Malika 10 - Itesamende Imya

¹ Neke baho ańańulage neke ahelelage ukuhuma baha kivungu kikyo, neke akafikage mu-ńi ja mu-Judaja, imwambu jila ja Jolodana. Neke baho avanu vakunikilage valundanilage, pe ali umwene. Neke umwene avadalikilage inôngwa, ndevye avadalikilaga mbêpali. 9, 33.

² Neke baho ava-Fwalisaja neke vahegeledzage ukwakwe neke lwali lwa kugemya. Neke vamuvudzage vatigilage: ndavuli uveve, vona kugolwike umugosi pakumugotola umudala vakwe?

³ Neke na ju mwene neke nave apilusage neke atigilage: u-Mose mundagi idzi, dze alagye, atigye kiki?

⁴ Neke avene vatigilage: umwene Mose ujo idike atigye andikilwage ihâte ja kulekana neke agotolwage. Mat. 5, 31. 32.

⁵ Neke baho Jesu atigilage: pakuva avavwene uvukângafu vwa numbula dzeńo, kye alesile ayandi-kilage ululagi nde ulu nde.

⁶ Neke apene pavwamulilo pala, pe agavaga fyonda Nguluvi, avagavile numukigosi numukidala.

⁷ Kye alesile umunu ala-leka nudadye nuṅina.

⁸ Neke baho ve vavīli ava vihambuka ńama ja muvili jimwinga hela. Apo swe valulekile nulwa kuya vavili, hamu vahambwike ńama ja muvili jimwinga.

⁹ Neke lino kye ahudike Nguluvi, kili mwîko ukukihudula umunu.

¹⁰ Neke kangi kukâja inôngwa idzi neke kangi avańigendwa vakwe neke vamuvudzage.

¹¹ Neke umwene avalongelage atigilage: je aku-muleka umudala vakwe neke amutolage ujungi, ujo adumwe uvutolane. Luk. 16, 18.

¹² Napo kangi na ju mukidala, ngana ihuma kwa mugosi vakwe neke akisope kwe jungi, apo nave adumwe uvutolane.

¹³ Neke baho vamuletelage avâna, vatigye umwene akavabase; neke avene avańigendwa vakwe neke vavakabusage, avavaletaga avâna.

¹⁴ Neke umwene Jesu, avye avavwene, neke adzinage neke atigilage: muvaleke avâna vadzage ukwangu, mutane ukuvabedza; ndivwene avali nde ava, ve vene-navo uvutwa vwa Nguluvi.

¹⁵ Ndakyene ndikuvavula nditigila: je asikuvwa-nukila uvutwa vwa Nguluvi ngita mwâna, ujo asilingila nambi ponu. Mat. 13, 3.

¹⁶ Neke baho avapagatage neke avavikage namavoko, avafuńage. 9, 36.

¹⁷ Neke avye ihega baho, ilungamila kuṅasi, neke baho umunu jumwinga neke ańililage mumuvili neke afugamage ukwakwe neke amuvudzage atigilage: ve muvulanidzi, ve munofu, unene ndilime kiki ikya kuhalila uvûmi vwa mbêpali?

¹⁸ Neke umwene Jesu atigilage: uvwene kiki neke utigilage ndili munofu unene? Sipwali umunofu, munofu jumwinga swe, ju Nguluvi.

¹⁹ Udzidzelye indagi najuve, nulwitigila utane ukuvulaga nulwitigila utane ukudumula uvutolane nulwitigila utane ukuhidza nulwitigila utane ukumudetela umujago uvudesi nulwitigila utane ukumukońa umunu nulwitigila umuginyage udado nuńoko.

²⁰ Neke baho umwene atigilage: ena, ve mwiganidzi, mwe ndigendye ukuhuma pavwâna.

²¹ Neke baho Jesu neke amulolage neke amwe-ndage neke atigilage: pokali kamwinga akakusumile uveve. Lino uhelelage, ukagule ikyûma kyako kyonda, uvagavahidzage avahangala, apo swe vwiva vwivikye ikyûma kya kukyâńa, apo pe ukadze, uninile unene. 8, 34; Mat. 10, 38.

²² Neke baho umwene ańeńelwage neke swe ahelelage, ve ahuguvye; avwene ali mumosi.

²³ Neke baho Jesu avalolesage avańigendwa vakwe neke atigilage: luli navutalamu avasafi pakwingila muvutwa vwa Nguluvi!

²⁴ Neke baho avańigendwa vakwe neke vakuvilage mbandu ilidzwi lyakwe ili. Neke kangi Jesu avwilage atigilage: ńe vâna vangu, luli navutalamu pakwingila muvutwa vwa Nguluvi. 1. Tim. 8, 17.

²⁵ Kwebepe ningamila pakwingila mukalyango ka singano numusafi pakwingila muvutwa vwa Nguluvi.

²⁶ Neke baho avańigendwa vakwe vongeledzage ukujejevuka munumbula neke vatigilage: apo humbi alapona ani?!

²⁷ Neke baho Jesu avalolesage avańigendwa vakwe neke atigilage: avanu avo lwilema neke Nguluvi lusikumulema hamu; ndivwene Nguluvi kisimu-lemile kinu.

²⁸ Neke baho u-Petele amulage neke atigilage: lolage unefwe tufilekile fyonda ifyesu, tuninilye ukwako.

