Luka 24 - Itesamende Imya

¹ Neke lino pakigono ikilongodzi kya mulungu neke baho vahumilage ińa-vambula pakuhelela kumombwe, neke vańamulage nimihandzo, gye vavujipe.

² Neke vakavonage iliganga libilwike pamombwe.

³ Neke baho vingilage mumombwe neke vavonage umufimba gwa Jesu, ugwa mutwa, si moguli.

⁴ Neke lino baho, avene pe vakagahye hela pa idzi, neke baho vavonage hava avagosi vavili vimile baho, vafwete imyênda igiṅalita.

⁵ Neke baho avene neke vogopage mbandu neke vagundamidzage amîho; neke baho avagosi vala neke valongage vatigilage: umûmi je mwene je mukumusakula muvafwe muno?

⁶ Asi mwali muno, adzulubwike. Uńeńe muku-mbukage dzila, dze avalongelaga, kyali ave mu-Galilaja,

⁷ dzila dze atigilaga: umwâna va munu muńa-kusutulilwa mumavoko ga vahosi, muńa-kutovelelwa pakipindulihidzo, kangi pakigono kya vudatu apo aladzulubuka. Mat. 17, 22. 23.

⁸ Neke baho avakiṅinavo neke vagakumbukage amadzwi, ge alongile.

⁹ Neke lino vavye vapilwike kumombwe, neke baho vagotolage dzonda idzi kuvańikyumi na jumwi na kuvangi vonda.

¹⁰ Neke avene avakiṅinavo ava vali va-Malija umu-Magadala na Johana na Malija, uṅina va Jakovo. Neke vadzigotolage kuv-Apositili idzi. 8, 2. 3.

¹¹ Neke kuvene amadzwi aga gali ngita ndano, vasagafuvwaga nda.

¹² [Neke baho umwene Petele neke image neke ańilage hela pakuhelela kumombwe. Neke ago-ndamage neke avonage mogili gi myênda gyene imivalafu, gye vamusilye. Neke baho apilukilage kukâja neke adzumangage hela inôngwa idzi, idza-vonike.]

¹³ Neke ikigono kikyo avajanavo vavili vahumile mu-Jelusaleme neke valungamilage kukâja, je vitigila Emahusu ilitavwa, vagendaga iṅasi ińa-mbala makyumi mutanda.

¹⁴ Neke pe vigenda, neke valonganage dzi nôngwa, idzikavonike.

¹⁵ Neke lino vavye vakudzilonga ndesi, pe vikwidiṅana ukulonga, neke baho vavonage huju Jesu nave ahegelye fili muku-gendasa. Mat. 18, 20.

¹⁶ Neke lino agene amîho ganavo gasikilwe neke vatanage ukumukagula umwene nambi.

¹⁷ Neke umwene avavudzage atigilage: ge madzwi maki, ge mwikwi-dińana pakulonga, pele mugenda? Neke baho vimage vagigivye.

¹⁸ Neke lino baho apilusage jumwi, je ali je Kelehopa ilitavwa, neke atigilage: vwi mugendzi juve hela vwijena mu-Jelusaleme, je usidzidzelye, idzivonike muno ifigono ifi?

¹⁹ Neke umwene atigilage: dzilikwi? Neke avene vamulongelage vatigilage: idza Jesu uva mu-Nasalete, je ali munu umuvidzi, je akadzelike na kwa Nguluvi na kuvanu, ukuta mu-ńa-ngufu na mu dze alimaga na mu dze alongaga. Mat. 21, 11.

²⁰ Neke lino navatekedzi avavina navandzagila visu neke vamusutulilage kuvańa-kumukĕlela nukufwa nukutovelelwa pakipindulihidzo.

²¹ Neke lino unefwe twahuvilaga ukuta je mwene je ikŏla mukumukombodza u-Jisilahele. Napo nde tuhodzage dzonda idzi neṅuli ahwe ifigono fidatu pamivalile ukuhuma, pe dzavonekelaga. Apos. 1, 6.

²² Neke lino kangi vatutinwise navakiṅinavo avańa-visu. Vavye vilavile kumombwe, v. 1-11.

²³ vadzilemilwe pakuguvona umufimba, vavye vadzipilwike neke vatigilage: tuguvwene numwitu ugwa vańa-mwandza, avitigila umwene mûmi.

²⁴ Neke baho vahelelage navajisu vamwi kuko kumombwe neke vakavonage dzili ndesi, mwe vakahahye avakiṅinavo, neke umwene vasikamuvwene. v. 12; Joh. 20, 3-10.

²⁵ Neke baho umwene neke alongage navo neke atigilage: hê! vwevundzilaluhala vuki uńeńe, vwe vujōgōlo vwa numbula vuki pakudzifuvwa dzonda, dze valongile avavidzi!

