Luka 22 - Itesamende Imya

¹ Neke lino ikyene ikyâka kya vugali uvundzila-luhâfu, kyê vitigila pasa ilitavwa, kyahegelye.

² Neke avene avatekedzi avavina navakagulihâte neke vasakulage imivulagile neke vatigilage: ino twigita va ndavuli? Vavwene vavogo-paga avanu. 20, 19.

³ Neke lino umwene Setano ujo amwingye ju Juda, u-Isikalyoto ilitavwa, je ali va pikyumi navavili. Joh. 13, 2. 27.

⁴ Neke je ahelelage kuvatekedzi avakomi na kuvalinda-tembele neke alongage navo ulwa kuva-sutulila u-Jesu.

⁵ Neke baho avene vakēlage neke vidiṅanage nimâli ija kumupēla.

⁶ Neke baho umwene neke idikage. Neke baho umwene neke asakulage apanofu apakuvasutulila apandzila-migalukile gya vanu.

⁷ Neke baho ikigono kya vugali uvundzila-luhâfu neke kifikage ikyakuhi-ndzila nakakolo ka pasa.

⁸ Neke baho Jesu avatumage nu-Petele na Johana neke atigilage: muhelelage mukavujape akakolo ka pasa, tulidzage.

⁹ Neke avene vatigilage: uveve utigye tuvujapilage pi?

¹⁰ Neke umwene avalongelage neke atigilage: mulolage, ngana mudzi-kwingila mukâja jila, apo mudzitaṅanika numunu, j’itwikile ikidzilo kya lulenga. Je mukamuninilage jujo ukufika kuńumba, je idzikwingila umwene.

¹¹ Neke mukalongane numauńa-ńumba jijo mukatigilage: umululema akukulongela itigila: ińumba ija kulila akakolo ka pasa najune navańigendwa vangu, je jilikwi?

¹² Apo mudzivona akuvalaga ińumba ija kukâno ingomi inofu, je valile namatefu. Mwe mukavuja-page mumo akakolo ka pasa.

¹³ Neke lino baho vahelelage neke vakavonage ndesi, ndevye avalongye. Neke baho vavujapage akakolo ka pasa. 19, 32.

¹⁴ Neke lino baho jivye jifike isala ja kulila neke baho akoṅomalage mukulya nav-Apositili vakwe.

¹⁵ Neke baho avalongelage neke atigilage: Ngasukilwe sikusukwa, pakuta tuhange pamwinga twivonda pakulya pasa najune nańe, kyali ndave mulupumuko.

¹⁶ Ndivwene unene ndikuvalongela nditigila: sindilavuja mbwile kangi ukujilya ipasa iji ukufika bahe ndilava ndikujidu-mihidza muvutwa vwa Nguluvi. 13, 29.

¹⁷ Neke baho inulage ikińwelo neke ahonge-dzage neke atigilage: kote, mugavanage ikińwelo iki.

¹⁸ Ndivwene ndikuvalongela unene nditigila: ukuhuma ku neṅuli sindilavuja mbwile kangi ukuvuńwa uvwa meke dza vutoṅoni uvu ukufika bahe vuladzila uvutwa vwa Nguluvi.

¹⁹ Neke baho inulage uvugali neke ahongedzage neke ameguliṅasage neke avapelage neke atigilage: uvwene uvu gwe muvili gwangu gwe mupelilwe, ulwene ulu mulugitage ndesi, luvedzage lwa kundzivukila june. 1. Kol. 11, 23-25.

²⁰ Na ki kińwelo nakyo akigita nakyo ndesi, pe valye, neke atigilage: ikinwelo iki lwe lufingo ulwadzalino ulwa mudanda jangu, ijivitikye juńe.

²¹ Mulolage lino! Ilivoko lya muńa-kūsutulila unene nalyo ndili nalyo baha pakitala, kye twilila. Joh. 13, 21. 22.

²² Pakuva umwâna va munu ujo muńa-kuhelela ndesi, ndevye akĕlilwe. Neke lino iga umunu, je akumusutula!

²³ Neke baho vakŏle mukwivudza va vene, nde je nani vona muvene, je ikŏla mukudzigōla idzi.

²⁴ Neke baho vakanīṅanage nulukani va vene ulwa kuta: je alutye uvukomi avene, nde je nani. 9, 46.

²⁵ Neke umwene avalongelage neke atigilage: avatwa avapivala vakwi-temelehedza uvutwa neke avakuvaletela ingufu ve vene kangi vitambulwa ilya: Vutavudzi.

