Luka 2 - Itesamende Imya

¹ Neke lino pafigono fifyo u-Kesale Avugusutu neke alagilage ululagilidzo lwa kuta: vandi-kwage ilidugulu lyonda.

² Ukwandikwa ukulongodzi uku kwavonekye, pe a: dzagye u-Kilene mu-Silija.

³ Neke baho vahelelage vonda mukwandikwa najula kwilavwa lyakwe najula kwilavwa lyakwe.

⁴ Neke baho na ju Josefe ahumage mu-ńi mu-Galilaja mukâja mu-Nasa-lete neke ahelelage ku-ńi ku-Judaja kukâja ja Davidi, je vitigila Beteleheme ilitavwa, pakuva ali va muńumba ja Davidi pamutangilo gwanavo,

⁵ ahelelaga mukwandi-kwa na ju Malija, umufwike vakwe, umwene ve afulwike. 1, 27.

⁶ Neke lino avye adzifike neke kifikage ikigono ikya kumuholela umwâna.

⁷ Neke baho amuholage umwâna umukwamidzi uva vuvele neke amunyengage nimyênda neke amulambalikage mwibani, lye dzidakulila isenga, pakuva pali pe ligulula, pagajile apakumuvika. Mat. 1, 25.

⁸ Neke lino pali povali navakwamidzi mu-ńi jijo, vali mudâsi neke vagona-ga vidima indîmwa dzanavo.

⁹ Neke umuńa-mwandza va mutwa image, pe vali, neke vavonage nindolo dza mutwa dzikuvamulika. Neke baho avene vo-gopage mbandu.

¹⁰ Neke umuńa-mwandza neke alongage navo neke atigilage: mutane ukogopa, lolage ndivwene ndi-vańamulye ulukelo ulukomi ulwa kukela avanu vonda.

¹¹ Pakuva nalelo avaho-lelilwe umupoki veńo, Kilisiti umutwa, mukâja ja Davidi.

¹² Ikimańilo ikya kumu-mańila mudzivona ikyali vanyengile nimyênda kilambalye mwibani.

¹³ Neke baho nakalingi amalugu aga kukyâńa ga-hange numuńa-mwandza, gakumulumba Nguluvi gi-tigila:

¹⁴ amalumbo kwa Nguluvi kukyâńa, kwen’eńi lutengamaso, kuvanu gwelye. 19, 38; Ef. 2, 14. 17.

¹⁵ Neke lino baho, avańa-mwandza vavye vinukye kukyâna, neke avadimi vilondzage vatigilage: sûko lino tuhelele ku-Beteleheme, tukalole ilidzwi, ilivonike, lye atulongye umutwa.

¹⁶ Neke baho vagendanidzage pakuhelela neke vakavonage na ju Malija na ju Josefe na ki kyali kilambalye mwibani.

¹⁷ Neke vavye vamuvwene, neke lino valipu-lisage ponda ilidzwi, lye vapulike pamwâna uju. v. 10-12.

¹⁸ Neke lino vonda, avapulikaga, neke vadzumage amadzwi, ge vavavulaga avadimi.

¹⁹ Kiba Malija agavikage amadzwi aga gonda, aga-hodzehedzaga munumbula jakwe. v. 51.

²⁰ Neke baho avadimi vapilukage neke vamulu-mbage Nguluvi vamuginyage pa dzonda, dze vapulike, neke vavone dzi-gendye baho, pe valongelilwe avene.

²¹ Neke lino fivye fidzumbile ifigono fihanu na fidatu, pe kifikile ikigono kya kumusingila umwâna, neke baho atambulwage ilitavwa lya Jesu, lilyo lye alitambwe umuńa-mwandza, pe asina ingililwa na kwa ṅina. 1, 31. 59.

²² Neke lino fivye fidzumbile ifigono fyanavo, fye vali vańa-lupumba, fifyo fye alagilidze Mose, neke baho vahelelage nave umwâna ku-Jelusaleme, mukumuhufya kwa Nguluvi.

²³ Ndevye lwandikwe ulwa mumilagililwe gya mutwa ulwitigila: tonda utwâna utugosi utwa vuvele kuvaṅinavo, twîmike kwa Nguluvi.

²⁴ Neke vahelelage nave mukusindika uvusembe, ndevye nalo kangi lolilwe mumilagililwe gya mutwa ulwitigila: nambi nde dzivedze ndzi va dzivili, nambi ngundya dzivili indzana.

²⁵ Neke lino ku-Jelusaleme kuko ali kwali umunu, je ali je Simejono ilitavwa. Neke umunu uju ali mugolofu, isugīlilaga kwa Nguluvi, adzindilaga uluhuvidzo lwa Nguluvi, lwe avahuvihidze avakina-Jisilahele. Neke na ju Mubepo umwîmike ali apakwe.

