Luvilatulo 6 - Itesamende Imya

¹ Neke baho mbonage u-Kakolo pe adindwe ikikolekelelo kimwinga ifyali fili mufúṅàti fila neke baho ndipulikage ki-mwinga ikya fyûmi fitaji fila kidzova nilidzwi ngita lya libalamusi kitigila: vwadze! 5, 1. 2; 4, 6; 5, 6. 8.

² Neke baho mbonage neke lolage ifwalasi indzelu ngwe, neke j’apandile pafwalasi akoleîye uvupînde mumavoko neke apelwage ingêla neke ahelelage iteludza nukuta ateludzage.

³ Neke baho pe idindu-la ikikolekelelo kya vuvili neke baho ndipulikage ikyûmi kya vuvili ki-tigila: vwadze! 4, 7.

⁴ Neke baho jihumage ifwalasi ijingi idûṅu ketu neke j’apandile pafwalasi apelilwe pakwanuka ulu-tengamano ku-ńi nukuti-gila avanu vivulagage. Neke apelwage ilisâla ilikomi.

⁵ Neke pe idindula ikikolekelelo kya vudatu neke baho ndipulikage ikyûmi kya vudatu kiti-gila: vwadze! Neke baho mbonage lolage ifwalasi initu tilili, neke j’apandile pafwalasi iji akolelye ikipimilo mwivoko lyakwe. 4, 7.

⁶ Neke ndipulikage ngita lidzwi mugati mufyû-mi ifitaji fila litigila: ikililo kimwinga ikya ngano palihodole, ifililo fidatu ifya vuledzi palihodole lilyo! neke agene amafu-ta ga fimela nuvugimbi vwa vutoṅoni utane ukufihalabusa.

⁷ Neke pe idindula ikikolekelelo kya vutaji neke baho ndipulikage ilidzwi lya kyûmi kya vutaji litigila: vwadze! 4, 7.

⁸ Neke mbonage lolage ifwalasi ińa-luhâle neke j’apandile pafwalasi iji je Kufwa ilitavwa lyakwe neke fininiṅine na vu vulungu neke vatavulilwage ulubali lwa vutaji lwa ńi, pakutigila avanu vavavu-îagilage ilisāla nilipunge nifwa namahambuka ga mu-ńi.

⁹ Neke lino pe idindula ikikolekelelo kya Vuhanu neke baho mbonage pogili pasi pakitekelelo imitima gya vanu avakome-lilwe li lidzwi lya Nguluvi na vu volesi, vwe vali navo. 8, 5; 14, 18; 16, 7.

¹⁰ Neke vakutage nili-dzwi ilikomi vatigilage: pe pandali ve mulugu ve mwîmike ve va ndakyene pakuvahiga nukuvalumbi-îa idanda jesu avadzengile mu-ńi? 15, 10.

¹¹ Neke vapelwage imîngila imyêlu najula ugwa-kwe najula ugwakwe neke valongwage ukuta: valolelage tândi ifigono nde filingi vasungwe vamalike uvupedze navakami vaja-vo navańa lukolo vanavo, avikola mukuvulagwa ndeve vavuligwe na va vene. 3, 4. 5; 7, 9. 13. 14.

¹² Neke mbonage pe idindula ikikolekelelo ikya mutanda neke baho kyadzage ikilindima ikikomi neke ilidzuva litilivalage lili ngita bogolo ja luba-hila na gu mwêdzi gonda guduńupalage ngita danda. Luk. 21, 25.

¹³ Neke na dzi nondwe dza kukyâńa dzilagalage pasi, ndavuli umudzombe gwilagadza ifińa-mbodzo, pe gupulile umuveloumu-vina;

¹⁴ neke nuvulanga vujaganikage ngita hâte, je vigondza neke nifidunda fyonda namagunguli fitinuswage pafivungu fya-nafyo.

¹⁵ Neke baho navatwa va mu-ńi navandzagila navańa-kipuga mbilima navamosi avańa-ngufu navalimano vonda na va vakombodze ńani neke vafihamage na mumanga na mumiganga gya mufidunda.

¹⁶ Neke valongage kufidunda na kumaganga vatigilage: mutugwile neke mutufihage kumîho ga je ikadzile pakitêngo na kuṅaladzi dza Kakolo. Luk. 23, 30.

¹⁷ Pakuva kifike ikigono kya ṅaladzi dzakwe ingomi. Ikwima nani? asilemwa? Lom. 2, 5.