Luka 1 - Itesamende Imya

¹ Vavye vahumile-mo avolofu pakwandika iṅani dza nôngwa, idzivonike apesu apa,

² ndevye tugotolilwe kuvene, avaluvwene namîho uludzovo, mwe lumelye, neke valugimbage,

³ apo najune nigye ndi-dzikosage hîlo dzonda vuhuma-nadzo pavwimilo, nigye ndikwandikilage, mwe dzifudiṅanye, ve lyâne Tejofili, Apos. 1, 1.

⁴ pakuta najuve udzika-gulage indzovo, dze vwaluvulaga, idza ndakyene.

⁵ Bahala pe atemile uvutwa Helodo mu-ńi ja va-Juda, pe pene pe ali pwali umutekedzi uva mulutono lwa vakina-Abija, ilitavwa lyakwe ali je Sa-kalija. Umudala vakwe ali se-Alono, ilitavwa lyakwe ali je Elisabete.

⁶ Vali vagolofu ve vavili kwa Nguluvi, vagendelaga kigaja-lungi mundagi dzonda na muvupugule vwa mutwa.

⁷ Neke lino vasali numwâna, pakuva Elisabete ali mugumba. Neke na ku kugosepa vagosipe ve vavili.

⁸ Neke lino apangi, pe atekelaga kwa Nguluvi pamifudiṅanile gyalutono lwanavo,

⁹ neke baho lumugwilage ulusolanilo, ndevye vagitaga palwîmbo lwa vutekedzi vwanavo. Neke baho ingilage mukufuṅi-lidza mukyânga kya pivala kya mutwa.

¹⁰ Neke ikyene ikipuga kya vanu vonda vali pivala, neke navo valapangilage pasala jijo, je afuṅilidzaga.

¹¹ Neke baho amuvonekelage umuńa-mwandza va mutwa neke avonage imile kukitekelelo kya kufuṅilihidza kwivoko ilya ndyo.

¹² Neke baho atinukage hîlo Sakalija, avye amuvwene neke vumugwilage nuvogofi.

¹³ Neke umuńa-mwandza atigilage: ubihile ukogopa, ve Sakalija, pakuva Nguluvi apulike, dze vwa vwińilika. Elisabete, umunu vako, alamubaba umwâna umukwamidzi, ilitavwa vwali umupelage ilya Johana.

¹⁴ Alakuhulila nuluhe-kelo nukukela; navangi avolofu valakela, alava aholilwe.

¹⁵ Ndivwene alavedza je mukomi kumîho ga mutwa, nuvugimbi vwa vutoṅoni nifigadza asilańwe-dzaga. Umwene gulamu-memeia u-Mubepo umwîmike mwileme lya ṅina.

¹⁶ Avolofu muvakina-Jisilahele muno alavapi-tuhidza kwa Nguluvi, umutwa vanavo.

¹⁷ Neke umwene alalongola kwa mwene neke alagendela na mu mubepo na mungufu, dze agendelaga Elija. Inumbula dzanavo aladzipituhidza kuvâna vanavo navańa-meno navo alavapituhidza mukigōdzo kya vagolofu, neke umutwa alamuvujapila avanu avavujape. Mat. 17, 11-13.

¹⁸ Neke baho Sakalija alongage kwa muńa-mwandza neke atigilage: ndi-kudzimańila kwi dzen’ idzi? Ndivwene unene ndili mugogolo na ju mudala vangu agosipe.

¹⁹ Neke baho apilusage umuńa-mwandza atigilage: unene je nene nde Gabilyele, je ndikwima kumîho ga Nguluvi neke nditumilwe ku kwako mukulongana naveve, muku-kuvula inôngwa inofu idzi. Heb. 1, 14.

²⁰ Lolaga lino, vwivedza vwi kitadzova, ulalemwa ukudzova, ukufika pakigono, kye dzilavonekela dzonda idzi, pakuva usi-fuvilwe, dze ndilongile unene, idzilavoneka pakigono kyadzo.

²¹ Neke avene avanu vamudzindilaga Sakalija neke vadzumage nuku-hwelelela mukyânga kya tembele.

²² Neke umwene avye ihuma neke alemwage ukulonga navo. Neke yalukagulage ukuta kimu-vumbukye kinu mukyânga kya tembele. Neke umwene avasinihidzage li livoko neke ikalage kita-longa.

²³ Neke fivye fimalike ifigono fya vutekedzi vwakwe, neke avujage kukâja jakwe.

²⁴ Neke baho pe agonile nde filingi, neke Elisabete, umudala vakwe, neke ingililwage neke afihamage imyêdzi gihanu neke atigilage:

²⁵ humbi aṅumbwike evo umutwa vangu pafigono, fye andolye pakuva ahe-dzidze ililema, lye ndali nalyo kuvanu.

