Luka 3 - Itesamende Imya

¹ Ukesale Tibeli avye atemile imyâka mińikyumi na gihanu (15), Pondo Pilata pe mundzagila mu-ńi mu-Judaja, Helodo pe atemile mu-Galilaja, pe na ju Filipi, umunuṅuve, vamutemidze na mu-Itu-laja na mumagola ga mu-Talakoniti, na ju Lusanija pe atemile mu-Abilene,

² va-Hana na va-Kajifwa pe vali ve vatekedzi avavina, neke baho limufikage Johana umwa-Sakalija ilidzwi lya Nguluvi, neke limuvonelage mumo, mwe ikalaga muluṅalaṅala.

³ Neke baho umwene ahelelage mu-ńi jonda, iji-fudike kululenga Jolodana neke avadalikilage uludzabiko lwa kupituka, ululungamye kuvuvodzo vwa ndzanangifu.

⁴ Ndevye dzandikwe muhâte ja madzwi ga Jisaja umuvidzi, pe atigilaga: „ilidzwi lya muńa-kuda-lika lili muluṅalaṅala, litigila: munodzage niṅasi ja mutwa, mukondzage namakasi gakwe, agato-tile.

⁵ Utukoga tonda tusilwage nifidunda fyonda nifi-gima fyonda fiteluswage nuvubidamafu vonda vugoloswe nutugima tuhambukage ngita likasi ilitelefu.

⁶ Vonda avanu valavu-vona uvupoki.“

⁷ Neke baho avalongelage avanu ifipuga, avadzaga ukwakwe mukudza-bikwa neke atigilage: ńe kipelela kya ndzok’ańe, je nani j’avalongye uńeńe ukuta mulapona iṅaladzi idzikwadza? Mat. 23, 33.

⁸ Muvelekage ifipeke, ifinoganila nukupituka. Mwilembage ukwamula ulungi ulwa kwilondza mwileme ukuta: unefwe tuli nuda-disu Abalahama; pakuva unene ndikuvavula nditigila: Nguluvi asilemwa ukumuhambuhidza ama-ganga aga Abalahama, vavedzage vâna vakwe.

⁹ Na ji nginda najo jili pasi pamidela gya mibiki. Gyonda imibiki, igisive-leka utupeke utunofu, gi-ladumulwa gilasopwa kumôto.

¹⁰ Neke baho ililugu lya vanu vonda neke limuvu-dzage neke litigilage: lino tugitage ndavuli?

¹¹ Neke umwene avalongelage atigilage: je ali nisopeka dzivili, ijingi apelage numujagwe, je asili najo isopeka. Neke na je i nafyo ifilyo, nave agitage ndeni.

¹² Neke vahelelage na vahakipembe navo muku-dzabikwa, navo neke vamuvudzage vatigilage: ve mwiganidzi, lino unefwe tugitage ndavuli?

¹³ Neke umwene avalongelage atigilage: pakulundasa ifya kodi mutane ukudzufya pa fye asivalagye munu.

¹⁴ Neke vamuvudzage navasilikali vatigilage: Neke unefwe tugitage ndavuli? Neke umwene avalongelage navo atigilage: ifya vanu mutane ukuhofya ifya luhogohedzo, mubihile nukugoma; mwisikilage lu luhombo lweńo.

¹⁵ Neke baho avonage avanu vimańagidza, vonda vakumuganisa u-Johana munumbula dzanavo, nde je Kilisiti. Joh. 1, 19-28.

¹⁶ Neke baho avalongelage vonda neke atigilage: ndi va kiki unene, je ndikuvadzabikila lu lulenga lwene. Ikwadza umwene, je alutye ingufu ukwangu, je mwene uńene je ndisivagye nukuvopola utukova twa ndatu dzakwe. Neke je mwene, je aladzabikila mu-Mubepo umwîmike na mumôto.

¹⁷ Je akolelye nulupe-telo mumavoko gakwe, alafyagila paluvuga lwakwe, uvuledzi vwakwe alavuvika mukisandzi kyakwe, ugwene umwelelo alagusopa mumôto, ugu-sidzima ponu.

¹⁸ Neke avavulage ndeni avanu ilyevangeli neke avavungage nidzingi indzolofu.

¹⁹ Neke umwene Helodo umutwa neke nave avu-ngwage kwa Johana panôngwa ja Helodija, umudala va munuṅuve, uva Filipi; neke amuvungage nidzingi dzonda imbîfu, dze anguiaga Helodo neke dzimugomage. Mat. 14, 3. 4; Mal. 6, 17. 18.

²⁰ Neke baho umwene pamalanga gakwe neke agelekage nidza kumudi-ndila Johana muńumba indinde. 21. 22; Mat. 3, 13-17; Mal. 1, 9-11; Joh. 1, 32.

²¹ Neke lino baho , vavye vadzabikwe vonda, pe idzabikwa na ju Jesu, pe ali mukulapangila, neke baho kudindukage na kukyâna.

²² Neke baho u-Mubepo ahumage kukyâna neke asulunukilage kwa mwene mumihwanile gya ngundya. Neke na li lidzwi lihumage kukyâńa neke litigilage: ve muswamu-vangu uveve, ve mwênde vangujuve, je ndikukelye. 9, 35.

²³ Neke umwene Jesu, pe amulaga amalimo gakwe, agonile imyâka makyumi gadatu, neke ata-mbulikage ukuta je muswamuve va Josefe, umwene ali mwa-Eli,

²⁴ mwa-Matata, mwa-Levi, mwa-Meleke, mwa-Jana, mwa-Josefe,

²⁵ mwa-Matatija, mwa-Amoso, mwa-Nahumu, mwa-Esele, mwa-Nagaja,

²⁶ mwa-Mahata, mwa-Matatiji, mwa-Semeje, mwa-Joseke, mwa-Juda,

²⁷ mwa-Johana, mwa-Lesa, mwa-Dzolobabele, mwa-Salatijele, mwa-Nele,

²⁸ mwa-Meleke, mwa-Ade, mwa-Kosama, mwa-Elemadama, mwa-Ele,

²⁹ mwa-Jesu, mwa-Elijesele, mwa-Jolimi, mwa-Matata, mwa-Levi,

³⁰ mwa-Simejono, mwa-Juda, mwa-Josefe, mwa-Jonama, mwa-Elijakimi,

³¹ mwa-Meleja, mwa-Mena, mwa-Matata, mwa-Natama, mwa-Davidi,

³² mwa-Jese, mwa-Obede, mwa-Bohasa, mwa-Sala, mwa-Nahasono,

³³ mwa-Aminadaba, mwa-Adami, mwa-Alani, mwa-Eselomo, mwa-Pelese, mwa-Juda,

³⁴ mwa-Jakovo, mwa-Jidzikaka, mwa-Abalahama, mwa-Tala, mwa-Nakolo,

³⁵ mwa-Seluku, mwa-Lagahu, mwa-Paleke, mwa-Ebele, mwa-Sala,

³⁶ mwa-Kajinama, mwa-Alapasada, mwa-Seme, mwa-Nwaka, mwa-Lameke,

³⁷ mwa-Matusala, mwa-Enoko, mwa-Jalete, mwa-Malelejele, mwa-Kajinana,

³⁸ mwa-Enoso, mwa-Sete, mwa-Adama, mwa-Nguluvi.