Luka 20 - Itesamende Imya

¹ Neke lino baho pakigono ikingi, avye ali mukuvadalikila inôngwa avanu mutembele, pe ali mukuvadalikila ilyevangeli, neke baho vahegē-ledzage ukwakwe avatekedzi avavina navakagulihâte navandzagila ikisina

² neke valongage ukwakwe neke vatigilage: utulongelage, dze vwilima idzi, vwilimila muvutavulilwe vulikwi? Akupelye je nani uvutavulilwe uvu?

³ Neke umwene apilusage neke atigilage: muleke najune ndivavudzage ilidzwi limwi, na junene mundongelage.

⁴ Uludzabiko lwa Johana lwahumile kukyâńa, ene vuli lwahumile kuvanu?

⁵ Neke baho avene neke vilondzage va vene neke vakatigilage: ngana twitigila, lwahumile kukyâńa, apo alatigila: apo mwali nakiki ukumufuvwa?

⁶ Ngana twitigila, lubu-mile kuvanu hela, apo avanu vonda hela vakutu-takańula namaganga. Tuvwene avanu luvakolile ukuta Johana je muvidzi.

⁷ Neke vakapilusage vakatigilage: nda hamu, tusiludzelye, kwe lwahumile.

⁸ Neke baho u-Jesu atigilage: apo najune sindikuvavūla uvutavulilwe, vwe ndilimila.

⁹ Neke baho akôle mukuvalongela avanu ikimańagihidzo neke atigilage: umunu ogike uvutoṅoni neke avavīkage mumugunda avanu avańa-kuguli-mīlila neke ahegelage kungi ifilo ifyolofu.

¹⁰ Neke pavutuṅunilo vwa vutoṅoni neke baho amutumage umuvanda vakwe kuvańa-kugulimīlila umugunda gwakwe ukuta vamupelage tumwi utupeke twa mugunda gwa vutoṅoni. Neke avene avańa-kulimīlila vamutovage, vamudagage kitamupela kinu.

¹¹ Neke baho umwene avwilage ukumutuma ujungi umuvanda. Neke na jujo nave neke avene vamutovage neke vamuha-labusage neke vamudagage hela kindzila kumupela kinu.

¹² Neke avwilage neke amutumage uva vudatu. Neke na jujo nave neke vamulemadzage neke baho vamudagage.

¹³ Neke baho umuńa-mugunda gwa vutoṅoni neke atigilage: lino ndigitage ndavuli? Ndimutumage ju muswamuvangu umwênde; ene vuli valamogopa jujo.

¹⁴ Neke lino avene avańa-kulimīlila uvutoṅoni, vavye vamuvwene, neke vilondzage va vene neke vatigilage: je muńi-pwela lino uju, lino tumuvulagage, livelage lipwela lyesu jufwe.

¹⁵ Neke baho vamuhumyage mumugunda gwa vutoṅoni neke vakamuvu-lagilage kwivala. Neke lino umuńa-mugunda gwa vutoṅoni alagita navo ndavuli avanu evala?

¹⁶ Aladza neke alavavulaga avanu vala avalimī-lila-vutoṅoni. Neke ugwene umugunda gwa vutoṅoni alatavulila avanu avangi. Neke lino vavye vadzipulike idzi, neke vatigilage: ulo nda.

¹⁷ Neke umwene avalolelage neke atigilage: ino dziki idzandikwe idzitigi-la: „iliganga, ilisulilwe kuvadzenga-ńumba, lye lihambwike liganga lya pakipungu,

¹⁸ neke vonda, avigwila piganga ili, vikwibadzula, neke kangi je likumugwila li lyene, ujo lilamuta-kańula.“

¹⁹ Neke avene avatekedzi avakomi navakagulihâte neke vagane vamwibate isala jijo neke kangi vogopage kuvanu. Vavwene vakifikile ikihwananidzo kikyo ukuta akutuse-lengajufwe. 19, 48.

²⁰ Neke baho vamute-gedzage neke vamutumilage avatendegedzi neke vatigilage: mwifilage uvugolofu neke mumuda-dihidzage mwe dze ilonga neke tumusutulage kuvutwa na kumavoko ga guvaneli. 11, 54.

²¹ Neke lino vakamuvu-dzage neke vatigilage: ve mwiganidzi, tuvwene vwigolosa na pakulonga na pakuvulanidza nuvwi-mila-palukolo usili nalo, nda hamu, vwa vwivulanidza ukoluli iṅasi ja Nguluvi.