²⁶ Asali, va kupumuka Kilisiti neke ingilage kundolo dzakwe?

²⁷ Neke baho ahumage navo pa-Mose na pavavidzi vonda neke avaganulilage dzonda idza pahâte, idzalungamilaga ukwakwe.

²⁸ Neke lino vavye vadzifike kukâja, je vagulwime, neke baho umwene avedzage nde idzumbanidza.

²⁹ Neke baho avene neke vamudedevage neke vatigilage: ungagonedza baha, pakuva lino vuhwe na li lidzuva lidetemye. Neke baho ingilage muńumba mukwikala navo.

³⁰ Neke lino, avye ikalile navo pakulya, neke baho inulage uvugali neke ahongedzage neke ameguliṅasage neke avapelage. 22, 19.

³¹ Neke baho amîho ganavo gadindukilage baho neke vamukagulage. Neke lino umwene avajaganikilage.

³² Neke avene vilondzage neke vatigilage: lwe lwene lwe dzikipya inumbula dzesu mugati, avye akutulongela unefwe muṅasi, pe avye akutuganulila nidza pahâte.

³³ Neke baho vimilage isala jijo neke vapilukilage mu-Jelusaleme. Neke vakavonage valundine avańikyumi na jumwi navajanavo, ve vali navo.

³⁴ Neke vatigilage: adzulubwike umutwa ndakyene, ivonesidze na kwa Simono. 1. Kol. 15, 4. 5.

³⁵ Neke navo vavadzovelage idza muṅasi na mwe vamukagulilaga, pe ameguliṅasaga uvugali.

³⁶ Neke lino vavye vali mukulonga idzi, na ju mwene ve imile pagati apanavo [neke atigilage: ulutengamaso luvedzage nańe!]

³⁷ Neke baho vatinukage neke livagwilage nilitulo, pakuva avene vatigilaga: vona tulivwene limulungu. Mat. 14, 26.

³⁸ Neke baho avavudzage atigilage mwikuvila kiki namahodzo mwikwinusa ga kiki munumbula?

³⁹ Mulole namavoko namagulu, ukuta je nene ndakyene. Mundzambalage neke muluvonage ukuta ilimulungu lisi na muvili, lisi na fidzege, ndevye mukumbona unene ukuva nafyo.

⁴⁰ [Neke lino, avye alu-longile ulu, neke avahufyage namavoko namagulu.]

⁴¹ Neke lino tândi avene, pe vave vlbedela mulukēlo, pe vidzumanga hela, neke baho atigilage: mwi nafyo fimwi ifya kulya apa?

⁴² Neke baho vamupelage ikipidza kya somba iṅalange. Joh. 21, 10.

⁴³ Neke baho umwene neke inulage neke alidzage, pe vilolēla.

⁴⁴ Neke baho avalongelage atigilage: idzene idzi dze ndzovo dzila, dze ndavalongelaga, kyali tuli pamwi najune, dzila dze ndatigilaga: dzińa-kwapulilwa dzonda, idziku-ndonga unene, idzolilwe na mumilagililwe gya Mose na kuvavidzi na muhâte dza ndzimbililo. 9, 22; 18, 31-33; v. 27.

⁴⁵ Neke baho avateme-hedzage uluhala ulwa kudzikagulila ihâte.

⁴⁶ Neke avalongelage ulwandikwe ulwitigila: Kilisiti alavedza muńa-kupumuka nukudzulubuka ulwa vudatu kuvafwe.

⁴⁷ Neke dzilavedza dzińa-kudalikilwa mwitavwa lyakwe idzakuta: mupelage mupitukage, apo mulavodzwa indzanangifu dzeńo neke mulahuma nadzo ku-Jelusaleme,

⁴⁸ pakudzolela dzonda idzi.

⁴⁹ Neke lolage, unene ndilavatumila uluhuvidzo lwa dâda. Neke lino uńeńe mwikalage mu mukâ-ja mu-Jelusaleme muno, ukufika pa pakigono, kye ndilavafwikila ingufu dza kukyâńa. Joh. 15, 26; 16, 7; Apos. 1, 4.

⁵⁰ Neke baho ahumage navo neke alungamilage ku-Betanija. Neke baho inamulage amavoko gakwe neke avapogolage.

⁵¹ Neke lino avye ali mukuvapogola, neke baho avalekage [neke inuswage kukyâńa.

⁵² Neke baho avene neke vagondamidzage.] Neke baho vapilukilage mu-Jelusaleme, ve vakêlye mbandu.

⁵³ Mbêpali vahwedzaga mu mutembele neke vamulumbage Nguluvi.