Luvilatulo 2 - Itesamende Imya

¹ Neke umwene umuńa-mwandza va mulukombeso lwa mw-Efese umwandikilage utigilage: idzo ilonga, je akolelye mwivoko lyakwe ilya ndyo inondwe dzihanu na dzivili, je igendagenda pagatinagati pafinenevekelo fihanu nafivili ifisahabu, 1, 13. 16. 20.

² itigila: ndigakagwe unene amalimo gako nuvugifi vwako nulwigugūmi-dzo lwako, ndikukagwe ukuta avahaluka uveve usikuvidika navatigilaga tuli v-Apositili, kuno vasili v-Apositili, uvagela-ndzidze neke uvavwene ukuva vadesi. v. 9. 13. 19; 3, 1. 8. 15; 1. Joh. 4, 1.

³ Nulwigugūmidzo vwi nalo nukupumuka upu-mwike ulwa itavwa lyangu, usifwahye ponu.

⁴ Neke ndikukulondza, lwe uvulekile uvwênde uvulongodzi.

⁵ Ukumbuke lino, kwe usangalamukye neke upelage neke ulimage amalimo amalongodzi gala. Neke ngana ukanile, apo ndikukwadzila juve naka-linga, apo ulavona niki-nenevekelo kya ṅáli kyako ndihedza pakivungu, pe kikimile, ngana usipĕla. v. 16. 22; 3, 3. 19.

⁶ Neke lino idzene, dze uli nadzo, idzo hidzo, dze ugasūlile amalimo ga va-Nikolajiti, ve ndivasūlile najune. v. 15.

⁷ Je ali nago amasikidza, apulikage, dze ilonga u-Mubepo kuṅombeso. Je iteludza, ujo ndilamupela alidzage ifya pamubiki gwa vûmi ugugenda mu-Paladisi ja Nguluvi. v. 11. 17. 26; 3, 5. 12. 21; 22, 2.

⁸ Neke umuńa-mwandza uva mulukombeso lwa mu-Similina ujo umwandikilage utigilage: idzo ilonga umulongodzi, uva kuvwapulilo, je ali afwe neke lino mûmi, 1, 11. 17. 15.

⁹ itigila: ndivudzelye june uvufiganidze vwako nuvuhangala vwako – neke ulwene uli mulimi – na lwe vakukudzova fivi avitigila tuli va-Juda, kuno vasili va-Juda, hamu avene luholanilo lwa Setano. 3, 9; Jak. 2, 5; 2. Kol. 11, 14. 15.

¹⁰ Utane ukogopa, dze vwikola mukupumuka; lolage umuhēsi ikola mukuvadindila avajińu vamwi muńumba ja vańa-muńololo, pakuta muge-mwage neke mulavedza navo uvufiganidze ifigono likyumi. Neke uveve uvedzage uli vwidevulilo ukufika ku kufwa, apo ndilakupela ingêla ja vûmi. 3, 11; Mat. 10, 28; 2. Tim. 4, 8.

¹¹ Je ali nago amasikidza, apulikage, dze ilonga u-Mubepo kuńombeso. Je iteludza, ujo uvufwe vwa vuvili vusilamu-lemadza hamu. 20, 14.

¹² Neke umwene umuńa-mwandza va lukombeso lwa mu-Pelegama ujo umwandikilage utigilage: idzo ilonga, je akolelye ikyûfya ikińa-vûgi, ikite-ma kondakonda, 1, 16; Heb. 4, 12.

¹³ itigila: ndikudzelye, kwe vwivujila, vwivujila kwe kigenda ikitêngo kya Setano neke uveve ulyu-milye ilitavwa lyangu na lu lufuvo lwangu usilu-kanile nambi pafigono fi-la, fye vamuvulige u-Andipa, umolesi vangu j’ali vwidevulilo pa peńo apa, pe ivujila u-Setano. 13, 2; 3, 8.

¹⁴ Neke ndikukulondza uludebe hela, lwe uli navo vamwi, avalumilye uluvulanidzo lwa Bilejama, dze amuvulanidze u-Balaka, pe atigye uvadigilage lumwi ulutendelehedzo avakina-Jisilahele, validzage amasembe ga minguluvi, vangulage nuvugoni. Jud. 11.

¹⁵ Vwi navo najuve, avavumilye uvuvulanidzi vwa va-Nikolajiti ndesi. v. 6.

¹⁶ Lino upelage. Neke ngana vwikana, apo ndi-kukwadzila kisatu, ndilwa naveve nikyûfya kya mumulomo gwangu iki. 1, 16.

¹⁷ Je ali nago amasikidza, apulikage, dze ilonga u-Mubepo kuńombeso. Umuńa-kuteludza, ujo ndilamupela imana ja kukińele, je ndilamupela akaganga akêlu neke pakaganga aka lyandikwe ilitavwa ilyadzalino, lye asilidzelye jungi, alidzelye mwene ju je ikwanu-kila. 3, 12.

¹⁸ Neke umuńa-mwandza va mulukombeso lwa mu-Tyatili ujo umwandikilage utigilage: idzo ilonga umuswamuve va Nguluvi, je i nago amîho agi-langala nda mulingo gwa lulambo lwa môto neke indzajo dzakwe dzili nda mulingo gwa kitale ikyêlu, 1, 14. 15.

¹⁹ itigila: ndigadzelye namalimo gako nuvwênde vwako nulufuvo lwako nuvulimilavajago vwako nulwigugumidzo lwa-ko, ndigakagwe namalimo gako aga kuvwapulilo, ukuta galutye na kuma-longodzi.

²⁰ Neke ndikukulondza, lwe ukumulekēledza umukińinavo Isabele, je itigila ndili muvidzi, je ikuvavulanidza, je ikuvasāfya avakami vangu, vangulage uvugoni, valyage nama-sembe ga minguluvi. v. 4.

²¹ Neke ngamugelye ifigono ngatigye apelage neke asikēla ukupela uvugoni vwakwe.

²² Lolage, ndikumuso-pela kuvuhaga neke avahokaga nave uvugoni ndi-kuvasopela kumumuko ingomi, ngana vasipela amalimo ga mukiṅinavo uju.

²³ Navâna vakwe navo ndikuvavulaga nifwa neke dzilańagula iṅombeso dzonda ukuta je nene je ndihimbula nifigo ninu-mbula neke ndilageíela pamalimo geńo pakuvapela najula ifyakwe.

²⁴ Neke ndikuvalongela ńe vangi, je mugenda mu-Tyatili, je musanukye uvuvulanidzi uvu, je musi-vukagwe „uvunipa vwa Setano“, ndeve vilonga avene nditigila: sindiku-vongelehedza uńeńe ikitegulo ikingi;

²⁵ ku kumilila kwene mukyumililage, kye muli nakyo, ukufika bahe ndi-ladzila. 3, 11.

²⁶ Neke je iteludza na je ikolatidza ukufika kuvwapulilo amalimo gangu, ujo ndilamupela uvuta-mbulilwe kuva-pivala,

²⁷ alavadīmilihidza ulu-sondzo lwa kyûma, ala-vabadzula ngita fivya fya lilongo, ndeve najune anavulye udâda. 12, 5.

²⁸ Neke ndilamupela inemavufuku.

²⁹ Je ali nago amasikidza, apulikage, dze ilonga u-Mubepo kuṅombeso. 3, 6. 13. 22.