Luka 4 - Itesamende Imya

¹ Neke umwene Jesu, avye amemilwe u-Mubepo umwîmike neke agomokage ukuhuma ku-Jolodana neke u-Mubepo amugendagendage nave muluṅalaṅala

² ifigono makyumi gataji (40) neke agemwage kwamuhēsi. Asalyagakalyo ifigono fyonda fila neke fivye fidzumbile neke baho adaganage.

³ Neke baho umuhēsi alongage atigilage: ngana uli muswamuve va Nguluvi, apo ulongage niliganga ili, fidzukage filyo.

⁴ Neke baho Jesu apilusage atigilage: lyolilwe ilitigila: „umunu asiponela fi filyo fyene.“

⁵ Neke baho umuhēsi neke inukilage nave pakidunda neke amusevulilage si namusika vonda uvutwa vwa mu-ńi,

⁶ neke amulongelage atigilage: ndikukutavulila vonda uvutavulilwe uvu, ndikukutavulila na dzi ndolo dzanavo, pakuva andekye june, ndipela hela, je ndikelye june.

⁷ Uveve lino ugondamilage ukwangu, apo fivedza fyako fyonda.

⁸ Neke baho apilusage Jesu neke atigilage: lolilwe ulwitigila: „ugonda-milage ku kwa Nguluvi, umutwa vako, umulimilage jujo mwene.“

⁹ Neke baho amuhelelage nave ku-Jelusaleme neke akamuvikage pakyâńa patembele neke alongage nave atigilage: ngana uli muswamuve va Nguluvi, apo ukitukilage pasi ukuhuma pakyâńa apa.

¹⁰ Ndivwene lyolilwe ilitigila: „alakutumila avańa-mwandza vakwe, avańa-kukulindilila“

¹¹ nilitigila: „vaiakuńa-gidza mumavoko ganavo, utane ukwibumidza ulwajo lwako pe liganga.“

¹² Neke apilusage Jesu atigilage: kangi nalyo lyo-lilwe ilitigila: „utane ukumugemya Nguluvi, umutwa vako.“

¹³ Neke umuhēsi, avye amalile londa ulwa kumugemya, neke baho amulekage neke jivedzage swêla ngana lusiku. Heb. 4, 15.

¹⁴ Neke baho Jesu agendelage mungufu dza Mubepo umwîmike pakupilukila ku-Galilaja. Neke baho akapulisage mu-ńi jonda, mwe jivelye ija mumo.

¹⁵ Neke baho umwene avadalikilage inôngwa muńolanilo dzanavo neke vonda vamulumbage.

¹⁶ Neke akafikage na mu-Nasalete, kuko, kwe akulye, neke ingilage muluholanilo, ndevye agitaga mbêpali pafigono fya ńwabaha neke image ulwa kutigila ndilole ihâte.

¹⁷ Neke vamupelage ihâ-te ja muvidzi Jisaja. Neke lino pe ibandula, neke baho apavonage apolilwe ukutigila:

¹⁸ „Umubepo va mutwa ali pa pangu, kye ndilesile ndibakwage ulwa kuvadalikila ilyevangeli avahangala,

¹⁹ anumye na mukuvavula avagalulano ukuta navo vavulwage na kuvabofu amîho ndivavulage ukuta mwilolaga na kuvahakili-dzwa ukuta ndivakombo-dzage, anumile nukuta ukadalike ukuta numwâka gwa mutwa umunofu gwadzile.“

²⁰ Neke baho ajibandikage ihâte neke amuta-vulilage umwimilidzi neke umwene ikalage. Neke baho amîho ga vonda, avali muluholanilo, neke gamu-hagavalilage ju mwene.

²¹ Neke lino baho umwene amulage atigilage: idzolilwe idzi, dze dzene, idzivilatwike nalelo mumatwi geńo.

²² Neke baho vonda vamwidihidzage vatigilage: ujo je ilonga hîlo. Neke vadzumangage amadzwi, agavadendevwe aga, aga-humaga mumulomo gwakwe, neke vatigilage: si je muswamuve va Josefe Uju? Joh. 6, 42.

²³ Neke avalongelage atigilage: uńeńe vona mukuńumbusaga akadzwi akitigila: ve muganga, unginanya uli jena. Nambi mwitigila: ungatuhufihidza imitu najufwe twe va muno, mwe vwakulye, ndevye dzidzo, dze tupulike, ukuta uhufidze mu-Kapelenahumu. Mat. 4, 13.

²⁴ Neke umwene avalongelage atigilage: ndakyene ndikuvavūla, unene nditigila: pe hela umuvidzi nambi jumwinga, je ikwendeka kuvanu, avagenda mumo, mwe akulye. Joh. 4, 44.

