Luvilatulo 17 - Itesamende Imya

¹ Neke lino baho adzage umuńa-mwandza jumwi avali mufúṅàti vala, avakolelye ińa-ludzo dzili mufúṅàti vala neke alongage nani atigilage: sule ngakuvonese, mwe ihigi-lwa umukińinavo umuńa-havala umutambule jula. je akoṅomye pandenga indzolofo, 15, 1

² je vangwe nave uvugoni avatwa va mu ńi, je vagalye uvugimbi vwa vugoni vwakwe vonda. avadzengile muńi. 14, 8; 18, 3.

³ Neke lino ańamulilage unene mumubepo neke tufikage muluṅalaṅala neke ndimuvonage umukińinavo ikadzile pa-Mukoko umudûńu ketu neke u-Mukoko gamemile amatavwa ga vudzovafivi, ali nimitwe mufúṅàti namapembe mańikyumi. 13, 1

⁴ Neke mbonage umukińinavo uju afwete imyênda imidûṅu mudzindzi nimidûńu ketu, ipombye nisahabu nutuganga uvutalamu nindzambo, akolelye nikińwelo ikisahabu mwivoko lyakwe, ikimemile ińalugagi nifilamafu fya vugoni vwakwe.

⁵ Neke pavusu vwakwe lyandikwe ilitavwa lya kukińele litigila: je Ba-bele ingomi, ińinavana ja vagoni, ińinavana ja ńa-lugagi dza ńi. 14, 8; 16, 19; 2. Tes. 2, 7.

⁶ Neke mbonage umukińinavo uju agalile idanda ja vîmike nidanda ja volesi va Jesu. Neke baho ndidzumangage, pe ndimuvwene uludzumo ulukomi. 18, 24.

⁷ Neke baho umuńa-mwandza ambudzage unene atigilage: vwidzumanga kiki? Ndikukulongela june idza kuki-ńele dza mukiṅinavo nidza Mukoko, je ali nimi-twe gili mufúṅàti nime-mbe likyumi, kwe apandile umukińinavo.

⁸ U-Mukoko, je umuvwene uju, ali pwali, lino asupaíi neke ikola mukwinuka ukuhuma kulińa-ndzavi, kangi ihelela mukutipuíwa neke valamu-dzuma avivujila muńi, ave gasandikilwe amatavwa ganavo pahâte ja vûmi ukuhuma, pe jaga-vwaga ińi, valadzuma, pe vamuvwene u-Mukoko, pakuva ali pwali neke sipwali neke alavedza pwali. 13, 1. 2. 3; 3, 5.

⁹ Pen’apa lwikalilage ulwijivuko uluńa-luhala. Imitwe igili mufúṅàti fye fidunda mufúṅàti, fye ikadzile - po umukińinavo. 13, 1. 18.

¹⁰ Na va vatwa navo vali mufúṅàti, avahanu vagwe, ujungi kwali lino, ujungi asina adza; neke lino alava adzile, apo mu-ńa-kwikala nde filingi.

¹¹ Na ju Mukoko, je ali pwali, je asupali, ali va munana umwene, ahumile muvajagwe avaíi mufúṅàti neke ihelela mukutipulwa. v. 8; 19, 20.

¹² Neke imembe ińikyu-mi, dze udzivwene, ve vatwa vańikyumi; neke vasina vatema uvutwa vwanavo neke uvwene uvutavulilwe, uvuli ngita vwa vatwa vikwanukila kumwinga nu-Mukoko jula, vivedza navo isala jimwi swe. 13, 1.

¹³ Neke avene ava vali mutima gumwinga neke ingufu nuvutavulilwe vwanavo vitavula kwa Mukoko.

¹⁴ Avene ava valalwa nu-Kakolo neke umwene u-Kakolo je alavateludza, pakuva je mulugu va valugu, je mutwa va vatwa, ali navo navakeme-lwa navahagulwa navali vwidevulilo ńani. 19, 14. 16.

¹⁵ Neke andongelage atigilage: indenga, dze udzivwene, dze akikalile epo umukińinavo umuńa-havala jula, ve vanu, ge malugu ga vanu, ve vapivala, dze ndongele. v. 1.

¹⁶ Neke imembe likyu-mi, dze udzivwene dzila nu-Mukoko jula, avo valamusula umuńa-havala jula, valamwejasa vala-mufula nimyênda gyakwe valadzilya na dzi ńama dzakwe neke umwene valamukodza numôto. v. 12. 13; 18, 8.

¹⁷ Ndivwene Nguluvi avapelye dzidzo munumbula dzanavo pakutigila: vagendelage lu lwakwe, lwe ahodzidze, vagendelage lumwinga, vamupelage u-Mukoko uvutwa vwanavo, dzitalage dzi-malwage, dze alongile jujo ju Nguluvi. 10, 7.

¹⁸ Neke umwene umukińinavo, je vwamulavaga, je kâja ingomi, ijiko-lile uvutwa na kuvatwa ava mu-ńi. 15, 10.