Luka 23 - Itesamende Imya

¹ Neke baho vajandzamukage vonda hela, ndevye vali, neke vamuhelelage nave kwa Pilata.

² Neke kwe vakakôle mukutovelela neke vakatigilage: umunu uju tuvwene ikuvajadza avanu ikipelela kyesu, ikuvaka-nidza nukuta mutane ukumutovela ikodi u-Kesale, itigila: je nene, nde Kilisiti, nde muńa-vutwa june. 20, 25.

³ Neke umwene Pilata neke amuvudzage atigilage: vwi mutwa va va-Juda uveve? Neke umwene apilusage atigilage: ena, je nene.

⁴ Neke baho Pilata neke avalongelage navatekedzi avavina navanu vonda neke atigilage: unene kwa munu uju sindikujivona inôngwa nambi jimwi.

⁵ Neke baho avene vadadambalilage pakumu-londza neke vatigilage: ikuvagalusa muno avanu, pe ikuvadalikila inôngwa dzakwe ponda pa-Judaja, amulye mu-Galilaja ukufika muno.

⁶ Umwene Pilata, avye apulike vitigila: „Galilaja“ neke baho atigilage: ńe va, humbi va mu-Galilaja umunu uju?

⁷ Neke lino, pe apulike ukuta ahumile muvutwa vwa Helodo, neke baho amutumage kwa Helodo. Pakuva nave pafigono fifyo ali mu-Jelusaleme. 3, 1.

⁸ Neke umwene Helodo, avye amuvwene Jesu, neke akēlage mbandu; avwene ali nalo katali ulwa kutigila: ndimukagulage, pakuva apulike indzolofu, dze ahahilwaga kuvanu, kangi ahuvilaga nukuta: ene vuli akumbonehedzaga najune kamwi akalŏle. 9, 9.

⁹ Neke amuvudzage amadzwi amolofu; umwene nambi ukumupiluhidza ilidzwi nambi limwi.

¹⁰ Navatekedzi avavina navakagulihâte navo vali baho neke vagimbage pakutovelela.

¹¹ Neke lino ava Helodo navańikongo vakwe neke vamulangapalilage neke vamujejeledzage; neke baho vamufwikage umwênda, ugwaṅalagadikaga mbandu uvuvalafu, neke baho vamupiluhidzage ku kwa Pilata.

¹² Neke baho na Pilata na Helodo neke vadzelanage pakigono kikyo, ndivwene vali vukava pamwandi.

¹³ Neke baho u-Pilata avalundasage avatekedzi avavina navandzagila na va vanu vonda hela,

¹⁴ neke avalongelage neke atigilage: mulolage, mundetye umunu uju, mutigye ikuvagalusa avanu. Neke lino unene ndimu-higile baha vulolela najuńeńe, neke unene sindi-kujivona inôngwa ukwakwe, je mukumutovelela umunu uju uńeńe.

¹⁵ Na ju Helodo nave alemilwe, ndivwene atupilubidze jufwe kangi. Neke lolage, asihokile inôngwa ja kufwila nda.

¹⁶ Neke lino nditigila ndikumutova neke ndiku-muvopola.

¹⁷ [Neke lino pali poluli ulwîmbo lwa pakyâka, ulwa kuvāvulila umunu jumwi uva pańololo.]

¹⁸ Neke avene vajojelage pamwinga vonda neke vatigilage: umujadzage juju uju, utuvopolelage ju Balaba.

¹⁹ Neke umwene lwe ingiiye muńumba ja vańa-ńololo, agalwike mukâja, akomile na ju munu.

²⁰ Neke umwene Pilata neke avwilage kangi ukulonga navo, pakuva atigilaga ndimwavulage Jesu.

²¹ Neke avene vamwaṅage hela neke vatigilage: umutovelage pakipindulihidzo!

²² Neke umwene avwilage ulwa vudatu neke atigilage: ahokile lulikwi uluvîfu lino? Unene sindijivwene inôngwa ija kumuvulagila. Neke lino ndikumutova hela, apo swêla ndikumwāvulaga.

²³ Neke baho avene neke vamoveledzage mbandu neke vatigilage: umutovelage pakipindulihidzo! Neke lino baho umwango gwanavo neke gumusumage.

²⁴ Neke baho Pilata akĕlage atigilage: lugendelage pa lwe vagulwime.

²⁵ Neke baho avâvulilage, je vańilike va vene, je vamusopye muńololo uvugalusi nuvuvuladzi, neke lino umwene Jesu avatavulilage ukuta: mumugitage lwe mukêlye.

²⁶ Neke lino baho Jesu, vavye vikumuhelela nave, neke baho vamwibatage umunu jumwi, u-Simono uva mu-Kilene, je ahumile kuvulime vwakwe. Neke je vamutwikage ikipindulihidzo neke vatigilage umuńamulilage umuninilage nakyo u-Jesu. Mat. 27, 32; Mal. 15, 21.

²⁷ Neke vaninilage avanu ililugu lyonda navakiṅinavo ṅani neke ve vamulŏgōtĕlelage neke vahandze nukumuhugumilila.

²⁸ Neke umwene Jesu neke avasedukilage neke atigilage: ńe valive va Jelusalem’ańe, mutane ukumbembela unene, mwive-mbelage mwivene muva-vembelage na vâna veńo juńe.