²⁶ Neke pamwêdzi ugwa mutanda neke Nguluvi amutumage kangi umuńa-mwandza Gabilyele mu-ńi mu-Galilaja, mukâja mu-Nasalete;

²⁷ amutumile kwa muhindza, use-Davidi paki-pelela, je amufundīlye Josefe, neke ilitavwa lya muhindza ali je Malija. 2, 5; Mat. 1, 16. 18.

²⁸ Neke baho umuńa-mwandza neke ingilage mu mwe ali umwene neke atigilage: savu, je usavile ulupyana, umutwa akutangage.

²⁹ Neke umwene ilidzwi ili limuhulilage ilitulo neke ahodzage atigilage: lwe luhungilo luki ulu?

³⁰ Neke umwene umuńa-mwandza neke amulongelage atigilage: utane uko-gopa, ve Malija, ndivwene uluvwene ulusungu lwa kwa Nguluvi juve.

³¹ Lolage ulingililwa umwâna umukwamidzi, ulamubaba umuswamuvo, ilitavwa ulamupela ilya Jesu. Mat. 1, 21-23.

³² Je alavedza je mukomi, alatambulika ukuva mwâna va je alutye uvukomi. Na ki kitêngo kya vutwa, kya dadye Davidi, Nguluvi umutwa alamu-pela.

³³ Alavedza mutwa va muńumba ja Jakovo na kumihagulile gya myâka; nuvutwa vwakwe vusila-vedza na vwapulilo.

³⁴ Neke baho Malija alongage kwa muńa-mwandza neke atigilage: dzi-lavedza ndavuli ukwangu dzen’idzi, kuno sindimu-dzelye umugosi.

³⁵ Neke umuńa-mwandza apilusage atigilage: u-Mubepo umwîmike alakufi-kila, ningufu dza je alutye uvukomi dzilakusika; kileka na ka kîmike, kalava kababilwe kalatambulika ukuta mwâna va Nguluvi. Mat. 1, 18. 20.

³⁶ Neke lolage, na ju Elisabete ulukololo nave lino ingililwe ulwa mwâna umukwamidzi muvugogolo muno. Lino umwene ugu gwe mwêdzi gwakwe gwa mutanda, je vahwedzaga vikumuheka uvugumba.

³⁷ Pakuva Nguluvi kisi-mulemile kinu.

³⁸ Neke baho Malija atigilage: lolage unene ndili muvanda va mutwa, swe dzadzage ukwangu, dze ulongile. Neke baho umuńa-mwandza neke ahe-gage.

³⁹ Neke baho Malija neke ańańulage indzajo neke ahelelage fi figono fifyo neke ahelelage kisatuki-satu ku-ńi ińamadunda, neke akafikage mukâja jimwi, je vatigilaga Juda.

⁴⁰ Neke ingilage muńumba ja Sakalija neke ahungilage kwa Elisabete.

⁴¹ Neke baho Elisabete, avye ipulika uluhungilo lwa Malija neke baho avonage umwâna ikina mwileme lyakwe. Neke baho Elisabete amemwage u-Mubepo umwîmike, v. 15.

⁴² neke ańwilidzage ukugengedula neke atigilage: ve mufuńwa muva-dala avajago, lufuńwa nulûngo lwa mwileme lyako. v. 28

⁴³ Ndi va kiki unene neke adzage ukwangu uṅina va mutwa vangu?

⁴⁴ Lolage ndivwene livye lifike ilidzwi lya luhungilo mumatwi gangu, swe ndivwene na ju mwâna mwileme lyangu muno ikina.

⁴⁵ Ali kitendileme je afuvilwe ulu, pakuva dziladza dzonda, dze amudzovye umutwa. 11, 28.

⁴⁶ Neke Malija atigilage: „umutima gwangu guku-muginya umutwa

⁴⁷ na gu mubepo gwangu gukumutovela imbilikila Nguluvi, umupoki vangu;

⁴⁸ pakuva alolile uvufupi vwa nde muvanda vakwe. Lolage ndivwene fihumaga kulino fikumulisa ikitendileme ifipelela fyonda, 11, 27.

⁴⁹ pakuva umuńa-ngufu amelye ifivina. Neke nilitavwa lyakwe lîmike.

⁵⁰ Neke na lu lupyana lwakwe lufikile na ku kufipelela, mwe fifudiṅanye kuvańa-kumogopa.

⁵¹ Ilivoko lyakwe liletile ingufu: avańa-vwiginisi palwitaṅanidzo lwa numbula avapalaṅise.

