Luka 19 - Itesamende Imya

¹ Neke ingilage mu-Jeliko neke adzumbanidzage.

² Neke lino mukâja jijo mwe ali umunu jumwi, je vatigilaga ilitavwa je Sakaja, umamavo va vaha-kipembe, umuńa-mâli indzolofu;

³ neke je agulwime ukumuvona Jesu, nde alikwi, neke lino alemwage, pakuva avanu vali volofu, neke umwene ikîmo ali mufupi.

⁴ Neke baho ańililage kuvutalo neke akinukage mumubiki umudzombe, ukuta ndimuvone, pe idzumbanidza, pakuva pali paṅasi ija kudzumbanihidza umutwa.

⁵ Neke lino umwene Jesu, avye afikile bahe ali, neke baho alolage mukyâńa neke amuvonage neke atigilage: Sakaj’ave, vwikage kisatu, ndivwene neṅuli nigye ndikale pańumba jako.

⁶ Neke baho umwene ikage kisatu neke akelage mbandu pakumwanukila umutwa.

⁷ Neke lino, vavye vamuvwene, neke vaṅulage vatigilage: ikwingila mukupolela muńumba ja muhosi! 15, 2.

⁸ Neke u-Sakaja image baho vudondya neke amulongelage umutwa atigilage: ulolage, ve mutw’ave, lino imâli jangu jonda ndigavasa pagatinagati, mbali jimwi ndipela avahangala. Na je ndamubuganidze ifyakwe, ujo ndikumuhomba fitaji pakyakwe ikimwinga, kye ndalye.

⁹ Neke umwene Jesu alongage ulwa jujo atigilage: neṅuli uvupoki vujigwilye ińumba iji, ulwa kuva na ju munu uju nave mukina-Abalahama. 13, 16.

¹⁰ Ndivwene umwâna va munu adzile mukuvasa-kula avasokye, adzile mumukuvapoka. 5, 32; 1. Tim. 1, 15.

¹¹ Neke lino vavye vali mukudzipulihidza idzi, neke baho ongeledzage pakuvalongela nikimańagi-hidzo; avwene ahegele-hidze mu-Jelusaleme, neke avene vahambulaga uvutwa vwa Nguluvi vwikola mukuvonekela baho-baho hela.

¹² Neke atigilage: umunu jumwi umutambule ahelelaga ku-ńi ija patali mukwanukila uvutwa vwakwe neke atigilage ndiladzipiluka kangi. Mal. 13, 34.

¹³ Neke avakemelage avavanda vakwe vańikyumi neke avapelage ififunge fya mâli fińikyumi, fivedzage fya kukuvila kwene-mbele, pe ńelye.

¹⁴ Neke lino avene avavanda aveneka vakwe vamusulile neke baho kumbele ukwakwe neke vamutumilage avańa-mapelela, avakutigila: tusikelye unefwe ukuta avedzage je mutwa visu uju. Joh. 1, 11.

¹⁵ Neke lino, avye apilwike, kwe ali mukwanukila uvutwa vwakwe, neke baho umwene atigilage: muṅemelelage avavanda vangu, ve ndavapelye ififunge fya mâli jangu, ndimuvonage jumwijumwi, mwe akuvye.

¹⁶ Neke baho ahegēlelage umulongodzi neke atigilage: ve mutw’ave, ikifunge kya mâli jako hiki kikuvile ififunge ifingi ifijagwe fińikyumi.

¹⁷ Neke baho umwene atigilage: ena ndzavo, ve muvanda vangu, ve munofu, ndikukudzagidza uvundzagila vwa kâja dzińikyumi, pakuva vwali muńa-vufuvo na pavudebe. 16, 10.

¹⁸ Neke baho ahegēlelage nuva vuvili neke atigilage: ve mutw’ave, ikifunge kya mâli jako kikuvile ififunge ifingi ifijagwe fihanu.

¹⁹ Neke amulongelage atigilage: najuve ndikukudzagidza uvundzagila vwa kâja dzihanu.

²⁰ Neke na ju jungi nave ahegēlelage neke atigilage: ve mutw’ave, ikifunge kya mâli jako ndavopile mukênda aka lifŭke,

²¹ ndivwene ndogopaga ukwako, pakuva uveve uli munu uli musîfu, vwitola hela na fye uslvikile, vwibena na mwe usami-dzile.

²² Neke umwene apilusage neke atigilage: ndikukukĕlela dzi dzihumile mumulomo gwako, ve muvanda ve muhaluk’ave. Vwandzelye nukuta unene ndili munu ndili musîfu, vwandzelye nukuta nditola na fye ndisivikile nukufibena na fye ndisa-midzile?