²⁹ Neke Jesu atigilage: ndakyene ndikuvavula, umunu asikufileka hela ni-ńumba navanakwavo navahadzave navaṅina navadadye navâna nimigunda, hamu je akufilekela mwitavwa lyangu na pa lyevangeli lyangu,

³⁰ ujo alanukila ifińigana pakimwlnga kwen’eńi ija pasi iji na ji ńumba na vanakwavo na vahadzave na vaṅina na vâna na gi migunda vuhanga nukufwimwa, ve valanukila nuvûmi uvusisila ponu mumihagulile gyamyâka, igikwadza.

³¹ Volofu na valongodzi valavedza va mumbele, volofu na va mumbele valavedza ve valongodzi.

³² Neke lino vali pikasi, pe vinukilaga ku-Jelusaleme. Neke umwene Jesu alongwe kuvulongolo, neke baho avene vakuvilage mbandu neke avene, avamuninilaga mumbele, neke vogopage. Neke kangi Jesu avinulage avańikyumi navavili neke avavulanidzage idzikola mukumwadzila, 9, 31.

³³ neke atigilage: mulolage twikwinuka, twilungama mu-Jelusaleme kwe umwâna va munu vidzikumusutula kuvatekedzi avavina na kuvaka-gulihâte, ve valamukelela ulwa kufwa; kangi ve vene avańa-kumusilihidza kuva-pivâla,

³⁴ ve vidzikumujejevula, vidzikumufuńila namati kumîho, kwe vidzikumutova nisondzo, kwe vidzikumuvulaga, neke umwene pakigono kya vudatu aladzulubuka umwene.

³⁵ Neke baho vahegēlelage ukwakwe avamwa-Sebedaja, ve vavīli, na Jakovo na Johana neke vatigilage: ve mululema, tutigye tuńilike kinu, kye utupelage uveve.

³⁶ Neke umwene atigilage: fiki, fye mutigye muńilike ukwangu?

³⁷ Neke avene vatigilage: tukatigye vona twivonda tukikalanilage naveve, pe ulava vwadzile mundolo dzako, ujungi kwivoko ilya ndyo, ujungi kwivoko ilya ṅigi.

³⁸ Neke umwene Jesu apilusage atigilage: mwińilika kitaluvona. Simwi-lemwa pakuńwa ikińwelo, kye ndikola mukuńwa unene, simwilemwa ukudzabikwa uludzabiko, lwe ndikola mukudzabikwa unene? 14, 36; Luk. 12, 50.

³⁹ Neke vatigilage: nda tusilemwa. Neke umwene Jesu neke avavulage neke atigilage: ikińwelo kyangu ikyo hikyo muku-kińwaga, nuludzabiko lwangu ulo hulo muladzabikwa. Apos. 12, 2; Luv. 1, 9.

⁴⁰ Neke lino uvwikala ku ndyo na ku ṅigi ukwangu, ago si malimo gangu pakumupela umunu, hamu, apo valikala va vagungule, ve avagungwe ju mwene.

⁴¹ Neke baho avańikyumi, pe valupulike ulu, neke baho vakole mukuva-dzinila mbandu ava-Jakovo na-Johana.

⁴² Neke baho Jesu avakemelage neke atigilage: muvadzelye avihambulwa vatwa va vanu ukuta vakuvaginilidza avangi, navavina muvadzelye ukuta vakuvibata ngufu avavanda vanavo. Luk. 22, 25-27.

⁴³ Neke lino uńeńe mutane ukuva nalo ululi nde ulu, hamu, uńeńe ngana mujińo itigila mbedzage nde mukomi june kwe ńe vajangu, apo ujo pavagye ukuta adzukage muńa-kuvalimil’avangi. 9, 36.

⁴⁴ Neke na je itigila mbedzage ndi mulongodzi june kwe ńe vajangu, ujo pavagye ukuta avedzage muvanda kwe ńe vajagwe.

⁴⁵ Ndivwene na ju mwâna va munu asadzile mukulimilwa kuvangi, hamu, adzile mukulimila avangi, adzile mukugutavula umutima gwakwe, guvedzage lifungu lya volofu.

⁴⁶ Neke baho vakafikage mu-Jeliko. Neke vavye vihuma mu-Jeliko na ju mwene navańigendwa vakwe neke nikipuga kya vanu, neke vamuvonage umubofu amîho, u-Balatimaja, umuswamuve va Timaja, ikadzile pikasi palubali, ihuṅunya fya kuhuṅunya.

⁴⁷ Neke avye apulike ukuta je Jesu uva mu-Nasalete idzumbanidza neke baho akole mukukemela neke atigilage: ve muswamuve va Davidi, ungamyanila!

⁴⁸ Neke avangi avanu vamukabusage vatigilage: bê udzike! Neke lino umwene ongeledzage mbando neke atigilage: ve muswamuve va Davidi, ungamyanila!

⁴⁹ Neke baho Jesu image neke atigilage: mumuke-melelage kuno. Neke baho vamwinulage umubofu amîho neke vatigilage: uveve uńamalage hela, vwimage, akukemelye.

⁵⁰ Neke baho umwene neke atagage umwênda gwakwe pasi neke ańaṅamukage, ahelelage kwa Jesu.

⁵¹ Neke baho Jesu amuvudzage atigilage: ukatigye ngitage ndavuli naveve? Neke umwene umubofu neke atigilage: ndika ndilolage amîho gangu, ve mulugu vangu.

⁵² Neke umwene Jesu atigilage: uhelelage, lukunanidze ulufuvo lwako. Neke baho adindukage nakalingi hela neke baho amuninilage napaṅasi.