Luka 12 - Itesamende Imya

¹ Neke baho lino valundanage avanu, avańa-mbilimambilima, neke vilivatage nukwilivata indzajo, neke baho umwene avatadzage avańigendwa vakwe pakuvalongela neke atigilage: mwilembage uluhâfu lwa va-Fwalisaja, ndilonga uvukedusi. Mat. 16, 6; Mal. 8, 15.

² Tonda utuvilatile tulavilatulilwa, tonda nutwa kukińele tulamańika. 8, 17.

³ Pakuva dzonda na dze mwilongela kukîsi, dze dzene avanu dze valadzi-pulika palumuli hela na dze mukuvapwepela avanu mumasikidza mukańu-mbagati, dziladalikwa pikiṅa.

⁴ Uńeńe ńe vajangu ndikuvavūla nditigila: mutane ukuvogopa, avivulaga gu muvili gwene neke lino pambele luvalemage ukuvaletela ulungi ululutye.

⁵ Mupulikage ndivalongelage unene uva kumogopa, mumogopage je ivona avulige neke kangi avedzage navo uvutavulilwe uvwa kuvasopela mumôto gwa kuvulungu. Ena ndakyene ndikuvavūla nditigila je mumogo-page jujo.

⁶ Umunu asigula isodzi dzihanu nutubela tuvili? Napo kangi Nguluvi asikujisemwa jingi nda.

⁷ Hamu, na dzi fwili dza kumutwe gweńu umwene avalile dzonda. Apo humbi mutane ukogopa. Kangi mudzilutye uńeńe uvutalamu na dzi sodzi indzolofu. 21, 18.

⁸ Neke lino unene ndikuvavula nditigila: je ikwi-longa ukwangu, pe vipulika avanu, itigila andzelye unene, apo nave umuswamuve va munu alilonga ukwakwe, pe vipulika avańa-mwandza va Nguluvi, alatigila: najune ndimudzelye umwene.

⁹ Neke lino je akwisudza ukwangu, pe vipulika avanu, apo najune ndilisudza ukwakwe, pe vipulika avańa-mwandza va Nguluvi. 9, 26.

¹⁰ Neke je ikumulonga limwi ilidzwi ilivîfu umuswamuye va munu, ujo jilavodzwa, neke je ikumulonga fivi u-Mubepo umwîmike, ujo jisilavo-dzwa hamu. Mat. 12, 32; Mal. 3, 28. 29.

¹¹ Neke lino ulwene, valava vakuvakuluvulila uńeńe muńolanilo dzanavo na kuvavina vanavo na kuvańa-ngufu, apo mwali mutane ukwiganya ukuta: tulagita ndavuli pakudzileta idza kupilusa, tudzi-letaga dzilikwi? 21, 14. 15; Mat. 10, 19. 20.

¹² Ndivwene u-Mubepo umwîmike alavavulanihidza pasala jijo idza kulonga uńeńe.

¹³ Neke lino baho jumwi uva pakipuga kikyo neke alongage nave neke atigilage: ve mwiganidz’ave, ungandongela umwana-kwetu, tugavane vunofu ilipwela lyesu.

¹⁴ Neke umwene Jesu atigilage: ve munw’ave, je nani je anemidze unene pavuhidzi, je nani j’atigye ndivagavahidzage?

¹⁵ Neke baho avalongelage atigilage: muvedzage mîho mwilembage uvununumu vonda, pakuva napo nde fivedzage fidevwike hela, umunu uvûmi vwakwe vusihuma mufyûma, fye asavile. 1. Tim. 6, 9. 10.

¹⁶ Neke baho avalongelage nikimańagihidzo neke atigilage: umunu jumwi umumosi ali numugunda gwakwe, gwamotike ifilyo fyakwe.

¹⁷ Neke baho ahodzage mwileme atigilage: ndigita ndavuli lino? Pakuva pagajile na pavukoṅa-hidzo ifilyo fyangu ifi.

¹⁸ Neke kangi atigilage: lino ndiluvwene. Ndimamula ifisandzi fyangu, ndikufidzenga ifilutye uvukomi, mwe ṅoṅahidze fyonda ifivelike, nifyûma fyangu fyonda.

¹⁹ Apo swêla ndilagulo-ngela umutima gwangu ndilagutigila: ve mutima gwangu, ulolage lino ulundise ifya kuponela imyâka imyolofu. Lino upolage hela, ulyage, uńwedzage, uhekage hela.

