Luvilatulo 3 - Itesamende Imya

¹ Neke umuńa-mwandza va mulukombeso lwa mu-Salidi umwandikilage utigilage: idzo ilonga, je akolelyeimibepo gya Nguluvi igili mufúṅàti itigila: ndigakagwe unene amalimo gako, pakuva vwitambulika uvûmi, kuno ufwe. 5, 6; 1, 16.

² Lamuka uvakangadzage navangi, avasamba vafwa; ndivwene amalimo gako ndisigavwene uvupedze kumîho kwa Nguluvi vangu. v. 19.

³ Kumbukaga lino, mwe vwanukilye na mwe vwapulikye neke ufikolatidzage neke upelage. Neke lino, ngana usilamuka, apo ndikukwadzila ngita muhīdzi neke usilajika-gula isala nambi, je ndi-lakwadzila. 1. Tes. 5, 2.

⁴ Neke uli nago mumo mu-Salade amatavwa amakefu hela ga ve vasi-gilamidze imyênda gyanavo, neke ve ndilage-ndagenda navo pele vafwete imyênda imyêlu, pakuva vavagye. Jud. 23.

⁵ Je iteludza, ujo ala-fwikwa imyênda imyêlu na li litavwa lyakwe nalyo sindilajadza muhâte ja vûmi nukulitambula ndilalitambula ilitavwa lyakwe na kumîho ga dâda na kumîho ga vańa-mwandza vakwe. 4, 4; 6, 11; 7, 9. 13; Fil. 4, 3; Mat. 10, 32.

⁶ Je ali nago amasikidza, apulikage, dze ilonga u-Mubepo kuńombeso.

⁷ Neke umuńa-mwandza va lukombeso lwa mu-Filadelefija umwandikilage utigilage: idzo ilonga umwîmike uva ndakyene, je akolelye ikidindulilo kya Davidi, je idindula neke ve swe ve asidinda jungi, je idinda neke ve swe ve asidindula jungi,

⁸ itigila: ndigakagwe amalimo gako. Lolage, ndi-kudindulye umulyango, kwe ulungamike amîho, ilemwa ukudinda munu; pakuva ingufu dzako ṅefu hela napo ukolatidze ilidzwi lyangu neke usikanile kwitavwa lvangu. 1. Kol. 16, 9.

⁹ Lolage, ndikukupela vamwi ava muluholanilo lwa Setano, avideta avitigila, twi va-Juda, kuno vasili va-Juda. Lolage, ndikuvagagilidza ukuta vadze vafugame kundza-ho dzako neke pe vaku-kagulilage-mo, ukuta ndi-kwendile uveve. 2, 9.

¹⁰ Neke pakuva uliko-latidze ilidzwi lyangu lya lwigugūmidzo lwangu, apo najune ndilakukolatidza, ukuta uhume musa-la ja lugemyo, ijikola mukujadzila jond’ińi indzenge, ija kuvagemya vonda, avadzengile pa-ńi apa. 13, 10; Heb. 10, 36.

¹¹ Sindilahava ukwadza; ukumililage, ke uli nako, ukuta atane ukusweketu-la jungi ingêla jako. 1, 3; 2, 5. 10.

¹² Je iteludza, ujo ndi-lamudzusa simbili mukyânga kya tembele ja Nguluvi vangu neke asilahu-mila ponu kwe livala neke ndilandika ilitavwa lya Nguluvi vangu apakwe nilitavwa lya kâja ja Nguluvi vangu, lya Jelusaleme indzadzalino, ijilasu-lunuka ukuhuma kukyâńa kwa Nguluvi vangu, ndi-lamwandika nilitavwa lyangu ilyadzalino. 14, 1; 22, 4; 21, 2; 19, 12; Gal. 2, 9.

¹³ Je ali nago amasikidza, apulikage, dze ilo-ngau-Mubepokuṅombeso.

¹⁴ Neke umuńa-mwandza va mulukombeso lwa mu-Lavodikeja umwandikilage utigilage: idzo ilonga Amene, umolesi j’ali vwidevulilo, uva ndakyene, mwe fimelilwe ifigavwa fya Nguluvi fyonda pakugavwa 1, 5; Joh. 1, 3; Kol. 1, 15.

¹⁵ itigila: ndigakagwe amalimo gako, pakuva uveve nuvudzidzimu usili mudzidzimu nuvupyo usili mupyo; kiba uka uvedze uli mudzidzimu nambi uli mupyo! 2, 2.

¹⁶ Neke lino pe uli mu-ńa-lufûka vuli neke nuvudzidzimu usili mudzi-dzimu nuvupyo usili mupyo, apo lino ndikola mukukuf uńa mumulomo gwangu muno.

¹⁷ Pakuva uveve vwitigila ndili mulimi, ndisa-vile neke fisangye fingi, neke usivwene uveve ukuva vwi mumbwa, vwi muhula lupyana, vwi muhangala, vwi mubofu, vwi mufula. 1. Kol. 3, 18; 4, 8.

¹⁸ Ndikukuvula uluhala nditigila: ugulage nisaha-bu ukwangu, ijinonye numôto, pakuta udzuke mumosi, ugulage nimyênda imyêlu, pakuta vwifwikilidzage neke litane ukusikuka ilipumba lya vufula vwako, ugulage umuhandzu gwa kubaka amîho gako, pakuta ula-Vage. 16, 15; 1. Pet. 1, 7.

¹⁹ Unene vonda, ve ndi-vendile ve vene ve ndi-kuvagomedza inôngwa dzanavo, ndikuvavunga. Ongo, lino uletage umufulo, upelage. 1. Kol. 11, 32; Heb. 12, 6.

²⁰ Lolage ndimile pamulyango gwako ndikońona kulwidzi, neke ngana umunu ipulika ilidzwi lyangu neke andindulilage kumulyango, apo ujo ndi-lingila umwakwe neke tuvedzage ńangilakumwinga pamilile nanene numwene. Luk. 12, 36; Joh. 14, 23.

²¹ Je iteludza, ujo ndi-lamupela pavwikalaso nanene pakitêngo kyangu, ndeve najune ndatelwi-dze neke twikalasage nudâda pakitêngo kyakwe. Mat. 19, 28.

²² Je ali nago amasikidza, apulikage, dze ilonga u-Mubepo kuńombeso.