²³ Apo vwali nakiki ukuvatavulila ifesa jangu avisafya niligonyo? Neke lino pe ndījadzye, apo ngali ndikwijinulilila pamwi niligonyo.

²⁴ Neke baho avalongelage avimile baho neke atigilage: mujanukage imâli jakwe mumupelage, je ali nafyo ififunge fińikyumi.

²⁵ Neke avene vatigilage: ve mutw’ave, mańi ali nafyo fińikyumi.

²⁶ Muleke ndiyalongele unene: je ali nafyo ifingi, je alongeledzwa na fi fingi pakupelwa; neke lino je asili nakyo, je alanukwa na ke ali nako. 8, 18; Mat. 13, 12.

²⁷ Neke avene avatavangwa vangu vala, avakanile ukuta nditane ukuva ndili mutwa vanavo unene, ve muvaletage kuno, muvakegetage, pe ndilola najune.

²⁸ Neke lino avye alulongile ulu, neke agolokage hela ukuhelela ku-Jelusaleme.

²⁹ Neke lino vavye vavwene vahegelidze mu-Betefage na mu-Betanija, vavye valungamye pakidunda ikimono ilitavwa, neke baho avatumage avańigendwa vakwe vavili.

³⁰ Neke atigilage: muhelelage mukâja jila, je filoleṅine, neke pe mudzifikile, apo mudzikuji-vona indzana ja mbûnda vajavike, je asina apanda nambi munu ponu. Je mukajavule, mukandetele kuno.

³¹ Neke ngana muvwene umunu ikuvavudza itigila: mwikwavula ja kiki, apo mukatigilage: pakuva umutwa ajigulwime.

³² Neke baho, pe vihelela ve avatumile, neke vakavonage dzili ndesi, ndevye avalongye ju mwene.

³³ Neke lino, pe vikwavula indzana-mbûnda, neke baho avene-najo vavudzage vatigilage: mwikwavula ja kiki indzana-mbûnda ijo?

³⁴ Neke avene vatigilage: umutwa ajigulwime.

³⁵ Neke vajiletage kwa Jesu. Neke baho valage imyênda gyanavo pakyâńa pakyâna-mbûnda neke umwene Jesu neke vamwinusage.

³⁶ Neke avye ihelela, neke valage nimyênda gyanavo muṅasi.

³⁷ Neke lino avye adzi-fikile pakikililo kya kidunda ikimono, neke baho avańigendwa vakwe ililugu lyonda vakelage neke vamulumbage nilidzwi ilikomi u-Nguluvi neke vamulumbililage nimitu imińangufu gyonda, gye vagivwene,

³⁸ neke vatigilage: mupogolwa umutwa, je ikwa-dzila mwitavwa lya mutwa, kukyâńa lutengamano ṅani, malumbo ṅani na kulunepo lwa kukyâńa. 2, 14.

³⁹ Neke baho avangi ava-Fwalisaja, avali mukipuga kikyo, neke vatigilage: ve mwiganidzi, ungavakana avańigendwa vako.

⁴⁰ Neke apilusage umwene neke atigilage: mupulikage unene ndikuvavūla, vaka vadzikage ava, apo gaká gikōla amaganga aga.

⁴¹ Neke lino avye afi-kile, pe akujivona ikâja, neke baho ajivembelage amohodzi. Joh. 11, 35.

⁴² Neke atigilage: najuve lino uka udzikagulage ki kigono kya neṅuli iki ińakukuhulila ukutenga-mana! Neke lino dzisikilwe kumîho gako.

⁴³ Pakuva filakwadzila ifigono, fye avatavangwa vako valajava uvuhimbwa uvuńa-lilînga, uvuńa-ku-kugombelela, valakunye-nganila, valakufumbanidza kondakonda,

⁴⁴ valakutuńuliṅasa najuve navâna vako juve, vasilaleka iliganga pe lijagwe umwako. Pakuva ukanile ukukimańa ikigono kyako ikyakukulolela uveve. 21, 6.

⁴⁵ Neke baho ingilage mutembele neke baho avadagage vonda, avagu-dzaga nifya kugula

⁴⁶ neke atigilage: mańi lyolilwe ilya kuta: „ińumba jangu je ńumba ja kulapangilila,“ neke lino uńeńe mujidzusidze manga ja migonadâsi.

⁴⁷ Neke mbêpali avada-likilaga inôngwa mumo mutembele. Neke lino avene navatekedzi avavina navakagulihâte navandzagila ikisina vatigilage tumuvŭlage.

⁴⁸ Neke lino luvagajilage ulwa kwimila, ndivwene vonda avanu, pe vamupulikaga, vamūmīlilaga.