²⁰ Neke lino umwene Nguluvi neke atigilage: ve muńa-madzimw’ave, mańi uvûmi vwako viku-kwinulaga ki kilo iki. Apo lino fivedza fya nani fyonda, fye ukafilimile? Heb. 9, 27.

²¹ Lwivedza-vo kwa je akwilundahidza ju mwene neke kwa Nguluvi abihilage ukuva musafi. Mat. 6, 20.

²² Neke baho avalongelage avańigendwa vakwe neke atigilage: kye ndi-lesile uńeńe ndivalongelage nigilage: mutane ukwiganya ifya pamutima gweńu ifilyo ifya kuponela, nambi ifya muvili gwe-ńu ifya kufwala.

²³ Ndivwene numutima nifya kuponela gulutye gu mutima, numuvili nifya kufwala gulutye gu muvili.

²⁴ Mulolage amahove, pakuva agene gasilima nukubena gasibena, nifitînga gasili nafyo nifisandzi gasili nafyo, neke Nguluvi akugasangila ifilyo. Neke lino uńeńe musilutye mbandu uvutalamu na kumadege?

²⁵ Uńeńe nani, je adzelye ukwihongeledza umukono gumwinga pavutali vwakwe, nde avedzage akwiganya?

²⁶ Neke lino ngana mwilemwa akadebe mbandu, apo ifingi mukwiganya fya kiki?

²⁷ Mulolage pavuluva, vusibota, vusihona. Neke lino unene ndikuvavūla nditigila: na ju Selomo nave mundolo dzakwe dzonda asafwalaga ponu, ndevye kifwala akaluva kamwinga ako nda.

²⁸ Neke lino Nguluvi ngana akulifwika evo ilisoli ilya mudâsi hela, lye kolili neṅuli, kilavo liso-pwa mwitende lya môto, apo uńeńe asi, lutidza pakuvafwika? Ńe vańa-lufuvo ulukefw’ańe!

²⁹ Neke najuńe mutane ukusakula ukuta: tukufivonela kwi nifya kulya nifya kuńwa? Inumbula dzeńu dzitane ukuńeńemala.

³⁰ Ndivwene fyonda ifi fye visakula avapivala hela kwen’ivala kuno. Neke uńeńe udadińo afi-kagulye ṅani, fye mufu-mbilwe.

³¹ Ulwene musakulage uvutwa vwa Nguluvi, apo mulavona nifingi ifi akuvongelehedza.

³² Utane ukogopa, ve kapinga kangu, ve kadeb’ave, pakuva udadińo akēlelye ṅani ukuvapela uvutwa uńeńe. 22, 29.

³³ Mufigule fye muli nafyo, muvapelage fya lupyanidzo. Muhonage nibogolo, idzisisakala. Musavage nikyûma kya kukyâńa, ikisijaga ponu, kye na ju mukufi asikukihege-lelela, ikisilivwa na kufi-muketa. 18, 22.

³⁴ Ndivwene kwe kokili ikyûma kyeńo, kwe kwene kwe jidamamye na ji numbula jeńo.

³⁵ Ifivuno fyeńu fivedzage fivope, niṅáli dzivedzage ṅoledze. 1. Pet. 1, 13; Mat. 25, 1-13.

³⁶ Muliṅanage na vanu, avilolēlela umutwa vanavo, pe ikwadza ukuhuma kunavula, avasihava ukumudindulila ulwidzi, pe adzile mukukoṅona palwidzi.

³⁷ Ve vene avali kitendileme avavanda vavo, ve ivona umutwa vanavo vali mîho, pe ikwadza. Ndakyene ndikuvalongela unene nditigila: apo umwene alafwala guńwilile umwênda neke alavasakulila pavwikalo neke alavalimila vavo ju mwene.

³⁸ Vali kitendileme avavanda vavo, ve ivona umutwa vali mîho ndesi, nde avedzage ikwadza pamuminga gwa vuvili nambi gwa vudatu.

³⁹ Pe mulukagulilage na juńeńe pamuńa-ńumba, aka adzelage ukuta neṅuli pakilo pasala itunga ikwadza umuhīdzi, apo ngali asimuleka akumbe ińumba jakwe. 1. Tes. 5, 2.

⁴⁰ Neke lino na juńeńe mwikalage, ve mwigelanihidze ṅani, pakuva umwâna va munu aladzila pasala jijo, je musitigila ikwadzilajo.

