Luvilatulo 14 - Itesamende Imya

¹ Neke ndolage neke mbonage u-Kakolo imile pakidunda Sijono neke vali baho pamwene avańa-mbilima dzili ligana na makyumi gataji na dzitaji (144000), vavo nilitavwa lyakwe ju mwene nilya dadye lyandiki-iwe pavusu. 7, 4; 3, 12.

² Neke ndipulikage ikyujililo kihuma kukyâńa kili ngita kyujililo kya ndenga ndzolofu, kangi ngita lidzwi lya libalamusi ilivina; kangi uluńulo, lwe ndapulikaga lwali ngita lwa vakuva-ligombo, avikuva amagombo ganavo. 1, 15.

³ Neke vikwimba ulwîmbo ulupya, pele valoleṅana nakyo ikitêngo, pele valoleṅine nifyûmi fitaji fila navagogolo. Neke valemwage vonda ukulwi-mba ulwîmbo ulu, valuka-gwe vene vala, avali mbilima ligana namakyumi gataji na dzitaji (144000), avagulilwe ku-ńi. 5, 9.

⁴ Ve vene, avasilamidze kuvakiṅinavo, ndivwene vāli văli luhindza. Ve vene, avakumuninila u-Ka-koîo konda, kwe ihelela, ve vene, avagulilwe kuvanu, avakuvedza vavele kwa Nguluvi na kwa Kakolo. 5, 9; 2. Kol. 11, 2; Ef. 5, 27.

⁵ Neke mumilomo gyanavo vusavonike uvudesi, vagajalunu.

⁶ Neke lino mbonage umuńa-mwandza ujungi iguluka pamutwekyâńa akolelye ilyevangeli ilisi-hagikwa mumavoko, ilya kuvadalikila navanu, avadzengile mu-ńi nava-pi-vala nifipelela nindongele 8, 13.

⁷ ilongela mulidzwi ilikomi itigila: „mumogopage u-Nguluvi, mumupe-îage indolo, pakuva ja-dzile isala ja luhigilo lwakwe neke mwifuńage kwa je agavile nija kukyâńa nija pasi nińandza nifisi-ma fyonda ifya ndenga:“

⁸ Neke umuńa-mwandza ujungi uva vuvili aninilage neke atigilage: „ji-gwe jigwe i-Babele ingomi, ijikińwesa dzonda ińi uvugimbi vwajo, uvwa ligoga lya vugoni.“ 15, 2.

⁹ Neke umuńa-mwandza uva vudatu ikuvaninila avajagwe, ilongela muli-dzwi ilikomi, itigila: „je akwifuńa kwa Mukoko jula na kuluhwano lwakwe, je ikwanukila nuvuvave vwakwe nambi pavusu nambi pivoko, 13, 12-17.

¹⁰ apo nave ińwa uvutoṅoni vwa ligoga lya Nguluvi, vwe apungwe kitahandza nululenga mukińwelo kyakwe kya ṅaladzi, neke valanodzwano-dzwa mumôto namukibiliti, pe vilola navańa-mwandza avîmike, pe ilola na ju Kakolo. 16, 19; 19, 20.

¹¹ Neke ilyôsi lya luno-dzanodzo lyanavo lifuńa ukufika kumihagulile gya myâka, mwe gifudińanye, neke pasupali pavupolelo na pamûńi na pakilo, avene avifuńile kwa Mukoko jula na kuluhwano lwakwe, na je ngana anukye uvuvave vwa litavwa lyakwe.“ 19, 3.

¹² Pen’ apa lwikalilage ulwigugumidzo lwa vîmi-ke, avikolatidza amakule ga Nguluvi nulufuvo lwa kwa Jesu. 13, 10; 12, 17.

¹³ Neke baho ndipulikage ilidzwi lihuma kukyâńa litigila: vwandike utigilage: vali kitendileme avafwe, avifwila mwa mutwa ukuhuma ku lino. Na ju Mubepo itigila: „ena, pakuva valapola amalimo ganavo, ndivwene amalimo ganavo gakuva-sindikila.“ Heb. 4, 10.

¹⁴ Neke ndilolage neke mbonage ilifunde ilivala-fu neke pakyâńa pifunde ikadzile jumwi ali nda mulingo gwa mwâna va munu, pamutwe afwete ingêla isahabu, mwivoko akolelye umumage gwa kubenela umuńa-vûgi. Mat. 13, 39. 41.

¹⁵ Neke ujungi umuńa-mwandzaahumage kukyânga kya tembele ikemela nilidzwi ilikomi kwa jula, je ikadzile pifunde itigila: utume umumage gwako ugwa kubenel’ugo neke ubenage, pakuva jifikile isala ja kubenela na ji mbene ja ńi jituṅwine.

¹⁶ Neke je ikadzile pi-funde adigage umumage gwakwe pa-ńi; neke baho jibenwage ińi.

¹⁷ Neke lino baho ahu-mage ujungi umuńa-mwandza mukyânga kya pivala ikya kukyâńa neke nave akolelye umumage umuńa-vûgi ugwa kubenela.

¹⁸ Neke ujungi umuńa-mwandza ahumage paki-tekelelo, je ali nuvutavu-lilwe vwa kumôto neke ikemela nilidzwi ilivina kwa muńa-mumage gwa kubenela jula itigila: „u-tumage umumage gwako umuńa-vûgi ugo, upĕtage ińodzo dza vutoṅoni vwa ńi, pakuva ifipeke fyavo fituṅwine.“ v. 15.

¹⁹ Neke baho umuńa-mwandza jula umumage gwakwe atagage pasi pa-ńi neke afipĕtage ifiho-dzo fya vutoṅoni uvwa ńi neke asopage mwihu-dzilo ilikomi ilya ligoga lya Nguluvi. 19, 15.

²⁰ Neke baho vuhudzwage uvutoṅoni pivala pakâja neke jihumage idanda mwihudzilo mumo neke jifikage kuńála dza fwalasi jimalage apańa-melo mbilima jimwi namagana mutanda (1600).