⁵² Avatemi avapalwise pafitêngo fyanavo ifya vutwa, ayaginalidze avasi-dzelike.

⁵³ Avadagine avamosi-dze imota, avasafi avake-ṅefidze kindzila-kuvapela kinu.

⁵⁴ Ikumutangilidza Jisilahele, umwâna vakwe, amukumbukye ulupyana Abalahama,

⁵⁵ ndevye adzovile kuvadadisu, akikumbukye ni-kipelela kyakwe kyonda.“

⁵⁶ Neke baho Malija agonage pa-Elisabete imyêdzi gidatu neke lino baho agomokelage kukâja jakwe.

⁵⁷ Neke baho Elisabete kimufikage ikigono kyakwe, ikya kuholela umwâna, neke baho amuholage umwâna umuswamuve.

⁵⁸ Neke na ve fyafudiṅine na vańa-ṅolo vakwe, pe vapulike ukuta: amu-pyanye ulupyana ulukomi, swe neke fikelanilage pamwinga.

⁵⁹ Neke lino pe agonile ifigono munana, neke baho valundanage mukumu-singa umwâna, neke vimage pitavwa lya dadye, ilya Sakalija, pakumupela ilitavwa.

⁶⁰ Neke uṅina akanage neke atigilage: ilyo nambi, je Johana ilitavwa swe. v. 13.

⁶¹ Neke avene vatigilage: pakuva pe hela umunu mulukolo lweńo umuńi-tavwa ili.

⁶² Neke vamusinidzage udadye, adzovage jujo ilitavwa , lye akêlye ukuta atambulwage umwâna.

⁶³ Neke umwene neke ańilikage akaganga ka kwandika. Neke baho andikage ulwitigila: ilitavwa lyakwe je Johana. Neke baho vonda vadzumage.

⁶⁴ Neke baho umulomo gwakwe gudindukilage baha kivungu na lu lulimi ṅani, neke alongage ulwa kumuginya Nguluvi.

⁶⁵ Neke baho uvogofi vuvagwilage vonda, ve fyadzenganye avajagwe, neke amalôngwa aga gonda vagahahage ponda pafidunda fya mu-Judaja.

⁶⁶ Neke vonda, avadzi-pulikaga idzi, neke vadzi-vikage munumbula neke vatigilage: ino umwâna uju alahambuka ngita kiki? Tuvwene ilivoko lya Nguluvi likumutanga.

⁶⁷ Neke baho Sakalija udadye neke amemwage u-Mubepo umwîmike neke avilage atigilage:

⁶⁸ „Alumbwage umutwa, Nguluvi va vakina-Jisilahele, pakuva avakumbwi-ke avanu vakwe, avapelye uvuvandzi. 7, 16.

⁶⁹ Atusimikye nulupe-mbe muńumba ja Davidi, ja muvanda vakwe, uluńa-kutupoka.

⁷⁰ Ndevye alulongye ṅani kumilomo gya vavidzi avîmike ava idâha

⁷¹ ulwa kutupoka kuva-tavangwa visu na kwivoko lya vańa-kutusūla vonda;

⁷² pakuva umwene ati-gye, lumuvonage ulupyana kuvadadisu, atigye ndi-kumbukage ulufingo, lwe twafingine ulwîmike;

⁷³ pakuva atigye ndiku-mbukage ulujigo, lwe amujigye Abalahama, udadisu twivonda,

⁷⁴ lwe atigye alatuga-vila ulwa kutuhańasa kumavoko ga vatavangwa visu kitogopa unefwe, ukuta tumulimilage umwene, Tit. 2, 12. 14.

⁷⁵ na muvwêlulile na muvugolofu kumîho gakwe mbêpali hela.

⁷⁶ Najuve ve mwân’ave, ulatambulika ukuta muvidzi va je alutye uvukomi, ndivwene ulalongola kuvulongolo kwa mutwa, Mat. 3, 3.

⁷⁷ avanu vakwe pakuta uvapelage uvulcagudzi vwavupoki, uvugenda mukuvodzwa indzanangifu,

⁷⁸ vugenda palupyana lwa mwileme lya Nguluvi visu, mwe atwadzye, je ahohomwike kukyâńa,

⁷⁹ je atigye avelelukilage, avakoṅomye mukîsi na mumwigisila gwa vufwe, je atigye amagulu gesu adońelage kuṅasi ja lutengamaso.“

⁸⁰ Umwene umwâna neke akulage neke akalagalage na gu mubepo gwa mugati. Neke ikalage muluṅalaṅala mbêpali ukufika pa pakigono, kye ivonehedza-ga kuvakina-Jisilahele. Mat. 3, 1.