Luka 7 - Itesamende Imya

¹ Neke lino Jesu avye amalile dzonda ukuvavuda avanu, avapulihi-dzaga, neke baho ingilage mu-Kapelenahumu.

² Neke lino mukâja jijo ali mwali umuvanda va muńa-kipuga, ali vwidevulilo kwa mutwa vakwe, atamike mbandu, ali asa-mba afwa.

³ Neke umwene umuńa-kipuga, avye apulike idza Jesu, neke baho avatumage avandzagila va vakina-Juda, atigilage: mukamudedeve mbandu, adzage ku kuno, ananihi-dzage umuvanda vangu.

⁴ Neke baho avene, vavye vadzifike kwa Jesu, neke baho vagimbage pakumudedeva neke vatigilage: avagye umutange, asili vukano uju,

⁵ tuvwene atwendile unefwe pakipelela kyesu na lu luholanilo lwesu atu-dzengye ju mwene.

⁶ Neke baho umwene Jesu neke fivujasage. Neke lino pavye pasigye padebe pakufika pańumba ja muńa-kipuga, neke avatumage je vadzeline, avakutigila: utane ukwi-fwahidza, ve mutw’ave, ndivwene unene sindivagye ukuta vwingilage mukitinga kyangu uveve.

⁷ Kye ndalesile nditane nukwadza unene ukwako, pakuva simbagye ukwako najune. Hamu, ulongage ilidzwi lyene neke aponage umwâna vangu uju.

⁸ Ndivwene ndili munu hela unene ndilevile kuvakomi, najune ndi navo avasilikali mumagulu gangu, neke lino ngana ndilonga kwa jumwinga nditigila: uhelelage kuvutunga, apo ihelela, ujungi ngana nditigila: vwadze kuno, apo ikwadza, kwa muvanda vangu ngana nditigila: ulimage ikitunga, apo ilima.

⁹ Neke umwene Jesu, avye apulike ulu, neke baho amudzumage neke asedukilage ku vamuninilaga ikipuga kyonda neke atigilage: ndikuvavula, ńe vâne, ulufuvo nde ulu sindina ndiluvona nambi muvakina-Jisilahele muno.

¹⁰ Neke lino vavye vadzifike kuńumba avatumilwe kwa muńa-kipuga, neke baho vakavonage umuvanda ahôkile.

¹¹ Neke pakigono kya kilavu neke ahelelage kukâja jimwi, je vitigila Najini. Neke figendasage navańigendwa vakwe nikipuga kya volofu.

¹² Neke lino vavye vahegelye kukipata kya kâja, neke baho vavonage vańamwe umukwamidzi, je afwe, vihelela muku-musila, umwâna umuńa-kimwinga mwa ṅina. Neke uṅina ali mufwile, neke vavonage navanu ikipuga ikikomi vigenda nave umukiṅinavo.

¹³ Neke umutwa, avye amuvwene umukiṅinavo uju, neke baho amupyanilage neke atigilage: utane ukuvemba.

¹⁴ Neke baho ahegālelage neke abasage ulupāsa, neke baho vimage avańamwe. Neke baho umwene atigilage: ndiku-kuvula juve, ve mukwa-midz’ave, nditigila: lamuka!

¹⁵ Neke baho, je afwe, neke akoṅomalage neke akole mukulonga. Neke baho umwene amusindikage kwa ṅina.

¹⁶ Neke baho uvogofi neke vuvagwilage vonda, neke vamulumbage Nguluvi neke vatigilage: najufwe lino atuvonekye umuvidzi umukomi, kangi vatigilage: Nguluvi atufikye twe vanu vakwe. 1, 68.

¹⁷ Neke uludzovo, lwe vamudzovaga ulu, neke lutagalile ponda pa-ńi ja mu-Judaja na pa-ńi, ija-fudike mumo.

¹⁸ Neke baho avańigendwa va Johana vakamu-longelage dzonda idzi.

¹⁹ Neke baho umwene Johana neke avakemelage vamwi avańigendwa vakwe vavili neke avatumage kwa mutwa vakatigilage: vona je veve, je vitigila ikwadza, ene vuli tumudzindilage ujungi?

²⁰ Neke baho avagosi ava, vavye vadzifike kwa mwene, neke vatigilage: atutumile ukwako u-Johana umudzabisi, atigye mukatigilage: vona je veve, je vatigilaga ikwadza, ene vuli tumudzindilage ujungi?

²¹ Neke isala jijo umwene ali mukuhōsa avańa-mungo avolofu navańa-fitamwa ifyavapumusaga, nimibepo imihaluka, navabofu avolofu akuvahulila ukulava.

²² Neke umwene Jesu apilusage atigilage: muhelelage mukamuvule Johana na dze mwilola na dze mwipulika mukatigilage: avabofu vilola, avalemafu vigenda, avańa-fińa-muvili vitelela umuvili, avadibafu vipulika, avafwe vidzulubuka, kuvahangala lidalikwa ilyevangeli.

²³ Neke ali kitendileme, je asikuluvona ulwa kwija-mbuhidza ukwangu unene.

²⁴ Neke lino vavye vahelye, ve avatumile Johana, neke baho amulage Jesu ukumulonga Johana kuvanu ifipuga neke atigilage: mwahelelaga mukudzilola kiki muluṅalaṅala? Mwahelelaga mukudzilola uludete, ulwipungidzila kuṅala?

²⁵ Ongo lino, mwahelelaga mukudzilola kiki? Mwahelelaga mukumulola umunu, je afwete imyênda imideke? Mulolage avipombye imyênda imideke na valya-muno, avo ve vivaha.

