Luvilatulo 4 - Itesamende Imya

¹ Neke lino baho, pe dzisilile idzi, neke lino baho ndilolage mbonage umulyango gudindwike kukyâńa neke ilidzwi ililongodzi lila, lye ndapu-like lilonga nani ngita lukwalimba neke litigilage: vwinukile kuno ndikuvonese idzikola mukwadza pambele. 1, 10.

² Neke nakalingi ndidzu-kage ndili mwa Mubepo. Neke baho mbonage ikitêngo kimile kukyâńa neke pakitêngo ikadzile jumwi. 1, 10.

³ Neke umwene je ika-dzile-po ilivala neke avedzage aliṅine niliganga ili Jasipi nili-Saladi, neke ilikangigulu linyendzage ikitêngo ngita Samalaga-da ilivala.

⁴ Neke ikitêngo iki fi-nyendzage ifitêngo makyumi gavili na fitaji (24) neke pafitêngo ifi vika-dzile avagogolo makyumi gavili na vataji (24), vafwete imyênda imivalafu neke pamitwe gyavo vafwete ingêla isahabu. 3, 4; 5, 10.

⁵ Neke kukitêngo fihu-mage nimuli dza nońa nifyujililo namabalamusi neke gakage amenge ga môto gahanu na gavili, agaloleńine nikitêngo. A-menge aga gye mibepo gya Nguluvi gihanu na givili. 8, 5; 11, 19; 16, 18: 1, 4.

⁶ Kangi kuvutalo vwa kitêngo neke palińanage nińandza ja magalasi, ilivala nde ligangalûma. Neke mugati mukitêngo na mumbali neke fivonekage ifyûmi fitaji, fińa-mîho na kumîho na kumugongo.

⁷ Neke ikyûmi ikilongodzi neke kiliṅanage nilivala lya ńalupala neke ikyûmi ikya vuvili kiliṅanage nilivala lya ṅambako neke ikyûmi ikya vudatu kivedzage ngita munu kumîho neke ikya vutaji ikyûmi neke kiliṅanage nilingasimula, iliguluka.

⁸ Kangi ifyûmi fye fitaji ifi neke fivedzage nima-batilo nakila mutanda na kila mutanda. Neke fivedzage namîho na mulu-bali na mugati neke físipola na pamûńi na pakilo fitigila: „mwîmike mwîmike mwîmike umutwa Nguluvi, umuńa-ngufu dzonda, je kwali, je ali kwali, je ikwadza.“

⁹ Neke ponda, pe filava fisindika ifyûmi ifi nindolo namalumbo nuluhonge-dzo kwa je akońgmye pakitêngo, umûmi ukufika kumihagulile gya myâka, mwe gifudińanye,

¹⁰ pe valagwila kumîho avagogolo avańa-makyu-mi gavili na vataji kwa je akoṅomye pakitêngo, valalapangila kwa je ali mû-mi ukufíka kumihagulile gya myâka, mwe gifudińanye. Neke valataga na dzi ngêla dzanavo pasi kuvutalo vwa kitêngo valatigila: 5, 14.

¹¹ „uvagye juve, ve mutwa, ve Nguluvi vesu, uvagye pakwanukila nindolo namalumbo ningufu, pakuva je veve, je uselwe fyonda, neke fivwene ukelye juve neke fivedzage pofili neke fiselu-kage.“