²⁹ Mulolage pakuva filadza ifyene ifigono, apo valatigila: vali kitendileme avagumba navańa-mivili, igisina gibaba ponu navańa-ndzońelo, idzisina dzońwa. 21, 23.

³⁰ Pakigono kikyo vala-kola mukulonga nakufidunda valatigila: mutu-gemukilage, nakufitanana mutugubikilage. Luv. 6, 16; 9, 6.

³¹ Pakuva ngana vigita-vo kulusagalauludodi, apo ulusagala ulugâmu vala-gita nalo lwavuli? 1. Pet. 4, 17.

³² Neke vavahelelage navo navahosi avangi vavili, avakuvahandza pamwi numwene ukuvulaga.

³³ Neke lino, vavye vadzifike baho, pe vitigila pe paluṅala, neke baho vavatovelelage pafipindu-lihidzo fyanavo na jujo navahosi, ujungi neke vamutovelelage kwivoko ilya ndyo, ujungi ku lya ṅigi.

³⁴ [Neke baho umwene Jesu neke atigilage: uvavodzage, ve dâda, ndivwene vasīvwene lwe vakululima.] Neke baho vasolanilage ulwa kugavanila imyênda gyakwe. Mat. 5, 44.

³⁵ Neke avene avanu neke navo vavedzage baho mukwilolela. Neke na va vakomi navo neke vamusenulage vatigilage: avangi akikuvapoka, ka lino ali na kiki ukwipoka na ju mwene, ngana je Kilisiti va Nguluvi, ngana je muhagulwa?

³⁶ Neke navasilikali neke navo vamujoveledzage neke vahegēledzage nululenga uluńa-mudzadzu, lwe vamuńamulye

³⁷ neke vatigilage: ngana uli mutwa va va-Juda, ka ungipoka juve!

³⁸ Neke na vu vwândike ńani vwali povuli pakyâńa uvwa kuta: „uju je mutwa va va-Juda.“

³⁹ Neke na va vahosi, avatovelilwe ujungi neke amulongage fivi neke atigilage: usili vwi Kilisiti uveve? Ungipoka vwijena neke utupoke najufwe.

⁴⁰ Neke amubigage ujungi umujagwe neke amukabusage atigilage: najuve usikumogopa nambi u-Nguluvi? Pakuva ukĕ-lelilwe lumwi nave.

⁴¹ Neke lino unefwe vatukĕlye mwe mwene, ndivwene twanukye fi fitegine namalimo gesu, ge twalimaga, neke lino uju asilimile, uluhenile nda.

⁴² Neke atigilage: ve Jesu, uṅumbukage, pe vwingye muvutwa vwako. Mat. 16, 28.

⁴³ Neke umwene atigilage: ndakyene unene ndikukulongela nditigila: neṅuli twivedza pamwinga mumugunda Edene.

⁴⁴ Neke jafikile isala ja mutanda, neke baho ikîsi kigwidzage ińi jonda neke kifikage pasala ja igôndza.

⁴⁵ Na li lidzuva neke nalyo litilivalage, na li libupa lya kyânga kya tembele neke nalyo lidemukage pagatinapagati.

⁴⁶ Neke baho Jesu akûtage ilidzwi ilivina neke atigilage: ve dâda, umubepo gwangu ndikuguvîka mumavoko gako. Neke lino, avye alulongile ulu, neke baho gudumukage. Apos. 7, 58.

⁴⁷ Neke umwene umuńa-kipuga, avye adzivwene idzi, neke baho alumbage kwa Nguluvi atigilage: ndakyene umunu uju aka mugolofu.

⁴⁸ Neke vonda avanu, avalundanye baho mukwilolela, neke pe vavye vadzivwene idzi, neke baho vitovage kumambaga neke baho vagomokelage kukâja janavo.

⁴⁹ Neke navadzāla vakwe navo vadandamye patali, navakiṅinavo, avamuninilaga ukuhuma mu-Galilaja, neke vonda vadzilolage idzi. 8, 2.

⁵⁰ Neke baho vavonage huju umugosi, ilitavwa lyakwe ali je Josefe, umundzagila va nôngwa, umunu umunofu umugolofu.

⁵¹ Umwene asadzidike na dze vadzivonye ńani avajagwe na dze valimaga. Ali muhuma-mu-Alimatija, mukâja ja va-Juda. Ahuvilaga nave uvutwa vwa Nguluvi. 2, 25. 38.

⁵² Neke je ahelelage kwa Pilata neke aguńilikage umufimba gwa Jesu.

⁵³ Neke baho agutumbu-kulage neke agunyengage numwênda umwêlu neke akaguvikage mumombwe, je vahongwe mulutālâvwe, je vasana vamusila munu nambi ponu.

⁵⁴ Neke kyali kigono kya kwivujapila neke nińwabaha pe jikwamulwa.

⁵⁵ Neke avene avakiṅinavo, ve fyadzise ukuhuma mu-Galilaja, neke navo vamuninilage neke vajivonage na ji mombwe na gu muvili gwakwe pakuguvīka. v. 49.

⁵⁶ Neke vavye vagomwike kukâja neke vakavujapage imigoda nimono ja mila. Neke lino pańwabaha neke vahwedzage ndesi, ndevye dzalagye indagi.