Luka 16 - Itesamende Imya

¹ Neke avalongelage avańigendwa vakwe neke atigilage: ali pwali umunu jumwi umumosi, je ali numwimīlidzi vakwe, neke akugwage ukuta: umwimīlidzi vako ipalaṅasa ifinu fyako.

² Neke baho amukemelage neke atigilage: je nôngwa jiki, je ndikuji-pulika iji? Ongo lino, umbalilage ifya pavwimīlidzi vwako; ndivwene uvwimīlidzi vwako vule-mile.

³ Neke baho umwene umwimīlidzi neke asagage mwileme lyakwe neke atigilage: hê! ndikola kwi? Pakuva umutwa vangu ańagile uvwimīlidzi vwangu; pakulima ndili mugaja-ngufu, ukuponela ifya luhuṅunyo ndili muńa-ńoni.

⁴ Lino ndiluvwene ulwa kululima, najune ukuta vali vandzanukililage muńumba dzanavo, pe ndilava ndidagilwe pavwimīlidzi vwangu.

⁵ Neke baho avakemelage jumwijumwi, avapi-ngile ifya mutwa vakwe. Neke avudzage kwa mulongodzi atigilage: uveve vwapingile filingi kwa mutwa vangu?

⁶ Neke umwene atigilage: ndapingile ifidungu fya mono fińigana. Neke umwene atigilage: ukote ihâte jako iji, vwikale pasi kisatu, vwandikage makyumi gahanu.

⁷ Neke kangi amuvudzage ujungi atigilage: uveve vwapingile filingi? Neke umwene atigilage: unene ndapingile amasa-nde ga vuledzi mańigana. Neke umwene atigilage: kote ihâte jako iji, vwandikage amakyumi munana.

⁸ Neke baho umutwa amulumbage umuvanda umuhaluka jujo, atigilage: asugwike. Pakuva avanu, ndevye vakwikalanila vuli, apo avańa-ńi iji valu-tye uvusugu na kuvâna va lumuli. Ef. 5, 9; 1. Tes. 5, 5.

⁹ Najune ndikuvalongela nditigila: mutemelage isale mumamono ińaluka ukuta, jilava jigaja, vali vavanukilage muńumba dzanavo idzisimalika ponu. 14, 14; Mat. 6, 20; 10, 40; 19, 21.

¹⁰ Je ali vufuvo pavudebe, alavedza vufuvo na pafikomi; neke je asili vufuvo pavudebe, asilavedza vufuvo na pafikomi. 19, 17.

¹¹ Neke lino ngana musivedza vufuvo ku fya vuhaluka, apo alavapela ani ifya ndakyene?

¹² Neke kangi nalo ngana musivedza vufuvo pafyûma fya vêne, apo alavapela ani ifyeńu?

¹³ Na ju muvanda va muńumba ilemwa pakuvalimila avatwa vavili; ndivwene alamusula ujungi, ujungi alamwenda; nambi alamumilila jumwi neke ujungi alamusōkĕla. Mwilemwa ukuvalimila na Nguluvi neke nimamono. Mat. 6, 24.

¹⁴ Neke baho vadzipu-likage nava-Fwalisaja, avali venda-mâle, neke baho vamukenulage. Mat. 23, 14.

¹⁵ Neke avalongelage atigilage: je ńeńe je mukwipugudza, pe vipulika avanu. Nekelino umwene Nguluvi ujo adzidzelye inumbula dzeńo; pakuva dze vakudziginya avanu, kwa Nguluvi ńalugagi. 18, 9-14.

¹⁶ Nimilagililwe nidza vavidzi dzapukye pa pa-Johana. Ukuhuma baho lidalikwa ilyevangeli lya vutwa vwa Nguluvi, neke lino vonda vileta ingufu pakwingila. Mat. 11, 12. 13.

¹⁷ Nukujaganika ińi nija kukyâńa nija pasi neke nukujaganika akadelemusi kamwinga ka milagililwe, kwebepe ku kujaganika kwa ńi. Mat. 5, 18.

¹⁸ Neke je akumugotola umudala vakwe neke amutolage ujungi, ujo je mudumula-vutolane. Neke kangi je akumutola umudala umugotole, nave mudumula-vutolane. Mat. 5, 32; 19, 9.

¹⁹ Ali pwali umunu jumwi umusafi, je afwalaga imyênda imilambya imyêlu imideke, atinadzaga pavunofu mbêpali.

²⁰ Neke lino baho numuhangala, ilitavwa lyakwe ali je Lasale, je vamutagye pamulyango gwa ju mumosi, umuvili gwakwe ali muńa-madzōvela.

²¹ Akēlaga ukuta ndigutage utuvuluvulu, utwalagalaga pakihelo kya musafi. Neke na dzi mbwa dzinavage amadzōvela gakwe.

²² Neke lino baho umuhangala neke afwidzage. Neke avańa-mwandza va Nguluvi neke vamuńamulage neke vakamuvikage kumagulu ga Abalahama. Neke na ju mumosi afwidzage neke asilwage.

²³ Neke lino, avye ali kuvulungu, pe ali mulupumuko, neke baho ina-mulage amîho neke amuvonage Abalahama pavutalitali, neke amuvonage Lasale kumagulu gakwe.

²⁴ Neke akutage atigilage: ve dâda Abalahama, ungamyanila, unganumila u-Lasale, adzabike ikyâla kyakwe mululenga ku kulunepo kwene, aluńuńyage ululimi lwangu, pakuva ndipumuka muno mululambo lwa môto muno.

²⁵ Neke umwene Abalahama atigilage: ve mwân’ave, ukumbukage, pakuva uveve vwanukye ṅani ifinofu, ve sal’uli mûmi, neke Lasale uju apumukaga pavuvîfu. Neke lino nave ińamadzwa neke uveve vwipumuka.

²⁶ Neke kangi na li ligema nalyo ilitali livikilwe pagati ja nafwe nańeńe, na va kuno, avitigila tudzumbe twadze ukweńo uko na va uko ngana vitigila tulovokele kuno ukwesu, vilemwa.

²⁷ Neke baho umwene atigilage: apo humbi lino ndikwidedevela kwe ve dâda nditigila, apo lino umutumage kuńumba ja dâda.

²⁸ Ndivwene ndili navo avanuṅuvangu vahanu, ve avolelelage hîlo, vali vatane ukusokelela kuno, kwe vipumuka.

²⁹ Neke baho umwene Abalahama neke atigilage: vali navo na Mose navavidzi, vangavapulikaga vavo. 2. Tim. 3, 16.

³⁰ Neke umwene atigilage: hamu, ve dâda Abalahama, kiba ngana vaka vamuvonage jumwi, j’ahumile kwene vulungu kuno, apo vaka vipela.

³¹ Neke umwene atigilage: ngana vasipulika kwa Mose na kuvavidzi, apo valamena na kwa muhuma-kuvulungu.