²⁶ Na ju Mubepo umwîmike amuvilye ṅani atigye: uveve usilakuvona ukufwa, ulatala umuvone je vitigila Kilisiti va mutwa.

²⁷ Neke je ahelelage mutembele, avye amulongye u-Mubepo umwîmike. Neke lino avavaha va Jesu, pe vikwingila nave umwâna, pe vatigye. tugendelage nave, lwe twa twigendela ulwa milagililwe,

²⁸ neke ha ju mwene amupagatage umwâna neke amulumbage Nguluvi atigilage:

²⁹ „Lino, ve mutemi ponda, nde muvanda vako-lino ndifwidzaga ve kuyalye, ndevye vwalongile,

³⁰ pakuva amîho gangu gayuvwene uvupoki vwako,

³¹ vwe uvugelanidze, pe vilola avanu ifipelela fyonda.

³² Lwe lumuli uluńa-luvilatulilo kuvadzila-Nguluvi. Lwe luginyo, lwe valavaginya avanu vako, avakina-Jisilahele.“

³³ Neke udadye nuṅina neke vadzumage hela amadzwi agalongwaga pamwâna uju.

³⁴ Neke baho Simejono neke alongage kwa Malija uṅina neke atigilage: lolage, uju avlkilwe ukuta je muńa-kuvagwisa avolofu muvakina-Jisilahele muno, kangi avolofu alavimya; alavedza kilóle, kye vikananila. Mat. 21, 42; 1. Kol. 1, 23.

³⁵ Pe galavilatukila baho namahodza ga volofu. Neke uveve, ve ṅina, gula-kupuluṅasa umugoha mumutima gwako.

³⁶ Ali pwali nu-Hana, umuvidzi umudala, umwalive va Panwele, uva pakipelela kya Asele. Ali mugogolo, agosipe. Umugosi, je amutolile pe mukipali, vagonanye imyâka mufúṅàti.

³⁷ Neke lino ali mufwi-le, muńa-myâka makyumi munana na gitaji (84) pakugona. Asahegaga mutembele, amulimilaga Nguluvi na mukuhwa kitalya na mukuńiiika na pakilo na pamûńi. 1. Tim. 5, 5.

³⁸ Neke nave imile baho pasala jijo neke amwidi-hidzage u-Simejono, pe alumbaga kwa Nguluvi, neke avalongelage idza mwânavonda, avahuvilaga uvupoki vwa Jelusaleme.

³⁹ Neke lino vavye vamalile dzonda, dze alagye umutwa mumilagililwe gyakwe, neke baho vahelelage kukâja janavo ku-Nasalete, mu-ńi ja mu-Galilaja.

⁴⁰ Neke lino umwene umwâna neke akulage neke akalagalilage muluhala lukasila, na lu lusungu lwa Nguluvi lwalungamye ukwakwe. v. 52; 1, 80.

⁴¹ Neke avavaha va Jesu vahelelaga imyâka gyonda ku-Jelusaleme pakyâka kya pasa.

⁴² Neke lino baho umwene, avye agonile imyâka mińikyumi na givili, neke kangi vinukilage kukyâka, ndevye vagitaga mbêpali.

⁴³ Neke lino fivye fimalike ifigono fya kyâka, avene pe vipilukila kukâja, neke baho umwene Jesu umwâna neke ikale mu mu-Jelusaleme. Neke avavaha vâkwe kitadzela.

⁴⁴ Neke avene vatigilaga ali navolofu, neke vagendage ilikasi lya kigono neke baho vasakulage na kulukolo na kuvajanavo.

⁴⁵ Neke baho vavonage vasimuvwene neke baho vagomokelage ku-Jelusaleme neke vamusakulage.

⁴⁶ Neke lino baho, vavye vasakwe ifigono fidatu, neke vakamuvonelage mutembele, ikalile navalulema, umwene pagati neke vavonage ipulihidza, kwe vilonga, nukuvavudza iku-vavudza ju mwene.

⁴⁷ Neke vonda avamu-pulikaga neke vadzumage ulwivonelo lwakwe na dze apilusaga.

⁴⁸ Neke lino avene, vavye vamuvwene, neke vakagahalage hela, neke uṅina atigilage: ugisilevo kye kiki, ve mwâna vangw’ ave? Lolage udado najune nde ńoko tukusakwe guvavile.

⁴⁹ Neke umwene neke atigilage: mukikusakula kiki? Musikaludzelye ukuta unene nde muńadza dâda? Joh. 2, 16.

⁵⁰ Neke avene ilidzwi, lye alongaga, neke liva-lemage pakulifika. v. 19.

⁵¹ Neke baho figendasage navo ukupilukila mu-Nasalete. Neke umwene ilefyage kuvavaha vakwe. Neke umwene uṅina neke agavikage amadzwi gonda aga munumbula jakwe.

⁵² Neke umwene Jesu akulage na lu luhala nuvugosi neke avedzage mwênde na kwa Nguluvi na kuvanu.