²⁶ Neke lino uńeńe mutane ukuva nalo ulu; nda hamu, uńeńe, je alutye uvukomi, avedzage ngita je munuńuvanavo neke umulongodzi avedzage ngita je mulimilavangi.

²⁷ Ndivwene alutye ani uvukomi na je akoṅomye pakulya na je ilimilavangi? Asilutye je akoṅomye? Neke unene ndili ngita mulimilavangi, ve tugenda nańe vuli. Joh. 13, 4-14.

²⁸ Neke uńeńe je ńeńe je mwadadambalye ukwangu, na pe ndagemwaga.

²⁹ Neke lino najune ndikuvagavila uvutwa uńeńe, ndevye angavye najune udâda uvutwa,

³⁰ ukuta najuńe twali tuhange muvutwa vwangu ukulya nukuńwa, ukuta najuńe mwali mwikale pafitêngo fya vutwa, ukuta mwali mufihige ifipelela ifińikyumi nafivili ifya vakina-Jisilahele. Mat. 19, 28.

³¹ (Neke umutwa atigilage;) ve Simono, ve Simono, ulolage, u-Setano avańilike uńeńe atigye avapē-te ngita vuledzi. 2. Kol. 2, 11.

³² Neke lino unene ndikulapangilye ukuta lutane ukujaganika ulufuvo lwako uveve. Neke ngana lusiku, ulava upitwike, apo vwali uvakangadzage na va vajago. Joh. 17, 11. 15. 20.

³³ Neke umwene Petele neke atigilage: ve mutw’ave, unene ndikadzile ve ndivujipe, nigye nde vavedzage vakukudindila muńumba ja vańańololo uveve, nde vavedzage vakukuvulaga, apo unene tulagendasa ndesi.

³⁴ Neke umwene atigilage: ulekage ndikulongelage unene, ve Petele, neṅuli pe na ji ndzogolo pe jave nukuvanga, apo uveve ukwangu ve vwikanile kadatu ukuta usindzelye unene.

³⁵ Neke baho atigilage: pala, pe ndavatumaga ilikasi lila, pala pe ndatigilaga, mutane ukwibata nakabukuli nakadŭlu nindātu, neke lino pene pala mwadagine ponu? Neke avene vatigilage: nambi! 9, 3.

³⁶ Neke avalongelage neke atigilage: neke lino je ali nakabogolo, ujo akafumbatidzage vunofu, na tu tudŭlu ndesi. Neke lino je asili nafyo, agudzage umwîngila gwakwe neke igulilage ikyûfya.

³⁷ Ndivwene unene ndikuvalongela nditigila: lińa-kwapulilwa apangu na li lidzwi ilyandikwe, ilitigila: „vamuhandzidze na vańa-kupunya.“ Ndivwene gonda amadzwi, aga-kundonga unene, gidudzwa lino.

³⁸ Neke baho avene neke vatigilage: ve mutw’ ave, ifyûfya nga hifi tuli nafyo fivili. Neke baho umwene atigilage: swêla tululeke.

³⁹ Neke baho ahumilage pivala neke alungamilage kukidunda ikimono, ndevye agitaga mbêpali. Neke avańigendwa vakwe vamuninilage. Joh. 18, 1.

⁴⁰ Neke lino, avye adzifike pakivungu neke baho avalongelage atigilage: mulapangilage ukuta ulugemyo lutane ukuva-gwila.

⁴¹ Neke baho umwene ikwegage ukwavo neke agelanihidzage nde luvala lwa kutodzehedza nde liganga nde. Neke baho agundamage pasi neke alapangilage

⁴² neke atigilage: ve dâda, nga ugulwime, apo uleke kidzumbe ikińwelo iki. Neke ulwene lutane ukugendela mwe ndikelye june, hamu, lugendelage mwe ukelye juve.

⁴³ [Neke baho amuvonekelage umuńa-mwandza va kukyâńa neke amuka-ngadzage ingufu.

⁴⁴ Neke pe gwikova, neke baho alukangadzage mbandu ulwa kulapangila. Neke baho na li lifŭke lyakwe pakutugutila neke livedzage ndavuli mudomo gwa danda pakudomola.]

⁴⁵ Neke baho image, pe amalile ukulapangila neke ahelelage kuvańigendwa vakwe neke avonage vagonelye itulo dza vuhuguvafu.

⁴⁶ Neke avalongelage atigilage: mwigonelela kiki itulo? Mulamuke mulapangilage, ukuta ulugemyo lutane ukuvagwila.

