Luka 14 - Itesamende Imya

¹ Neke baho avye ingye umwene muńumba ja mundzagila jumwi va va-Fwalisaja pańwabaha mukuhanga ifilyo, neke baho avene vamutegelelage. 6, 6-11; 11, 37.

² Neke baho kwe alolelaga, amuvonage umunu umuńa-kitamwa kya mafufya.

³ Neke baho Jesu avandage avańa-milagililwe na va-Fwalisaja neke atigilage: mwîko vona ukumupumunusa umunu pańwabaha, vona si mwîko? Neke avene vajigalage hela.

⁴ Neke baho umwene amwibatage ilivoko neke amuhosage neke amuta-vulage.

⁵ Neke baho alongage lwene atigilage: uńeńe je nani, je ivedza numuswamuve nambi senga jakwe, ngana avwene jigwilye mulińa-ndzavi, vona asikujihumya kisatunakisatu, nde pavedzage pe kigono kya ńwabaha? 13, 15; Mat. 12, 11.

⁶ Neke baho valemwage avene pakupilusa pa idzi.

⁷ Neke lino avye avwene avanu, avakemelilwe mukulya ifilyo, vihăla kuvuginalifu pakwikala, neke baho avalongelage ulwa kumańagidza neke atigilage: Mat. 23, 6.

⁸ ngana akukemelye umunu mukulya ifya panavula, apo utane ukwihāga pavuginalifu pakwikala, ene vuli ulavona akemelilwe nujungi, j’asutye uvutambule nukwako.

⁹ Neke lino baho ula-vona ikwadza j’akukemelye naveve na jula neke uvone itigila: apa umwepelage umujago ujo, neke uveve dzikutovage ińoni, pe vwikola mukwepela kuvupêfu.

¹⁰ Hamu, ngana akuke-melye umunu, apo uhelelage neke vwikalage kuvupêfu, apo j’akukemelye, ngana adzile, alakulongela alatigila: ve mujangw’ave, vwinukilage vwikale pavuginalifu pala. Apo vonda, ve mwikalanye, valakuvona uvuta-mbule.

¹¹ Pakuva vonda, avikwiginya va vene, vala-levedzwa, kangi neke avakwilevedza va vene, avo valaginalidz wa. 18, 14; Mat. 23, 12.

¹² Neke na je amukemelye mukulya ifilyo neke nave amulongelage neke atigilage: ngana uvatelekye avanu ifilyo, nambi milile gya pamilavo, nambi milile gya kya mihe, apo utane ukuvakemela navajago nava-ńakweńo navańa-ṅolo vako na ve mufudiṅine navo avasafi. Ulolage ene vuli navo ulavona vakukukemelela kukulya, apo mulavedza ndavuli mwavuliṅine.

¹³ Hamu, ngana utelike ifya kulya, apo uvakemelage navahangala nava-kokońafw’imivili navale-mafu navabofu.

¹⁴ Apo uveve ulavedza uli kitendileme ndakyene, pakuva avene vasili nafyo nambi panani ifya kukupiluhidza; neke lino ifya kupiluhidza ulafivona, valava vidzulubuka avagolofu. Joh. 5, 29.

¹⁵ Neke lino avye apulike ulu ujungi, je fikalanye baho pakulya ifilyo neke atigilage: ena ndakyene, ali kitendileme, je alalya ifilyo fya pavutwa vwa Nguluvi. 13, 29.

¹⁶ Neke umwene Jesu neke amulongelage atigilage: umunu jumwi ātelike ifya kulya ifyolofu mbandu neke baho avakemelage avolofu.

¹⁷ Neke lino baho, jivye jifike isala ja kulila ifilyo, neke amutumage umuvanda vakwe, akavavūle avakemelwa akatigilage: lino mwadzage, pakuva ifilyo fipye.

¹⁸ Neke lino avene vakŏle mukudedesa pakukana, ngita vali ńalumwinga. Umulongodzi neke atigilage: ndigulile umugunda neke lino ndifumbanilwe, ndihelela mukugulola. Sivo, ukaṅengelehedzage.

¹⁹ Ujungi neke atigilage: ndigulile iṅambako ińakulima dzińikyumi, lino ndihelela mukudzigelandza. Sivo, ukaṅengelehedzage.

²⁰ Ujungi neke atigilage: nditolile umudala, kye ndilesile ndilemwage ukwadza. 1. Kol. 7, 33.

²¹ Neke avye apilwike umuvanda jujo, neke baho agotolage kwa mutwa vakwe dzonda idzi. Neke baho umwene akalalilage mbandu umuńa-kâja neke alongage kwa muvanda vakwe atigilage: uhelelage kisatu na mumbandza namudâsi na mumakasi, ukavalundahidzage mu muno vonda navahangala navakokońafu navabofu navalemafu.

²² Neke baho umuvanda vakwe atigilage: ena, ve mutw’ave, ndimalile, lwe ukadzovile; neke lino ińumba jangye.

²³ Neke baho umutwa alongage kwa muvanda neke atigilage: uhelelage monda na mumakasi na mufihegele, ukavagagili-hidzage hela vingilage muno neke jimemage ińumba jangu.

²⁴ Ndivwene unene ndikuvalongela nditigila: avanu avakemelwa vala asilafigedza nambi jumwinga ifilyo fyangu.

²⁵ Neke lino figendasage avanu ifipuga ifikomi, neke umwene avasedukilage neke avalongelage atigilage:

²⁶ ngana umunu ikwadza ukwangu, pe asina avasūla nudadye nuṅina numudala vakwe navâna vakwe navańa-kwavo navahadzave na gu mutima gwakwe ṅani, ujo ilemwa uvuńigendwa ukwangu. 18, 29. 30.

²⁷ Neke nave je asikwi-twika ikipindulihidzo kyakwe, j’asikūninila unene, ujo ilemwa uvuńigendwa ukwangu. 9, 23.

²⁸ Ndivwene najuńe, ngana jumwi isakula ukudzenga ińumba ja maganga-lavwe, asitala ikale tândi pakuvala fyonda ifya kudzengehedza, nde fifulwike na pakwapulihidza?

²⁹ Pakuva aludzelye ju mwene nulwa kuta, ngana ikwala ga maganga gene neke alemwage ukumalilidza, apo vonda, avilolela, valakŭla mukumu-jejeledza

³⁰ valatigila: umunu uju amwe ukudzenga ińumba neke jimulemile ukujapulidza.

³¹ Lulivo ndesi na ju mutwa, je itanga mukwaluka kwa mutwa mujagwe. Nave itala ikale tândi mukwivudza, nde asilemwa navanu vakwe avańa-mbilima dzińikyumi swe (10000) ukuhomana nava-ńamagoha avańa-mbilima amakyumi gavili (20000).

³² Neke ngana avwene, nda ilemwa, apo ituma avańa-mapelela, pe ave ku kuvutali umujagwe, itigila: mukamuvudzage amalevelo nde maki?

³³ Najuńeńe lulivo mwivonda: je asikwijefya ifyûma fyakwe fyonda, fye ali nafyo, ujo ilemwa uvuńigendwa ukwangu.

³⁴ Umûńo ugo gwe munofu hela. Neke ulwene ngana umûńo guhukile, apo ifya kugukalifihidza fihuma kwi? Mat. 5, 13; Mal. 9, 50.

³⁵ Ugwene sigwitagwa nambi mwe mugunda nambi mwe luswâle, hâ, vikugutaga hela kudâsi. Neke je ali nago amatwi, apulihidzage.