²² Neke lino twitigila: unefwe kunofu ukumutovela ikodi u-Kesale, ene vuli mwîko?

²³ Neke lino umwene neke avakagulage uvubanga vwanavo neke atigilage:

²⁴ muńufihidzage ulupija; neke lino atigilage: ino uluhwano ulu lwa ani? Nuvwândike uvuvwa ani? Neke vatigilage: vwa Kesale.

²⁵ Neke baho umwene avalongelage atigilage: apo humbi mumupelage u-Kesale ifya pavukesale vwakwe na ju Nguluvi nave mumupelage ifya pavunguluvi vwakwe.

²⁶ Neke baho valemwage amadzwi aga kumuja-dzihidza mumulomo, pe vipulika navanu, neke baho kivedzage kidzumo, lwe apilwise umwene neke baho vadzikage.

²⁷ Neke balio vahegēle-dzage ukwakwe vamwinga ava-Sadukaja, avikana ukuta ukudzulubuka sipwali j’aladzulubuka. Neke navo vamuvudzage vatigilage:

²⁸ ve mwiganidzi, u-Mose atwandikye pahâte atigye: ngana umuńa-lukolo va munu umuńa-mudala, ngana afwe kitababa umwâna, apo umwanakwavo amuhālage umudala, amubabihidzage ulûngo.

²⁹ Lino pe vali avali kyânamunu vahanu navavili, neke umamavo atolage umudala neke afwidzage kitababila mwâna.

³⁰ Neke nuva vuvili amutolage. [Neke nave afwilage ndesi mupanda hela kitababila mwâna.]

³¹ Neke nuva vudatu ndesi. Neke lino vonda hela avahanu navavili ndesi navo neke vafwidzage kitababila mwâna.

³² Kumbele kuvonda neke na ju mukiṅinavo afwidzage.

³³ Neke lino, valava vadzulubwike, apo lino alavedza mudala va alikwi? Tuvwene vamutolile avahanu navavili vonda.

³⁴ Neke baho umwene Jesu avalongelage atigilage: ava kwen’eńi kuno vitola, vitavuka.

³⁵ Neke lino avene, avavagidzwe ukufika ku-ńi jila nulwa kudzulukuka kwa vafwe, ve vene vasilatola nukutola vasilata-vuka nukutavuka.

³⁶ Ndivwene vilemwa nukufwa, ndivwene vali ngita vańa-mwandza, vâna va ju Nguluvi, vâna va ludzulubuko. 1. Joh. 3, 1. 2.

³⁷ Neke lino idzene idza kudzulubuka avafwe idzo adzipulise na ju Mose pamubiki gula, pe akumulonga umutwa ukuva Nguluvi va Abalahama, ukuva Nguluvi va Jisikaka, ukuva Nguluvi va Jakovo.

³⁸ Neke lino u-Nguluvi si Nguluvi va vafwe nda, hamu je Nguluvi va vûmi; ndivwene umwene vonda vasifwe, vûmi hela ndesi.

³⁹ Neke baho avakagulihâte avangi neke vamupiluhidzage neke vatigilage: ve muvulanidzi, uvujipe imilongele igi.

⁴⁰ Vavwene vogopaga pakumuvudza ulungi.

⁴¹ Neke baho alongage navo neke atigilage: vilonga ndavuli, lwe va vitigila: Kilisiti mwa-Davidi?

⁴² Ndivwene ju mwene ju Davidi muhâte ja ndzimbililo itigila: „umutwa alongile kwa mutwa vangu atigye, vwikale kwivoko lyangu ilya ndyo,

⁴³ ukufika baha kigono, kye ndilavahambusa avatavangwa vako kitêngo kya ndzaho dzako.“

⁴⁴ Lino umwene Davidi akumutigila mutwa, apo ivedza muswamuve ndavuli?

⁴⁵ Neke baho adzovage kuvańigendwa vakwe, pe vipulika na va vanu vonda neke atigilage:

⁴⁶ mwilembage kuvaka-gulihâte, avitogela imîngila imitali, avikela ukuhungilwa mumakulumbilo, na muńolanilo vikēla pafitêngo fya vutambule, na pe vikoṅomala pakulya ifilyo, napo vikela pakwikala pavuginalifu. 11, 43.

⁴⁷ Avilya ińumba dza vakiṅinavo avafwile neke valapangilage indzolofu idza lwivulandzo. Avo ve valalutila pakuhigwa.