Luvilatulo 22 - Itesamende Imya

¹ Neke baho ambonesage ululenga umuhulavûmi ulwińalagadika ngita ngangalûma, ludwivukye mukitêngo kya Nguluvi nikya Kakolo.

² Pagati pivalavala mwambu na mwambu palulenga, neke pe poguli umubiki gwavûmi, ugwiveleka kańikyumi nakavili, gwiveleka nagula umwêdzi; neke amahamba ga mubiki ugu muhandzu gwa kuvahosehedza avapivala. 21, 21.

³ Neke ikińa-ndeko ki-silavedza emo nambi ponu. Ikitêngo kya Nguluvi nikya Kakolo kilavedza mukâja mumo neke avavanda vakwe valamu-limila umwene.

⁴ Valalolana nave mumîho, valavedza nilitavwa lyakwe pavusu. 21, 3; 3, 12.

⁵ Ikilo kisilavedza pokili, vasiladziguluma nambi ulumuli lwa ṅáli nambi ulumuli lwa lidzuva, pakuva akuvamulikilaga jujo ju mutwa ju Nguluvi, valavedza vatwa ukufika kumihagulile gya myâka, mwe gifudińanye. 21, 25; 5, 10.

⁶ Neke andongelage atigilage: „amadzwi aga gali vwidevulilo, ga ndakyene, neke umutwa, Nguluvi va mibepo gya vavidzi, amutumile umuńa-mwandza vakwe, umuńa-kuvalaga avakami vakwe idzikola mukwadza, kusilavedza luhavi. 1, 1; 1. Kol. 14, 32.

⁷ Lolage ndikwadza, pasilavedza luhavi. Ali kitendileme, je ikugakola-tidza amadzwi ga vuvidzi, agagenda muhâte iji. v. 12. 20; 3, 11; 1, 3.

⁸ Neke je nene, nde Johana, je ndipulike nuku-pulika, je ndilavile nukula-va. Neke lino, pe ndivye ndipulike nukulava, neke baho ndigwidzage pasi mukulapangila mundzajo dza muńa-mwandza, je ambonesaga idzi. 19, 10.

⁹ Neke umwene atigilage: ulo nda! vwijandilage, ndili mukami mujago, ndili mujavo va vańa-lukolo vako na vakugakolatidza amadzwi ga hâte iji, ulapangilage ku kwa Nguluvi.

¹⁰ Neke atigilage: amadzwi aga vuvidzi aga muhâte iji utane ukugakolekela nikikolekelelo; ndi-vwene umwâka guhegelye. 10, 4; 1, 3.

¹¹ Umugaja-vugolofu avedzage mugaja-vugolofu na lino, umunyofi alimage idzavunyofi na lino, neke umugolofu alimage idza vugolofu na lino, neke umwîmike ijimikage na lino.

¹² Lolage ndikwadza, pasilavedza luhavi, na fi fya kuhomba fyangu nafyo ndili nafyo, ifya kumuhomba ju j’avedzaga mu mwe gavelye amalimo gakwe. v. 7; 3, 11; Lom. 2, 6.

¹³ June A, june O, june nde Mulongodzi, june nde Vakumbele, june Vukungilo, june Vudugilo. 1, 11; Heb. 13, 8.

¹⁴ Vali kitendileme avakugihogofyaimîngila gyanavo, pakuta vali vatavu-lilwage umubiki gwa vû-mi nukuta vali vagendelage mufipata pakwingila mukâja. 12, 17.

¹⁵ Vali pivala na vambwa navahavi navagoni nava-vuladzi navilimilaimingu-luvi vonda hela navaku-vwenda nukuvugendela uvudesi. 21, 8. 27; 1. Kol. 6, 9. 10.

¹⁶ June nde Jesu, je ndi-mutumile umuńa-mwandza vangu umuńa-kuvo-lekela dzonda idzi muṅombeso; je nene nde Mudela, nde Mutangilo gwa Davidi, june nde Lutema-vufuku ulwińalagadika. 1, 1. 2; 5, 5; Luk. 1, 78.

¹⁷ Neke na ju Mubepo na ju mutolano vitigila: vwadze! Neke na je ipulika atigilage: vwadze! Neke j’akelwike nave adzage, je akelye inulage ululenga umuhulavûmi kitagula. 21, 6; Lom. 8, 23; Joh. 7, 37.

¹⁸ Ju j’avedzaga je ipulika amadzwi aga vuvidzi vwa hâte iji, je ndi-kōlela nditigila: je igele-ka pa idzi kinu, ujo Nguluvi alamugelekela inodzanodzo idzandikwe muhâte iji. 15, 1. 6.

¹⁹ Neke ngana jumwi ihedza ilidzwi limwi lya muhâte ja vuvidzi iji, ujo Nguluvi ikuguhedza umugavo gwakwe gwa mubiki gwa vûmi nugwa kâja indzimike, ifyandikilwe muhâte iji.

²⁰ Umuńa-kudzolela idzi itigila: ena, ndikwadza, pasilavedza luhavi. Amene, vwadze mutw’ave Jesu.

²¹ Ulusungu lwa Jesu umutwa luvedzage navîmike vonda.