²⁶ Ongo lino, mwahelelaga mukudzilola kiki? Mwahelelaga mukudzilola umuvidzi? Ena ndakyene, ndikuvavula unene nditigila: alutye na kwa muvidzi. 1, 76.

²⁷ Je mwene, je jikumu-longa nihâte, pe jitigila: „lolage, ndikukutumila umuńa-mwandza vangu, umuńa-kukulongolela vulolela, je alakuvujapila iṅasi jako kuvulongolo ukwako.“

²⁸ Neke unene ndikuvalongela nditigila: kuvonda, avaholilwe kuvaki-ṅinavo, asina avoneka ujungi, je alutye uvuvina kwa Johana. Neke umunaṅi kuvonda uva muvutwa vwa kukyâńa, ujo amulutye uvukomi u-Johana kangi. 1, 15.

²⁹ Neke baho navanu vonda, avapulikaga idzi, navahakipembe neke navo vamupugudzage Nguluvi neke baho vadzabikwage uludzabiko lwa Johana. 3, 7. 12; Mat. 21, 32.

³⁰ Va va-Fwalisaja vene navakagula-milagililwe neke vafufyage lwe aluvonye ṅani Nguluvi, neke vatigilage: unefwe tulema ukudzabikwa kwa mwene. Apos. 13, 46.

³¹ Ndivaliṅanidzage nde kiki avanu avalino ava? Valiṅine na nani?

³² Valiṅine navâna, avikalile pasokôni, avakwi-kemela vitigila: twe vajińu, tuvapembye nululudzi, neke lino uńeńe musikina, twe vajińu tutahidze nikivembo, neke uńeńe musi-twidihidze pakuvemba.

³³ Ndivwene adzile Johana, asalyaga ifilyo, asańwedzaga nuvugimbi vwa vutoṅoni, neke baho mwitigila: ali na mudemono.

³⁴ Kangi adzile umuswamuve va munu, a ilya, a ińwa, neke lino kangi mwitigila: mudzumage umunu uju, mulya-muno, muńwa-vugimbi, mujanavo na vahakipembe na vahosi. 15, 2.

³⁵ Neke lino Luhala ipugudzwa kuvâna vakwe vonda.

³⁶ Neke baho umu-Fwalisaja jumwi neke amuke-melage, vakahange ukulya. Neke baho umwene akingilage muńumba ja mu-Fwalisaja neke akikalage. 11, 37.

³⁷ Neke lino mukâja jijo ali mwali umukiṅinavo umuhosi. Neke avye apulike ukuta ali muńumba ja mu-Fwalisaja neke baho ańamulage isupa jakwe ja mono ja mila. cf. Mat. 26, 7-13; Joh. 12, 3-8.

³⁸ Neke image kumagulu kumbele neke avembage amohodzi. Neke amohodzi akole mukugadomo-hedza mundzajo dzakwe, neke afyangulilage indza-jo nifwili dzakwe neke adzinonelage indzajo neke adzibakage nimono.

³⁹ Umwene umu-Fwalisaja, je amukemelye, avye aluvwene ulu, neke baho ahodzage mwileme lyakwe ulwa kutigila: umunu uju, aka avedzage muvidzi, apo ngali amudzelye umukiṅinavo, je akumwabasa uju, ukuta je tunga, na gi migendele gyakwe nga amudzelye, pakuva muhosi.

⁴⁰ Neke baho Jesu neke amwaṅage neke atigilage Simonw’ave, ndili nutukani utwa kukuvūla; neke umwene atigilage: ongo, ulongage, ve mwiganiazi.

⁴¹ Neke umwene atigilage: vapingile vavili kwa muńa-mâli jumwinga; ujungi apingile ulupija magana gahanu (500), umujagwe apingile makyumi gahanu (50).

⁴² Neke lino fivye fivagajye avene ifya kumwavula, neke baho avapyanilage, avalekage. Ongo lino, ve vavīli ava, alaluta ukumwenda mbandu alikwi?

⁴³ Neke apilusage Simono atigilage: Unene nditigila alalutila ukumwenda jujo, je amupelye amalupija amolofu. Neke baho umwene atigilage: ena, ugolwise pakulukĕla.

⁴⁴ Neke baho asedukilage kwa mukiṅinavo neke amulongelage Simono atigilage: ukumuvona umukiṅinavo uju? Ndingye muńumba jako muno, uveve usimelye ululenga ulwa kuhogofehedza indzajo neke lino umwene andomohidze namohodzi pandzajo, afyangulye nifwili dzakwe.

⁴⁵ Uveve usinonye pamulomo unene, umwene amulye gu mwingilo, pe ngikwingila muńumba muno, asina apola ulwa kunonela indzajo dzangu. Lom. 16, 16.

⁴⁶ Uveve usimbakile umutwe nimono. Neke umwene adzibakile indzajo nimono ja mila.

⁴⁷ Kye ndilesile ndikuvūlage nigilage: indzanangifu dzakwe dzivodzi-dzwe indzolofu mbandu, pakuva endile mbandu. Neke lino je ahedzilwe indzanangifu iṅefu, ikwenda ulukefu.

⁴⁸ Neke baho amulongelage umukiṅinavo neke atigilage: indzanangifu dzako ndikuvodzidze. 5, 20. 21.

⁴⁹ Neke baho avene, ve fīkalise pakulya neke vahodzage ulwa kutigila: je munu muki uju, je ivodza na dzi ndzanangifu?

⁵⁰ Neke baho umwene amulongelage umukiṅinavo neke atigilage: lukunanidze ulufuvo lwako, uhelelage, ve utengamine. 8, 48; 17, 19; 18, 42.