Luvilatulo 7 - Itesamende Imya

¹ Neke baho, pe dzisilile idzi, neke mbonage avańa-mwandza vataji vi-mile pafivungu fya ńi fye fitaji, vagibiteimivelo gya ńi gye gitaji, pakuta gitane ukupuía nambi pa-ńi nambi pańandza nambi pamubiki gumwi. Mat. 24, 31.

² Neke mbonage ujungi umuńa-mwandza ikwinuka ihuma kuvuhohomo-kelo vwa lidzuva, ibite ikikolekelelo kya Nguluvi umûmi neke avakemelage nulukemelo ulukomi avańa-mwandza vataji, avapelilwe pakuhalabusa nińi nińandza,

³ neke atigilage: mutane ukuhalabusa nambi ińi nambi ińandza nambi amabiki tusungwe tuvako-lekele nikikolekelelo pavusu vwanavo avakami va Nguluvi vesu.

⁴ Neke ndipulikage vi-valilwa avakolekele vali mbilima ligana namakyumi gataji na dzitaji (144000), avahuma mufipelela fya vakina-Jisilahele fyonda mwe fivelye. 14, 1. 3.

⁵ Avahuma mukipelela kya Juda vali mbilima dzińikyumi nadzivili avakolekele (12000), avamukipelela kya Lubene vali mbilima dzińikyumi nadzivili (12000), avamuki-pelela kya Gada vali mbilima dzińikyumi nadzivili (12000),

⁶ avamukipelela kya Asele vali mbilima dzińikyumi nadzivili (12000), avamukipelela kya Na-fatali vali mbilima dzińikyumi nadzivili (12000), avamukipelela kya Manase vali mbilima dzińikyumi nadzivili (12000),

⁷ avamukipelela kya Si-myoni vali mbilima dzińikyumi nadzivili (12000), avamukipelela kya Levi vali mbilima dzińikyumi nadzivili (12000), avamukipelela kya Isakala vali mbilima dzińikyumi nadzivili (12000),

⁸ avamukipelela kya Sebulono vali mbilima dzińikyumi nadzivili (12000), avamukipelela kya Josefe vali mbilima dzińikyumi nadzivili (12000), ava mukipelela kya Beńamini vali mbilima dzińikyumi nadzivili (12000) avako-lekele.

⁹ Neke lino baho, pe dzisilile idzi, neke mbonage ililugu ilikomi – alemwage nukuvalila umunu – avahumile muvapivala vonda na mufipelela fyonda na muvanu vonda na mundongele dzonda, vimile viloleńana nikitêngo vilo-leńana nu-Kakolo, vafwe-te imîngila imyêlu vibite mumavoko utukindo, 6, 11.

¹⁰ neke vikemela ilidzwi ilivina vitigila: „uvupoki vuli kwa Nguluvi vesu, je akoṅomye pakitêngo na kwa Kakolo.“ 12, 10.

¹¹ Neke vonda avańa-mwandza vimile vanye-ngusidze na pakitêngo na pavagogolo na pafyûmi ifitaji, neke vagwilage kumîho kuvulongolo vwa kitêngo neke valapangilage kwa Nguluvi 5, 11; 11, 16.

¹² vatigilage: „Amene, nulufuńo nindolo nuluha-la nuluhongedzo namalu-mbo ningufu nuludali twi-leta kwa Nguluvi vesu ukufika kumihagulile gya myâka, mwe gifudiṅanye. Amene.“ 5, 12.

¹³ Neke baho jumwi umugogolo neke ambudzage unene atigilage: avene ava, avafwalile imyênda imyêlu, va nani, vahumile kwi?

¹⁴ Neke unene ndandage nigilage: mutw’ave uvakagwe juve. Neke umwene andongelage atigilage: ava ve vene avahumile muvufumbe uvukomi, ve vene avahogwi-fye imîngila gyanavo neke vagivalahidzage mudanda ja Kakolo. 3, 10; Mat. 24, 21; Heb. 9, 14.

¹⁵ Kye valesile lino valoleńanage nikitêngo kya Nguluvi neke vamulimilage mukyânga kya pivala jakwe na pamûńi na pakilo; neke je akoṅomye pakitêngo, aladzenga ilihema umwavo. 11, 19; 14, 15. 17; 15, 5. 8; 16, 1; 21, 3. 22.

¹⁶ Avene vasilavuja vadagane, vasilavuja vake-luke, lisilavuja livagwile ilidzuva nambi ińeluńelu jonda.

¹⁷ Pakuva umwene u-Kakolo, j’ali pagati nagati pakitêngo, je alavadīmi-lidza, je aíavalongolelaga kufisima fya ndenga fya dza vûmi. Neke na ju Nguluvi nave alapolosa amohodzi mumîho ganavo. 5, 6; 21, 4.