Luvilatulo 12 - Itesamende Imya

¹ Neke lino baho kivonekage ikilóle ikivina kukyâńa, umukińinavo afwete ilidzuva ngita mwênda neke umwê-dzi guli pasi pandzaho dzakwe neke pamutwe gwakwe vutwege vwa nondwe ńikyumi na dzivili.

² Neke ali muńa-vuvaha neke akutage iṅegeta neke apumukage pakubaba.

³ Neke kivonekage ni-kingi ikilóle kukyâńa neke mbonage u-Lihato umukomi umudûńu nde môto, ali nimitwe gihanu na givili, ali nimembe ńi-kyumi, pamitwe neke avedzage nuvutwege vuli mufúṅàti. v. 9.

⁴ Neke umukila gwakwe gudzikuluvulage inondwe dza kukyâńa ulubali lwa vudatu, gukudzi tagila pasi pa-ńi. Neke u-Lihato image aloleńine ilumukińi-navo pe ikola mukubaba umwâna, pakuta, ngana amubabile umwâna, apo amumilage.

⁵ Neke baho amuholage umwâna umugosi, je ikola mukuvadīmilihidza ulusondzo lwa kyûma vonda avapivala. Neke baho umwâna vakwe ańagi-lwage ku kwa Nguluvi na kukitêngo kyakwe. 19, 15.

⁶ Neke umukiṅinavo akimbililage kuluṅalaṅala, kwe amuvujapye uvwikalo ju Nguluvi, ukuta kwe vakamusangililage ifigono mbilima namagana gavili namakyumi mutanda (1260). 11, 2. 3; Mat, 2, 13.

⁷ Neke baho galamukage amagoha kukyâńa, u-Mikahele navańa-mwandza vakwe vihomana nu-Lihato neke u-Lihato navańa-mwandza vakwe valwi-dzage.

⁸ Neke valemwage, neke kukyâńa avene paga-jage pavwikalo.

⁹ Neke baho asopwage u-Lihato umukomi, ju Ndzokandovela, je vitigila muhēsi; je vitigila je ju Setano ilitavwa, je isā-fya ińi jonda, je vadzengile avanu, neke asopwage pasi pa-ńi navańa-mwandza vakwe neke vasopwage ńangilakumwinga nave. Luk. 10, 18; Joh. 12, 31.

¹⁰ Neke lino baho ndipulikage ilidzwi ilikomi kukyâńa liligila: „lino na vu vupoki na dzi ngufu nuvutwa vuhambwike vwa ju Nguluvi vesu neke uvutavulilwe vuhambwike vwa ju Kilisiti vakwe, pakuva asopilwe pa-ńi, je avagotoleîaga avańa-lu-kolo vesu, je avagotolelaga kwa Nguluvi vesu na pamûńi na pakilo. 11, 15; Luk. 22, 21.

¹¹ Neke avene vamute-luhidze na ji danda ja Kakolo na li lidzwi lya volesi vwanavo, na gi mi-tima gyanavo nagyo vasagyendile ukufika, pe vifwa. v. 17; 7, 14; Lom. 8, 37.

¹² Kye mulesile mwihe-dzigage ńe ńi dza kukyâńa na je mwivujila mumo. Iga uveve ve ńi na juve ve ńandza, pakuva asulunukye kuko ukweńo umuhēsi, agilimbwike mbando, pakuva aludzelye nave ukuta pafupi hela pavulimilo umwene.“

¹³ Neke lino u-Lihato, pe ivwene, ukuta asopi-îwe pasi, neke baho amu-fwimage umukińinavo, j’aholile umwâna umukigo-si jula.

¹⁴ Neke umwene umukińinavo neke apelwage imabatilo dzivili dza lima-simula ilikomi, ukuta agu-lukilage kuvwikalo vwakwe kuluṅalaṅala, kwe vikumusangilila umwâka gumwi nimyâka givili neke numwâka umufupi neke ahege kitavonwa kwa Ndzoka. v. 6.

¹⁵ Neke u-Ndzoka afu-ńage ululenga mumulomo gwakwe, lwali ngita livumbu kumbele kwa mukiṅinavo, pakuta ahelelage nilivumbu.

¹⁶ Neke baho ińi jitangage kwa mukiṅinavo neke jahamage umulomo gwajo neke jimilage ilivumbu, lye afuńile u-Li-hato mumulomo gwakwe.

¹⁷ Neke baho u-Lihato amukalalilage umukiṅinavo neke ahelelage muku-lwa navangi, avasigye, ava mulukolo lwa mukiṅinavo, avagakolatidzaga amakule ga Nguluvi, avali navo nuvolesi vwa Jesu.

¹⁸ Neke image pańandza paluhanga.