponela ju mwene. 2. Kol. 8, 12.