Luka 21 - Itesamende Imya

¹ Neke baho Jesu avavonage avasafi, pe visopa pakihava ifyûma fyanavo ifya hongele.

² Neke amuvonage na ju mukiṅinavo umufwile umuhangala, neke nave asopage mumo utwa pavulingi tuvili.

³ Neke atigilage: ndakyene unene ndikuvalongela nditigila: umukińinavo umufwile umuhangala ujo avalutye vonda ukusopa. 2. Kol. 8, 12.

⁴ Ndivwene vonda pe visopa ifya kuhongehedza, vikwinula ifilemuka, neke lino umwene uju asopile ifya pavuhangala ifya pandzala jakwe.

⁵ Neke baho vamwinga pe vadzovaga idza tembele, pakuva vajinodzehidze namaganga amanofu nifitekele neke umwene atigilage:

⁶ dzonda idzi, dze mukudzilola lino, filadza ifigono, apo pehela iliganga, ililagelama pe liganga lijagwe ilindzila kumamulwa. 19, 44.

⁷ Neke avene vamuvudzage vatigilage: ve mwiganidzi, dze dzilavoneka ndali idzene idzi? Nikimańilo kye kilikwi kya kumańila ukuta dzikola mukwadza lino?

⁸ Neke umwene atigilage: mwilembage mula-jagwa. Ndivwene valadza avolofu, valimila pitavwa lyangu, valatigila je nene valatigila na gu mwâka gwadzile. Mwali mutane ukuvaninila.

⁹ Neke ngana mwali mupulike namagoha nikinga-lungalu, apo mwali mutane ukutinuka; ndivwene dze dzińa-kutala ukuvoneka dzidzo tândi, neke idzene idza kuvumalikililo pe dzave tândi.

¹⁰ Neke avalongelage atigilage: filagaluṅana kipelela na kipelela, vutwa na vutwa,

¹¹ filavedza pofili nifilindima ifikomi neke napala napala filavedza pofili lulogo nilipunge. Neke kukyâńa gilavoneka imitu igili vogopo nifilŏle ifivina.

¹² Neke lino pe dzave tândi ukufika idzi, apo uńeńe valavibata, valava-fwima, valavasutulila na kuńolanilo dzanavo na kuńumba dza vańa-ńololo, valavakŭlūnila na kuvatwa na kuvandzagila, pakuva uńeńe muli nilitavwa lyangu. 12, 11.

¹³ Neke idzi dzilavahulila uvolesi uńeńe.

¹⁴ Apo lino uńeńe luvedzage luvīkīlĕme ukuta tutane ukwiganya, nde tulapilusa lulikwi. Mat. 10, 19.

¹⁵ Ndivwene ndilavapela june numulomo nuluhala, valalemwa nukuga-lāmbuka nukupilusa vonda, avakuvafinga. Apos. 6, 10.

¹⁶ Neke lino uńeńe mulasutulwa ku kuvavaha veńo na kuvanakweńo na kuvańa-ṅolo veńo na kuvadzela veńo, neke uńeńe vamwi mulavulagwa nukuvulagwa.

¹⁷ Neke mulanuṅwa ku vonda, pakuva muli mwitavwa lyangu. Mat. 10, 21. 22.

¹⁸ Neke lino uńeńe na pamutwe gweńo lusilajaga nambi lufwili. 12, 7.

¹⁹ Neke lino uńeńe umutima mulagusavila muvwigugumldzo vweńo. Heb. 10, 36.

²⁰ Neke ngana mwali muvone ifipuga fya vatavangwa figomba ikâja Jelusaleme, apo pe mwali mulukagulage ukuta lino jikŏla mukufika imbala-ṅanilo.

²¹ Apo avagenda mu-Judaja vali vakimbililage kufidunda, neke na vagenda mumo, vali vahege, neke nava mufikâja vali vatane ukuhelela mukwingila mujene (ikaja ja Jelusaleme).

²² Pakuva filava fye figono fya liṅŏṅo nidzandikwe dzonda apo dzikwapulilwa baho.

²³ Neke iga avakiṅinavo avavaha pafigono fifyo na vikoṅeledza avâna, ndivwene valafwindiṅana mbandu jond’ińi, dzilavedza ṅaladzi ṅani idza kuvakalalila avanu ava.

²⁴ Valagwila muvûgi vwa kyûfya, valahelela vagalule kuvapivala vonda. Ikâja ja mu-Jelusaleme jilakańangwa kuvapivala mbêpali hela ukufika, pe gilava gikwapukila imyâka gya vapivala. Lom. 11, 25; Luv. 11, 2.

²⁵ Nifilŏle filavonekela na pidzuva na pamwêdzi na panondwe. Ava-pivala vulavagegejeka uvogofi, nińandza jilatipuka, jilaluluma.

²⁶ Avanu valafwila uvogofi nikindolela, kye vilolela idzilakŏla mukuvadzila; pakuva na dzi ngufu dza kukyâńa dzilahwadza.

²⁷ Neke baho valamuvona umwâna va munu, pe aladzila mwifunde ningufu nindolo indzolofu.

²⁸ Neke lino, nga mwali muvone dzamulilwe pakufika idzi, apo uńeńe mwali mugolondzokage, mwali mwinulage nimitwe, pakuva vulava vuhegelye uvuvangwa vweńo. Fil. 4, 4. 5.

²⁹ Neke baho avalongelage ulumańagidzo neke atigilage: mulolelage pamudzombe na pamabiki gonda.

³⁰ Nga galembulilwe neke mugavonage, apo mwikagula ukuta iminga jili pîpi.

³¹ Luli ndesi na juńeńe, ngana mwali mudzivone dzonda idzi, pe dzikwadza, apo mwali mukagulilage baho, ukuta uvutwa vwa Nguluvi vuli pîpi.

³² Ndakyene ndikuvavŭla, avanu avalino ava vasilajaga, pe dzisina dzivoneka idzene idzi.

³³ Ińi nija kukyâńa nija pasi dzilajaga, neke amadzwi gangu ago gasilajaga nambi. 16, 17.

³⁴ Neke lino mwilembage, mutane ukudzisidufihidza inumbula dzeńo mulujangijangi na mukugāla na mukwiganya kufinu ifya kwen’eńi kuno, apo kangi mulavona ifigono fivafikye kitamańa ngita lutego. Mal. 4, 19.

³⁵ Ndivwene dzilavafikila vonda avikalile kwidugulu lya ńi jonda. 1. Tes. 5, 3.

³⁶ Muvedzage mîho mulapangilage, ukuta najuńeńe mwali mukangadzwage ukunana padzonda, idzilavoneka, mwali mukanga-dzwage na pakwima kumîho ga mwâna va munu. Mal. 13, 33.

³⁷ Mbêpali pamûńi neke avadalikilage inôngwa mutembele avanu, neke lino pakilo ahelelaga mukugona pakidunda, kye vitigila ikimono ilitavwa.

³⁸ Neke vonda avanu vilāvage ku kwa mwene mukumupulihidza, dze alongaga mutembele.