Luvilatulo 19 - Itesamende Imya

¹ Neke lino, pe dzisilile idzi, neke baho ndipulikage ikyujililo ikivina kya kipuga ikikomi kukyâńa kitigila: „haleluja, nuvupoki nindolo ningufu fya ju Nguluvi vesu, 11, 15.

² pakuva umwene pakukĕla inôngwa igendela muluńa-koluli, igolosa, pakuva adzikĕlile idza mu-ńa-havala umutambule, je akikwananga ińi jonda nuvugoni vwakwe, na ji danda ja vakami vakwe ija mwivoko lyakwe aji-lumbye.“ 16, 7; 6, 10.

³ Neke kangi vavwilage ulwa vuvili vatigilage: „haleluja!“ Neke ilyôsi ilya kwakwe likwinuka ukufika kumihagulile gya myâka, mwe giíudiṅanye.

⁴ Neke baho avagogolo avańa-makyumi gavili navataji vala nifyumi ifitaji fila vagwidzage pasi, valapangilage kwa Nguluvi je akoṅomye pakitêngo kyakwe, vatigilage: „amene haleluja!“ 5, 14.

⁵ Neke lino baho lihumage ilidzwi kukitêngo litigila: „mumulumbage u-Nguluvi visu mwivonda, ńe vakami vakwe, najuńe, je mukumogopa, navafu-pi navatali.“

⁶ Neke ndipulikage ikyujililo ngita kya kipuga ikikomi, ngita kya ndenga indzolofu, ngita kya mabalamusi amańa-ngufu kitigila: „haleluja! pakuva atemiîe umutwa Nguluvi visu umuńa-ngufu dzonda: 11, 15. 17.

⁷ ongo lino, tukelage tutovage nimbilikila, mumutavulilage indolo ju mwene, pakuva dzifike inavula dza Kakolo na ju mudala vakwe ivujipe, 21, 2. 9.

⁸ neke apelilwe ukuta afwalage imyênda imideke igiṅabata imivalafu, neke ugwene umwênda umudeke ugu vwe vupu-gule vwa vîmike.“

⁹ Neke andongelage unene atigilage: „vwandikage ulwa kuta: vali kitendileme avakemelilwe kufilyo fya panavula ja Kakolo.“ Neke andongelage atigilage: „amadzwi aga ge madzwi ga ndakyene ga ju Nguluvi.“ Luk. 14, 15.

¹⁰ Neke baho unene ndigwidzage pasi pandzaho dzakwe nigilage ndilapangilage ukwakwe; neke umwene atigilage: „ulo nda! vwijandilage, najune ndili mukami mujago, ndili mujavo va vańa-lukolo avi navo uvolesi vwa Jesu; ulapangilage ku kwa Nguluvi. Ndivwene uvo-lesi vwa Jesu gwe mubepo gwa vuvidzi. 22, 8. 9; 12, 17; Apos. 10, 25. 26.

¹¹ Neke mbonage kukyâńa kudindwike neke mbonage fwalasi indzelu kobo neke j’apandile ifwa-lasi iji je muńa-vwidevulilo je Ńdakyene ilitavwa, igendela uvugolofu pakuhiga napakulwa. 6, 2; 1, 5; 3, 14.

¹² Neke amîho gakwe gali ngita lwenge lwa môto neke pamutwe gwakwe mbonage afwete uvutwege uvolofu, ali nilitavwa ilyandike, lye asilidzelye jungi, aíidzelye ju mwene swe. 1, 14; 2, 18; 3, 12.

¹³ Neke afwete umwênda umudzabike mudanda, ilitavwa lyakwe je Lidzwi lya Nguluvi. Joh. 1, 1.

¹⁴ Neke amalugu ga kukyâńa gamuninilage, ve gapandile pafwalasi indzelu, vafwalile imyênda imideke imivalafu. 17, 14.

¹⁵ Mumulomo gwakwe neke lihumage ilisâla ili-ńa-vûgi ilya kuvahomela ava pivala neke umwene alavadima nulusondzo lwa kyûma; neke umwene ikańa ilihudzilo lya vutoṅoni vwa ligoga lya ṅaladzi dza Nguluvi umuńa-ngufu dzonda. 12, 5; 14, 19. 20.

¹⁶ Neke ali nilitavwa ilyandike pamwênda gwakwe na pakivuno ilitigila: „mutwa va vatwa, mulugu va Valugu.“ 17, 14; 1. Tim. 6, 15.

¹⁷ Neke lino mbonage jumwi umuńa-mwandza ali mwidzuva, ikemela nulukemelo ulukomi, iku-dzilongela indege dzonda idziguluka pamutwekyâ-ńa itigila: sule kuno, mulundanilage pafilyo fya Nguluvi ifikomi.

¹⁸ Mwadze mulyage nińama ja vatwa nińama ja vańa-kipuga mbilima nińama ja vaṅaludali nińama ja fwalasi nińama ja ve vadzipandile nińama ja vakombodze nija vasatu nija vafupi nija vatali.

¹⁹ Neke lino baho mbonage nu-Mukoko jula navatwa va mu-ńi namalugu ganavo filundine muku-homana navo na je apandile pafwalasi navańa-malugu gakwe. 17, 12-14; 16, 14. 16.

²⁰ Neke lino baho vibatwage nu Mukoko ńangilakumwinga na ju muvidzi vakwe umudesi, je afivonesaga ifilóle ukwakwe ifya kuvasāfihidza avanukye uvuvave vwa Mukoko na vifuṅaga kuluhwano lwakwe, ve vavili neke vadigwage kwisēla lya môto, ilipya nibilití. 13, 1. 11-17; 20, 10.

²¹ Neke avangi vonda vafwilage ilisâla lya jula, je ikadzile pafwalasi, ilya-humaga mumulomo gwakwe. Neke lino dzonda indege dzigutage ińama janavo.