Luvilatulo 20 - Itesamende Imya

¹ Neke kangi mbonage umuńa-mwandza ihuma kukyâńa isulunuka, akolelye ikidindulilo kya lińa-ndzavi nińololo jipagike mwivoko lyakwe. 9, 1; 2. Pet. 2. 4; Jud. 6.

² Neke amwibatage u-Setano, ju Ndzokandove la, ju muhēsi, ju Setano, neke amukungage imyá-ka mbilima (1000). 12, 9.

³ Neke amusopelage mulińa-ndzavi neke amudi-ndile mumo, neke avīkage baho nikikolekelelo pakyâńa, pakutigila atane ukuvadzanga avapi vala, gitale gisile imyâka mbilima igi. Neke pe gi-dzumbile igyene, apo ala-mufungula ifigono nde filingi. 2. Tes. 2, 9. 10.

⁴ Neke mbonage fitêngo, neke vikadzage pafyene neke vapelwage uvuhigilo, neke imitima gya vala, avakegetilwe ulwa volesi vwa Jesu nulwa lidzwi lya Nguluvi nava-kanaga ukwifuńa kwa Mukoko na kuluhwano lwakwe, navakanaga ukuvwanukila uvuvave vwa pavusu na pivoko lyavo, neke ve vene vadzukage vûmi neke vatemage pamwinga na Kilisiti imyâ-ka mbilima (1000). Luk. 22, 30; 1. Kol. 6, 2.

⁵ Avangi avafwe vasa-dzukaga vûmi ukusungwa gidzumbage imyâka mbilima. Ukwene kwe kudzulubuka ukulongodzi. 1. Kol. 15, 23; 1. Tes. 4, 16.

⁶ Ali kitendileme, mwîmike, je ihanga imidzu-lubukile imilongodzi igi, avo uvufwe vwa vuvili vusili nuvutavulilwe kuvene, hamu, avene vala-vedza vatekedzi va Nguluvi na va Kilisiti, valatema numwene imyâka mbilima. 5, 10.

⁷ Neke lino, pe gilava gisilile imyâka mbilima igi, apo u-Setano alavu-lwa muvudinde vwakwe,

⁸ neke baho alahuma inukuvasāfya avapivala; avali mufipungu fye fitaji ifya ńi, ju Gogo na ju Magogo, alavatanga kulutango lwa migoha, avali nde luhanga lwa pańandza pakuvalila.

⁹ Neke bahovinukage, vamalage gonda umwâlalila gwa ńi, neke valigomba-nilage ililìnga lya vîmike, vajigombanilage nikâja indzimike. Neke gulagalage umôto umuhuma kukyâńa neke guvalidzage.

¹⁰ Neke baho umuhēsi, je avasafyaga, neke asopwage mwisela lya môto ni-biliti, kwe valongolye nu-Mukoko na ju muvidzi umudesi neke vanodzano-dzwage na pamûńi na pakilo ukufika kumihagulile gya myâka, mwe gifudińanye. 19, 20; 14, 10. 11.

¹¹ Neke mbonage ikitêngo ikyêlu ikivina neke na je akoṅomye pakyo, kwa je fyakimbilaga nińi ja pasi nińi ja kukyâńa kumîho gakwe, fisapavo-naga ponu pavwikalo. Mat. 25, 31-46; 2. Pet. 3, 7. 10. 12.

¹² Neke mbonage vonda avafwe navatali navafupi vimile viloleńana nikitêngo. Neke baho dzivalu-lwage ihâte. Na ji hâte ijíngi najo jivalulwage, ijene ija vûmi. Neke lino baho vahigwage avafwe vugenda pamalimo gana-vo, agandikwe pahâte dzidzo. 3, 5; Fil. 4, 3; Lom. 2, 6.

¹³ Neke baho ińandza jivaletage avafwe, avafwilye mujo na vu vufwe navo na vu vulungu navo neke vuhumyage avafwe, avali mumo. Neke baho vahigwage vugelela pamalimo ganavo. Joh. 5, 28. 29.

¹⁴ Neke uvufwe na vu vulungu neke fisopwage mwisela lya môto neke ulu lino vwe vufwe vwa vuvili, ilisela lya môto ili. 1. Kol. 15, 26. 55.

¹⁵ Neke je ngana vavwene asandikwe muhâte ja vûmi, nave neke asopwage mwisela lya môto. 19, 20; Mat. 25, 41.