²⁵ Ndikuvalongela idza ndakyene unene nditigila: vali volofu avadala avafwile muvakina-Jisilahele pala pamwâka gwa muvidzi Elija, pala kukyâńa pe kwadindilwe imyâka gidatu nimyêdzi mutanda, neke nilipunge ligwidzage ińi jonda. Jak. 5, 17.

²⁶ Neke lino Nguluvi asimutumile Elija kwa munu ujungi, hamu, amutu-mile ku-Salipata, ku-ńi ja mu-Sidonija, kwa mudala umufwile uva mumo.

²⁷ Neke navańa-fińa-muvili vali volofu pamwâka gula, gwe ali muvidzi Elisa. Neke lino asatelye jungi uva mumo, ju Najemana, umu-Sili, je mwene je atelye jujo.

²⁸ Neke baho vonda, avali muluholanilo neke linukage iligoga mbandu, vavye vapulike idzi, dze alongaga.

²⁹ Neke baho vimage neke vamudagilage kwivala lya kâja neke vamuhelelage nave kwigema lya kadunda, pe vadzengye baho nikâja janavo neke vagane vamusuṅilidze.

³⁰ Neke umwene neke ahumanidzage pagati pa pavo neke ahelelage hela.

³¹ Neke baho asulunu-kilage ukuhelela mu-Kapelenahumu, mukâja jimwi ija mu-Galilaja neke avadalikilage inôngwa pańwabaha. Mat. 4, 13; Joh. 2, 12.

³² Neke baho dzivavonage mbandu munumbula inôngwa, dze avadalikilaga, pakuva umwene avonekaga ukuva muńa-vutavulilwe jujo. Mat. 7, 28. 29; Joh. 7, 46.

³³ Neke lino mumo muluholanilo mwe ali umunu jumwi umuńa-mubepo gwa mudemono umulamafu. Neke je akutage ilidzwi ilivina neke atigilage:

³⁴ He! Tuli vuki nafwe naveve, ve Jesu va mu-Nasalete? Vwadzile mukututipula hela? Unene ndikudzelye, uveve uli mwîmike va Nguluvi.

³⁵ Neke umwene Jesu akabusage atigilage: katuka! uhume na kwa munu uju! Neke baho umubepo umukali neke gumuto-vehedzage umunu jujo pagati pakipuga neke guhumage kindzila-kumulemadza nambi padôdo.

³⁶ Neke baho ilitulo livagwilage avanu vonda neke vīvudzage vatigilage: lye lidzwi liki ili? Pakuva imibepo imilamafu ikugikabusa ilya vutwa nuvuńa-ngufu swe neke igyene gihuma hela.

³⁷ Neke baho umwene neke apulisage mukâja dzonda idza mu-ńi, ijafudike.

³⁸ Neke baho ahumage muluholanilo lulo neke akingilage muńumba ja Simono. Neke akavonage umukwive va Simono umukidala ali nimungo ingomi mbandu. Neke baho vamuvudzage vatigilage: tugitage nave ndavuli?

³⁹ Neke baho umwene amugundamilage neke akabusage kumungo neke baho jimulekage. Neke baho umwene umukiṅinavo imilage ṅani neke avalimilage.

⁴⁰ Neke lino baho, livye lisota ilidzuva, neke vonda, avali na vatamwatamwa nifitamwa fyonda hela, neke baho vavaletage ukwakwe. Neke baho umwene neke avavikage amavoko gakwe, na jula mwene na jula mwene, neke avapumunusage.

⁴¹ Neke na vademono avalamafu neke valokage muvanu avolofu neke vakutage neke vatigilage: uveve uli muswamuve va Nguluvi. Neke umwene akabusage atigilage: mutane ukundonga ukuta mundzelye ukuta unene ndi Kilisiti. Mat 8, 29; Mal. 3, 11. 12.

⁴² Kuvye kwikya ulwa milavo, neke baho Jesu image neke ahelelage kuluṅalaṅala. Neke baho avanu ililugu lyonda neke vamusakulage neke vakafikage ukwakwe, neke baho avene vatigye tumupiluse, atane ukuhega umwesu muno.

⁴³ Neke umwene avalongelage atigilage: ilyevangeli lya vutwa vwa Nguluvi ili ndi muńa-kulipulisa na ku kungi konda. Pakuva lye lyene lye nditumilwe, 8, 1.

⁴⁴ Neke baho adzilongage inôngwa monda muńolanilo idza mu-ńi ja mu-Judaja. Mat. 4, 23.