Luvilatulo 21 - Itesamende Imya

¹ Neke lino baho mbonage nija kukyâńa ińi ndzadzalino nija pasi ndzadzalino, ndivwene nija kukyâńa indongodzi nija pasi indongodzi fyahegile na ji ńandza jisupali. 20, 11; 2. Pet. 3, 13.

² Neke mbonage ikâja indzimike, i-Jelusaleme indzadzalino, jikwika, jihumile kukyâńa kwa Nguluvi, jivujipe jijo, jipombye ngita mutolano ihelela kwa mugosi. 19, 7. 8; Heb. 11, 10. 16; 12, 22; Gal. 4, 26.

³ Neke baho ndipulikage ilidzwi ilivina lihuma pakitêngo litigila: „lolage ilihēma lya Nguluvi lili muvanu. Neke aladzenga mu mwavo neke avene valavedza vanu vakwe neke umwene u-Nguluvi alavedza Nguluvi vanavo umwavo.

⁴ Neke alapolosa gonda amohodzi kumîho ganavo nukufwa kusilavedza pokuli nambi amakiva nambi uluhugumililo nambi ulupumuko fisilavedza pofíli, pakuva ifilongodzi filavedza ve fihegile. 7, 17.

⁵ Neke je ikadzile pakitêngo neke atigilage: „lolage, fyonda ndikufidzusa vwadzalino“ neke atigilage: „vwandike ulwa kuta: amadzwi aga gali vwidevulilo, ga ndakyene. 4, 2; 5, 1; 2. Kol. 5, 17.

⁶ Neke andongelage atigilage: lino swe dzisilile. June A, june O, je nene vukungilo, je nene vwapulilo, je nene, je ndila-mupela ulwa pakisima kya lulenga lwa vûmi kitagula. 1, 8; 22; 17.

⁷ Je iteludza, alafihāla fyonda ifi, neke ndilavedza ndi Nguluvi vakwe neke umwene alavedza mwâna vangu. 2, 7.

⁸ Neke avene, avańa-muhwehwe navagaja-lu-fuvo navali lugagi nava-vuladzi navagoni navahavi navalimila-minguluvi navadesi vonda ńani, avo umugavo gwanavo guli mwisela ilipya umôto nibiliti, ulu vwe vufwe vwa vuvili.“ 22, 15; 20, 14; Heb. 10, 38. 39.

⁹ Neke adzage jumwi tiva vańa-mwandza avali mufúṅàti vala, avali nińa-ludzo dzili mufúṅàti dzila, idzamemile inodzanodzo dzili mufúṅàti idza kuvwapulilo dzila neke alongage nani atigilage: „suko, ndikuvonese umutavulano, umudala va ju Kakolo.“ 15, 1. 6. 7; 19, 7.

¹⁰ Neke baho ańamuíilage mumubepo neke akambike kukidunda ikikomi ikitali neke ambonesage ikâja indzimike, i-Jelusaleme, pe jisulunu-ka jihumile kwa Nguluvi kukyâńa,

¹¹ jili nindolo dza Nguluvi; ikilaso kyajo kiliúine nikya kaganga akatalamu hilo, akaganga Jasipisi, akińalagadika nda mulingo gwa ligangalûma. 3, 23.

¹² Neke jili nulukandzi lwa lilînga ulukomi ulutali, jili nifipata fińikyu-mi na fivili; neke pafipata povali avańa-mwandza va-ńikyumi navavilinagama-tavwa mândike baho aga fipelela fińikyumi na fivili ifya vakina-Jisilahele.

¹³ Kunena fipata fidatu neke kuvwêhe fipata fi datu neke kumavemba fipata fidatu neke kusika fipata fidatu.

¹⁴ Neke ulukandzi lwa lilînga lwa kâja neke luli namaganga mańikyumi nagavili, agalilwe pasi neke pagene pogali amatavwa mańikyumi nagavili aga v-Apositili va Kakolo.

¹⁵ Neke je alongaga nani ali nikigelelo, uludete ulusahabu, kyali kya kugelela ikâja nifipata fyajo nińandzi dzajo.

¹⁶ Neke ikâja ńa-ndēńelo ńa-fipungu fitaji, jite-gine hela mulupēlo na mukyâto. Neke baho agelage ikâja nikigelelo neke avenage jili pafige-lelo imbilima dzińikyumi na dzivili (12000). Neke jitegine hela na mulupelo na mukyâto na muvutali uvuli kukyâńa.

¹⁷ Neke agelage ulukandzi lwa lilînga lwajo luli pamikono ligana limwinga namakyumi gataji ni-gitaji (144); agelelaga ikigelelo kya munu, ikili kya muńa-mwandza.

¹⁸ Agene amaganga, ge vadzengye ulukandzi, ma-Jasipisi. Neke ijene ikâja vadzengile nisahabu imba-lafu, ijiĭińine nda magalasi amavalafu hela.

¹⁹ Neke amaganga ga vwalo uvwa lukandzi lwa kâja ganodzehidzwe nutuganga tondatonda uvutalamu. Iliganga ililongodzi lyali li-Jasipisi, ilya vuvili li-Sapili ilya vuda-tu li-Kalekedono, ilya vutaji li-Samalagada,

²⁰ ilya vuhanu li-Sala-donisi, ilya mutanda li-Saladyono ilya mufúṅàti li-Kilisoliti ilya munana li-Belili ilya igôndza li-Topasa ilya kyumi li Kilisopalasa ilyasapwe pi-kyumi li-Hijakindi ilya likyumi navuvili li-Ametisi.

²¹ Neke ifyene ifipata ifińikyumi na fivili dzali ndzambo ńikyumi na dzivili, kipata kimwi lwâmbo lumwi nikingi lwâmbo lumwi; ilibalabala lya kâja sahabu indzelu ngita magalasi agilangala. 22, 2.

²² Neke ikyeńe ikyânga kya tembele neke mbonage sipokili; ndivwene umutwa, u-Nguluvi, umuńa-ngufu dzonda, je kyânga kya tembele jajo jujo na ju Kakolo.

²³ Neke ikâja jisifigu-lwime nambi ilidzuva nambi umwêdzi, ukuta fiji-mulikile, ndivwene indolo dza Nguluvi dzikujimuli-kila dzidzo, neke uluńáli lwajo je Kakolo. 22, 5.

²⁴ Neke valagendage-nda avapivala valapulu-ńasa mulumuli lwajo navatwa va mu-ńi vileta indolo dzanavo vikwingi-la mujene.

²⁵ Neke ifipata fyajo pamûńi vasidinda ponu, ndi-vwene ikilo umo kisipo-kili. 22, 5.

²⁶ Neke valaleta indolo namalumbo ga vapivala mujene.

²⁷ Kasilingila ponu mujene akanu akali mwîko nambi je iboka ikińa-lugagi nambi umudesi asikwingila mujene, vene liela avandikwe muhâte ja vûmi ja Kakolo ve vene avalingila. 20, 15; Fil. 4, 3.