⁴¹ Neke baho Petele atigilage: mutw’ave, ikimańagidzo iki ukutuvūla jufwe twivene, ene vuli ukuvavūla avanu vonda hela?

⁴² Neke umwene umutwa atigilage: vona avedzage pwali umuńa-kwimilila ińumba umusifu umuńa-luhala, je akumu-temya na ju mutwa vakwe ukuta avedzage je muńa-kuvagelela avavanda vakwe ifya kulya, pe jifike isala ja kulila?

⁴³ Ali kitendileme umuvanda jujo, je umutwa ikwadza avone ilima lulo, lwe alagililwe.

⁴⁴ Ndakyene unene ndikuvalongela nditigila: alamutemya ukuta avedzage muńa-kufimilila fyonda, fye ali nafyo. Mat. 25, 21.

⁴⁵ Neke lino ngana umuvanda jujo munumbula itigila: umutwa vangu ave tândi aladzōvela pakwadza, neke lino baho akole mukuvatova avavanda navagosi navadala neke akole mukulya nukuńwa nukugala,

⁴⁶ apo alavona umutwa va muvanda jujo ifika pakigono, kye asitigila kye kyene, ifika na pasala, je asadzelaga. Neke lino baho umwene alingila akumupumusa neke baho numugavo gwakwe ala-muhandziṅasa mugavo gumwinga na vandzila-lufuvo.

⁴⁷ Umuvanda jula, je aludzelye, lwe akelye umutwa vakwe, neke kangi atane nukwivujapila ṅani, neke atane nukululima, lwe akelye ju mwene, ujo je alatovwa isondzo indzolofu.

⁴⁸ Neke je akulugendela uluńa-kutovwa kitadzela, ujo je alatovwa ulukefu. Neke je anukye ifyolofu, aladzigilwa ifyolofu, neke na je ihadiswa ifyolofu, je valalutila pakuvudza ifyolofu ukwakwe.

⁴⁹ Unene kwen’eńi kuno ndadzile mukusopa umôto, neke lino lwe ndikēla, ndikēla ukuta guka guvedzage guheńwike.

⁵⁰ Neke unene ndi nalo uludzabiko ulwa kudza-bikwa june, neke ndikogopa mbandu lusunge lwapuke. Mat. 20, 22; 26, 36; Joh. 12, 27.

⁵¹ Uńeńe mwitigila: unene vona ndadzile mukujiletela ulutengamaso ińi? Hamu, unene ndiletile ikingalungalu, ndevye ndilongile vuli.

⁵² Ndivwene valahuma ku nda-lino nde ukwiga-lukila vahanu avamuńumba jimwi. Avavili viku-vagalukilaga avajanavo avadatu, kangi avadatu ava vikuvagalukilaga avajanavo avavili vala.

⁵³ Nudadye akumugalu-kilaga umuswamuve, na ju muswamuve nave akumugalukilaga udadye. Nuṅina akumugalukilaga umwalive, kangi na ju mwalive akumugalukilaga uṅina. Neke na ju ṅinafyala akumugalukilaga umukamwanave, kangi na ju mukamwanave akumu-galakilaga uṅinafyala.

⁵⁴ Neke baho avalongelage avanu ifipuga neke atigilage: pe mwivyamu-vwene ilifūnde liviliṅana kuvusotelo vwa lidzuva, apo musihāva ukutigila: neṅuli indońa jikŏla mukutońa, humbi ndakyene. Mat. 16, 2. 3.

⁵⁵ Kangi pe mwivya muvwene ulukāla lwihumila kumavemba, apo mwitigila: neṅuli uludzuva lwivala, humbi ndakyene lwivala.

⁵⁶ Ńe vakedus’ańe, ińi nija pasi apa nidza kukyâńa, idzo mudzitegise pamigelanihidze. Neke lino kivatanidze kiki paku-gugelanidza umwâka ugwa lino ugu?

⁵⁷ Kivatanidze kiki ukudzihiga mwijena na dzi dza vugolofu?

⁵⁸ Mulolage ngana mwihelela na juve numuńa-nôngwa vako kwa mutwa, apo ungagela mbandu ukuta twidiṅane inôngwa pikasi, henda ulavona jujo akukukulunila kwa mukedzi, umukedzi ene vuli ulavona akukusutulila kwa mwivaha, neke uvone akukudindila muńumba indinde. Mat. 5, 25. 26.

⁵⁹ Uleke ndikuvūle unene: usiladzihuma mumo, pe usina uhomba na ka kahela aka kwapulihidza fyonda.