Malika 11 - Itesamende Imya

¹ Neke lino vavye vahegelidze mu-Jelusaleme, pe vadzifike na mu-Betanija, valungamye pakidunda ikimono, neke baho lino Jesu avatumage avańigendwa vakwe vavili,

² neke atigilage: muhelelage kukâja, je fidońeńine jila; pe mudzifikile, apo musidzihava pakujivona indzana ja mbûnda, vajikungile, je asina ajipanda munu nambi ponu. Je mukajavule, mukandetele kuno.

³ Neke ngana muvwene umunu jumwi akuvavudza itigila: mwikwavula ja kiki? apo mukatigilage: umutwa ajigulwime, akujipiluhidza kuno kangi kisatu. Apo mulavona asihāva ukuvapela. 14, 14.

⁴ Neke baho vahelelage neke vavonage e hiji indzana ja mbûnda, vakungile pivala pamulyango. Neke baho vajavulage.

⁵ Neke baho avangi avimile baho neke vatigilage: ńe va, kiki? mwikwavula ja kiki indzana ja mbûnda ijo?

⁶ Neke avene valongage lulo, lwe avalongye Jesu, neke baho vavalekage.

⁷ Neke baho indzana ja mbûnda neke vajiletage kwa Jesu. Neke baho valage nimyênda gyanavo pakyâńa pambûnda, neke baho umwene ahovage pajene.

⁸ Neke avangi avanu avolofu neke valage imyênda gyanavo mwikasi, neke avangi valage amahamba ga mabiki, ge vapańulaga kudâsi.

⁹ Neke baho vonda, navalongwe nava mumbele, neke vimbage ulwîmbo neke vatigilage: hosijana mufuńwa, je ikwadzila mwitavwa lya mutwa.

¹⁰ Vufuńwa na vu vutwa vwa dadisu, uvwa Davidi, uvwikwadza, hosijana na kukyâńa.

¹¹ Neke baho Jesu akafikage mu-Jelusaleme neke akingilage mutembele. Neke lino, ayye alolesidze ponda, neke baho avonage vuhwe. Neke baho anumage neke baho ahelelage mu-Betanija navańigendwa vakwe vańikyumi navavili.

¹² Neke lino pamilayo, pe vahumile mu-Betanija, neke baho umwene avonage adagine indzala.

¹³ Neke lino, avye aguvwene umudzombe gulembwe amahamba amolofu, neke baho ahelelage atigye alole, nde akudzivona imeke. Neke lino baho, avye adzifike, neke baho avonage gulembwe ga mahamba gene; ndivwene umwêdzi gwa madzombe gwali gwave.

¹⁴ Neke baho umwene Jesu neke alongage kumubiki atigilage: swe lino, ifipeke fyako asilavuja alye munu mbêpali. Neke avańigendwa vakwe neke valupulikage. v. 20.

¹⁵ Neke baho yahelelage mu-Jelusaleme neke umwene Jesu akingilage mutembele neke baho akole mukuvadaga vonda, avagudzaga navagulaga mutembele, neke nifitagala fyanavo, avakovoṅasaga ulupija nifīkalilo fya vańa-kugula ingundya neke afitagasage.

¹⁶ Neke avakanage navatigilaga, tugendele ija pa tembele, pe vańamwe ifikoṅolo.

¹⁷ Neke avavulanidzage atigilage: silyolilwe pahâte ilya kuta: „ińumba jangu jilatambulika ukuta ja kulapangilila vonda avapivala?“ neke uńeńe mujidzusidze manga ja vagonadâsi.

¹⁸ Neke ulu valupulikage navatekedzi avavina navakagulihâte, neke baho viganisage idza kumuvulagila; vavwene vamogopaga, vavwene nililugu lya vanu vonda, lwe ilonga, vadzumaga.

¹⁹ Mbêpali avonaga vuhwe, neke ahumage mukâja jijo neke akagonage kungi.

²⁰ Neke pakilavu ikingi, vavye vidzumbanidza, neke vavonage umudzombe gula gumile na ga madela. v. 14.

²¹ Neke baho ivusage u-Petele neke atigilage: mwiganidzi, lolage umudzombe, gwe ukagulekye indeko gula, gumile.

²² Neke baho Jesu apilusage atigilage: muvedzage nulufuvo ulwifu-vwa kwa Nguluvi.

²³ Ndakyene ndikuvavula nditigila: ngana ujungi ilonga kukidunda iki itigila: ukunamukage, vwisope muńandza, neke atane nukwiganisa munumbula iakwe neke afuvwage lwe ilonga ukuta lwikwadza, apo alavona lwadzile. Mat. 17, 20.

²⁴ Kye ndilesile ndiva-vūlage nigilage: fyonda, fye mwilapangila pakuńilika, mulufuvwage ulwa kuta twikwanukila, apo ndakyene mulanukila. Mat. 7, 7; Joh. 14, 13.

²⁵ Neke ngana mwimile mukulapangila, apo mujivodzage umunu inôngwa jakwe, je avahokye, apo najuńe udadińo kukyâńa aladzivodza idzeńo inôngwa. Mat. 5, 23.

²⁶ (Neke uńeńe, ngana musikudzivodza inôngwa avajińu, apo najuńe uda-dińu asilavodza idzeńo.) Mat. 6, 14. 15.

²⁷ Neke baho kangi vakafikage mu-Jelusaleme. Neke avye ikwigendza-gendza patembele, neke vahegēlelage ukwakwe navatekedzi avavina navakagulihâte navandzagila kisina.

²⁸ Neke vatigilage: dzonda, dze vwilima idzi, vwimye kwani, akutavulye ani uvutavulilwe uvu, je atigye ulimilage idzi?

²⁹ Neke umwene Jesu apilusage atigilage: najune ndikuvavudza ilidzwi limwi, ngana mundongye, apo najune ndikuvavula, kwe vuhumile uvutavulilwe, vwe ndilimila idzi.

³⁰ Uludzabiko lwa Johana lwahumile kwi, vona lwahumile kukyâńa, ene vuli valuvonise avanu hela? Mumbule.

³¹ Neke baho vilondzage vatigilage: ngana twitigila lwahumile kukyâńa, apo umwene alatigila: ino mwali nakiki ukulufuvwa?

³² Vona tutigilage vāvonise avanu hela? hamu! pakuva avene vogopaga kuvanu, pakuva u-Johana kuvanu vamutigilaga, je muvidzi ndakyene.

³³ Neke baho vakapilusage kwa Jesu neke vakatigilage: hamu tusiludzelye. Neke baho na ju Jesu neke nave apilusage atigilage: apo humbi najune sindikuvavula, kwe vuhumile uvutavulilwe, vwe ndilimila idzi.