Luvilatulo 11 - Itesamende Imya

¹ Neke baho amelage uludete, ulwali nda mulingo gwa lusondzo lwa kugelela neke atigilage: usūkāge, ugelage ikyânga kya tembele ja Nguluvi nikitekelelo navila-pangila mumo.

² Neke ulwene uluvandza, ululi pivala pakyânga kya tembele, ulo udagilage pivala, utane ukulugela, lutavulilwage kuva-pivala neke ikâja indzimike valajilivata imyêdzi makyumi gataji nigivili. v. 3; 12, 6. 14; 13, 5; Luk. 21, 24.

³ Neke ndilavapela avo-lesi vangu vavili neke valavila ifigono mbilima jimwi namagana gavili namakyumi mutanda (1260), valafwala ifikutula mumuvili. v. 2.

⁴ Avene ava ge mavono gavili gala. Dze ṅáli dzivili dzila, idzimile kumîho ga mutwa umwen’eńi.

⁵ Neke lino ngana jumwi itigila ndivanange ava, apo umôto gwihuma mumulomo gwavo, guku-valya avańa vukava vanavo, neke je itigila ndi-vanange ava, apo je mu-ńa-kufwa ndesi.

⁶ Avanu ava vatavulilwe ingufu dza kudindila kukyâńa ukuta jitane ukutońa inońa pafigono fya vuvidzi vwanavo, vali na ngufu na kundenga pakudzidzusa danda nukuta vajitovage ińi nulunodzano-dzo londa, sambi vakēlage.

⁷ Neke valava vamalile uvolesi vwanavo, apo Mukoko alinuka ukuhuma kulińa-ndzavi, alalwa navo neke alavateludza neke alavavulaga. 13, 1. 7; 17, 5.

⁸ Neke imifimba gyanavo gilavedza pabalabala ja mukâja ingomi, je vitigila Sedomo na Egipiti, pe va vilongela mwa Mubepo, mwe vamutovelye pakipindulihidzo na ju mutwa vanavo. 16, 19; Luk. 13, 34.

⁹ Neke valalolela imifi-mba gyanavo ava muvanu na va mufipelela na va mundongele na va muvapivala ifigono fidatu nikifupi neke valatanidza imifimba gyanavo gitane ukusilwa.

¹⁰ Neke avivujila mu-ńi mumo, valakēla, pe vavwene vaf we, valihedziga, valatumilanila nifya kwi-pēla, pakuva avavidzi avavili ava vavanodzano-dzaga vonda, avivujila kwen’ivala kuno.

¹¹ Neke lino baho, pe fidzumbile ifigono fidatu nikifupi, neke baho u-mubepo gwa vûmi guhumage kwa Nguluvi neke gwingilage umwavo neke baho vimage pamagulu ganavo, neke baho uvogofi vuvagwilage uvolofu, avalolelaga.

¹² Neke lino baho vapulikage ilidzwi ilivina lihuma kukyâńa litigila: mwinukilage kuno! Neke baho vinukilage mwifunde kukyâńa neke vava-vonage navańa-vukava vanavo.

¹³ Neke lino pasala jijo neke baho kilamukage ikilindima ikikomi neke na ji kâja jibomokage uiubali lwa pikyumi neke baho vafwidzage ikilindi-ma kikyo avanu mbilima dzili mufúṅàti (7000) pakuvala amatavwa, neke vonda avangi vuvagwilage uvogofi neke baho vamupēlage indolo u-Nguvi uva kukyâńa.

¹⁴ I „iga“ ja vuvili ve jimalike, lolage i „iga“ ja vudatu jikwadza kisatu. v. 15; 9, 12; 12, 12.

¹⁵ Neke baho akuvage ulukwalimba na ju va mufúṅàti umuńa-mwandza neke baho fivonekage ifyujililo ifikomi kukyâńa fitigila: „uvutwa vwa ńi vudzukile vwa ju mutwa vesu nuvwa ju Kilisiti vakwe; alavedza je mutwa jujo ukufika kumihagulile gya myâka, mwe gifudiṅanye.“

¹⁶ Neke baho avagogolo, avali makyumi gavili navataji, aviloleńanaga nu-Nguluvi pakukońoma-la pafitêngo fyanavo, neke vagwilage kumîho gavo neke valapangilage kwa Nguluvi, 4, 4. 10; 7, 11.

¹⁷ vatigilage: „twihongedza ukwako, ve mutwa, ve mu-ńa-ngufu dzonda, je vwi povuli, je vwali pwali, pakuva uko-lelye ingufu dzako ingomi, udzukile vwi mutwa lino. 4, 8.

¹⁸ Neke avapivala vakalalye iṅaladzi neke dza-dzile niṅaladzi dzako neke kyadzile nikigono kya vafwe kya kuhigilwa neke nikya kuvapelelela uluhombo lwanavo avaka-mi vako, avavidzi navîmike navikogopa ilitavwa lyako navafupi navatali, nikya kuvatipulila, avajitipulaga ińi.“ 15, 1.

¹⁹ Neke lino baho ikyânga kya tembele ja Nguluvi kukyâńa kidindukage neke livonekage nili-sanduko lya lufingwi lwakwe mukyânga kya pivala, neke lino baho fivonekage nimuli dza no-ńa nifyujililo nimbalamusi nikilindima namaganga ga nońa amavina. 15, 5; 4, 5.