⁴⁷ Neke lino baho, pe ave ilonga, neke baho vavonage: hava avanu ililugu, huju na ju Juda, ali muvulongolo, ihegeledza kwa Jesu, itigila ndimu-nonele pamulomo.

⁴⁸ Neke umwene Jesu atigilage: ve Juda, vwigendela ulunonelo pakumusutula umwâna va munu?

⁴⁹ Neke lino avene, avali nu-Jesu, vavye valuvwene, mwe lugendye neke baho vatigilage: ve mutw’ ave, tuvahengage nifyûfya?

⁵⁰ Neke baho umujanavo ujungi neke amuhengage umuvanda va mutekedzi umuvina neke alihengage ilitwi lya ku ndyo.

⁵¹ Neke baho Jesu neke apilusage neke atigilage: mungandeka tândi, ka ulu! Neke baho amwabasage ilisikidza neke amunanyage.

⁵² Neke baho u-Jesu neke alongage navo avatekedzi avakomi navali-ndila-tembele navandzagila ikisina neke atigilage: inwalwike nde mukwibata umukufi! Mukolelye nifyûfya nisondza!

⁵³ Mbêpali pe twavedzasaga twivonda mutembele, ka musandzibataga kiki? Neke lino pakuva je sala jeńo iji, vwe vutavulilwe vwa mukîsi uvu. Joh. 7, 30; 8, 20.

⁵⁴ Neke baho vamwibatage neke vamuhelelage nave neke vakamwingilage nave muńumba ja mutekedzi umuvina. Neke lino u-Petele neke aninilage patali.

⁵⁵ Neke baho vakodzage umôto mwipāla neke baho fikalanilage; na ju Petele ahange baho.

⁵⁶ Neke baho umuvanda vanavo umukiṅinavo, pe amuvwene akoṅomye pamôto, neke baho amusimīlidzage pakumulola neke atigilage: na juju nave akali na jula.

⁵⁷ Neke umwene Petele neke akanage neke atigilage: sindimukagwe, ve mudal’ave.

⁵⁸ Pe vavye vikalile padebe, neke alongage ujungi umunu neke atigilage: uveve najuve uli mujanavo va vala. Neke umwene Petele atigilage: ve munw’ave, si je nene nda.

⁵⁹ Neke lino, jivye jidzumbile isala jimwi, neke aluginyage ujungi neke atigilage: ndakyene swe, na juju nave fikige-ndasa na jula, ndivwene mu-Galilaja.

⁶⁰ Neke umwene Petele atigilage: ve munw’ave, sindiludzelye na lwe vwilonga. Neke lino baho, na mulomo gula, avye ali mukulonga ndesi, neke baho indzogolo neke jivangage.

⁶¹ Neke baho umutwa aseduhidzage amîho kwa Petele neke amulavage. Neke baho u-Petele neke akumbukage ilidzwi, lye alongile umutwa, lye atigye: pe jave nindzogolo ukuvanga, apo uveve neṅuli ve vwikanile kadatu ukwangu. v. 34.

⁶² Neke baho ahumilage pivala neke avembage amohodzi amańa-mbafya.

⁶³ Neke lino avene avagosi, avamwibite Jesu, neke vamujejeledzage neke vamutovage.

⁶⁴ Neke vamufunikilage na kumîho neke lino vamuvudzage vatigilage: ongo lino, uvilage, je nani, j’aka mukukutova?

⁶⁵ Neke baho vamulongage fivi nidzingi indzolofu.

⁶⁶ Neke lino, kuvye kukye, neke baho vilundasage navandzagila avańa-kisina navatekedzi avavina navakagulihâte neke vamuhelelage nave kululundano lwa vahĭdzi. Neke baho vatigilage: ngana vwi Kilisiti juve, apo utulongelage. Joh. 18, 24.

⁶⁷ Neke umwene atigilage: nde ndikali ndiva-longelage, musikali mukufuvwa.

⁶⁸ Neke nde ndikali ndivavudzage, mukali muku-miluhidza, mukali muku-ńumusa?

⁶⁹ Neke lino lwihumaga kuneṅuli umwâna va munu imīkalile gya kwivoko ilya ndyo lya Nguluvi, umuńa-ngufu.

⁷⁰ Neke baho vonda vatigilage: humbi uli muswamuve va Nguluvi uveve? Neke umwene atigilage: ndevye mululo-ngile, je nene.

⁷¹ Neke baho avene neke vatigilage: pe tukatigye tusakulage dza kiki idzingi dza volesi, kuno twivonda tupulike, pe ilonga kumulomo.