Luvilatulo 9 - Itesamende Imya

¹ Neke baho akuvage ulukwalimba umuńa-mwandza va vuhanu, neke baho mbonage u-Lu-tondwe ihuma kukyâńa ilagalila pasi neke apelwage ikidindulilo kya ki-sima kya lińa-ndzavi. 8, 10; 20, 1.

² Neke umwene adindulage ikisima kya lińa-ndzavi neke linukage ilyô-si lihuma mukisima kikyo, lili ngita lyôsi, ilihuma mwe litende; neke na li lidzuva nimepo ja kuvulanga fitilivalilage li lyôsi lya mukisima iki.

³ Neke mulyôsi muno gahumage amapandzi, gi-gwa mu-ńi neke gapeîwage ingufu ngita ngufu dza fimununi fya mu-ńi muno.

⁴ Neke gilagilwage ukuta gitane ukwananga ilisoli lya mu-ńi nambi ifili vuvinga fyonda nambi namabiki gonda, va vanu vene, avasili nakyo pavusu ikikolekelelo kya Nguluvi. 7, 3.

⁵ Neke gitavulwage ukuta ukuvulaga avanu gitane ukuvavulaga, hamu givanodzanodzage hela imyêdzi gihanu; neke ulunodzanodzo lwagyo lwali ngita lwa kimununi, pe kiva kimulumile umunu.

⁶ Neke ifigono fifyo apo avanu valagisakula imifwile neke vasilagyaga, valadoboka pakufwa neke ukwene ukufwa kula-vasuga ndesi. Luk. 23, 30.

⁷ Neke ukulińana ama-pandzi aga galińine ni-fwalasi, dze vafwikile ifyalukilo, neke pamitwe pe dzali ngita ngêla, idzi-tegine nisahabu, neke kumîho gali ngita vanu.

⁸ Neke ifwili dzali ngita fwili dza vakiṅinavo (avilimba inali), amîno gali ngita mìno ga ńalupala.

⁹ Gyali nifisīka-mamba-ga ngita dza kyûma neke ikyujililo kya mabatilo ngita mageleti ga fwalasi amolofu agińilila kumi-goha.

¹⁰ Neke givedzage nifi-kila ifiliṅine nifya fimununi nimbōla. Neke idzene uvutavulilwe vwa kuvanangila avanu imyêdzi gihanu neke vwali mufi-kila fyanagyo. v. 19.

¹¹ Neke gyali numutwa vanagyo, ju muńa-mwandza va lińa-ndzavi, ilitavwa lyakwe muki-He-bele je Abadono, muki-Giliti je Apolyono. v. 1.

¹² I „iga“ jimwinga jidzumbile, lolage dzave i „iga“ dzivili kangi kumbele. 8, 13; 11, 14.

¹³ Neke baho akuvage na ju va mutanda umuńa-mwandzaulukwalimbane-ke baho ndipulikage ilidzwi limwi lihuma mumembe idzitaji dza mukitekelelo ikisahabu, ikiloleńine nu-Nguluvi, 8, 3.

¹⁴ lilonga kwa muńa-mwandza uva mutanda, je akolelye ulukwalimba, litigila: ukavalongele avańa mwandza vataji vala, avakungilwe palulenga O-falata. 16, 12.

¹⁵ Neke baho vavulwage avańa-mwandza avataji vala, avigelanihidze ńani pa pasala iji na pakigono iki na pamwêdzi ugu na pamwâka ugu pakutigila vali vavŭlage avanu ulubali lwa vudatu. 8, 7-12.

¹⁶ Neke amalugu ga va-ńa-fwalasi aga ukuvalila gali mbilima makyumi gavili ukuvwilwa kambilima likyumi, neke ndipulikage uvuvale vwanavo.

¹⁷ Neke idzene ifwalasi, idzambonekye unene, nda-dzivwene ndesi nde. Neke avapandile pafwalasi navo vafwete ifyûma fya pamambaga nifidûṅu nde môto nifińa-lukama nifińa-lusweswe ngita kibiliti. Neke imitwe gya fwalasi gyali ngita mitwe gya ńalupala neke mumilomo gyanavo fihumage numôto nilyôsi nibiliti.

¹⁸ Neke baho avanu vafwidzage ulubali lwa vudatu, vafwilage inodzanodzo dze dzidatu dzidzo nulwa môto nulwa lyôsi nulwa biliti idzahumaga mumilomo gya fwalasi dzila.

¹⁹ Ndivwene uvutavulilwe vwa fwalasi idzi vwali na mumilomo na mumi-kila gyadzo. Ndivwene imikila gyadzo gyali nda mulingo gwa ndzoka, gili nimitwe, neke gye gyene gye dzikwanangila avanu.

²⁰ Neke lino baho avangi avanu, avananile ukufwa inodzanodzo dzidatu idzi, avasigye, neke vatane ukupela amalimo ga mavoko ganavo, ukuta vatane ukulapangila kumi-demono na kuminguluvi gya sahabu nigya fesa nigya kyûma nigya ma-ganga nigya fibiki, igile-mwa nukulola nukupulika nukugenda. 16, 9. 11. 21; 1. Kol. 10, 20.

²¹ Neke vatane nuku-pela nambi uvuvuladzi vwanavo nambi uvuhavi vwanavo nambi uvugoni vwanavo nambi uvuhidzi vwanavo.