Hebele 7 - Itesamende Imya

¹ Ndivwene umwene u-Melekisedeke uju je mutwa va mu-Salemu, je mutekedzi va Nguluvi j’asutye, je mwene je amutaṅanidzaga u-Abalahama, pe ahumile mukuvateludza avatwa, je mwene j’amufuńile,

² kwa jujo kwe atavwe na ju Abalahama ifinu fyonda ifya pikyumi. Pakuluganula tândi ilitavwa lyakwe, je „mutwa va vugolofu“ neke kangi umwene mutwa va mu-Salame, kwe kuta „mutwa va lutengamaso“,

³ mugaja-dadye, mugaja-ńina, mugaja-mifudińanile gya matavwa ga pafipelela, mugaja-mihumile gya figono fyakwe, mugajavudugilo vwa vûmi, ahwananidzwe numuswamuve va Nguluvi, ikwikala mutekedzi kitasila.

⁴ Mudzumage lino, vwe vutambule vuki umwene uju, je amutonelaga ifya pikyumi na ju Abalahama ukukwisu ifigomano ifihăle.

⁵ Neke avene ava muvakina-Levì, avanwike uvutekedzi, navo vali nululagi ulwitigila: vapembage ifya pikyumi avakina-Jisilahele vugendela pamilagililwe, kwe kùva vikuvapēfya avańa-lukolo vanavo, nde vavedzage vahumile kukivuno kya Abalahama,

⁶ neke uju, je asali mutangilo gumwi navo, akumupēfya ju Abalahama neke akumufuńa jujo, je ali nalo uluhuvidzo.

⁷ Neke ulu asikana jungi ulwitigila: umudebe ifuńwa kwa mukomi.

⁸ Neke apa ifya pikyumi vikwanukila avanu, avifwa, neke kula anukye ju je vakumolekela ukuva mûmi.

⁹ Kifwa lino na ju Levi nave je ipemba ifya pikyumi, nave apembile ifya pikyumi vugendela kwa Abalahama kula.

¹⁰ Pakuva ali ave mu mukivuno kya dadye, pe amutaṅanidzaga u-Mele-kisedeke pala.

¹¹ Neke lino vwali vupedzage uvwa vakina-Levi uvutekedzi-ndivwene avakina-Jisilahele vapelilwe imilagililwe, pakuva vali nuvutekedzi –, apo ikweluka va kiki ujungì umutekedzi uva pamigendele gya Melekisedeke, asilongwa kiki umutekedzi uva pamigendele gya Ahalono? v. 18. 19.

¹² Ndivwene ngana vwihamidzwa uvutekedzi, apo na gi milagililwe mińa-kuhamidzwa ndesi.

¹³ Pakuva umwene, je alongilwe ulu, ali va mutangilo ugungi, gwe asihumile jungi ponu umuńa-kulima pavutekelelo.

¹⁴ Ndivwene dzivonekela ani idza mutwa visu ukuta alembulye mumutangilo gwa Juda, gwe asagulongye Mose idza vatekedzi nambi.

¹⁵ Neke dzilutye kangi ukuvonekela ṅani, ngana elwikeumutekedziujungi, j’agelye umuîingo nda gwa pa-Melekisedeke,

¹⁶ je asadzukile mutekedzi vugelela pamilagililwe gya ndagi ińa-ńama ja muvili, hamu j’adzukile mutekedzi vugelela pangufu dza vûmi uvugaja-kuvola.

¹⁷ Pakuva umwene ali numolesi, je itigila: „uveve uli mutekedzi ukufika kumihagulile gya myâka vugelela pamigendele gya Melekisedeke.“

¹⁸ Ndivwene vakuluhedza ululagi, uîwalongwe, ngana lutenda, ngana lusivumbulila kinu –

¹⁹ ndivwene imilagililwe gisipedzidze kinu – neke vihomedza ulwa luhuvilo, ululutye uvunofu, ulukutuhulila pakuhegelela kwa Nguluvi. 9, 9.

²⁰ Neke pakuva lwimaga nulujigo ulu – ndivwene vala vadzukaga vatekedzi kigajalujigo

²¹ neke uju adzukile mutekedzi nulujigo, pakuva ilonga ukwakwe itigila: „ajigìle umutwa ikisili vupĕlo itigila: uli mutekedzi juve ukufika kumihagulile gya myâka –

²² apo na ju Jesu adzukile muvikila va lufingwi ululutye uvunofu. 8, 6:12, 24.

²³ Kangi avene vala volofu, mwe vafudińanye muvutekedzi, pakuvaukufwa kukanidze ukuva muvutekedzi mbêpali.

²⁴ Neke umwene uju, pakuva ivedza kwali ukufika kumihagulile gya myâka, i navo uvutekedzi, uvusilovokela kwe jungi.

²⁵ Kye alesile atane ukulemwa pakuvananya lukasila avigendela mwa jujo pakuhegēlela kwa Nguluvi, j’ali mûmi ponda, j’akutuvēla. Lom. 8, 34; 1. Joh. 2, 1.

²⁶ Ndivwene unefwe atuvagye umutekedzi umukomi, j’ali-vo, umwêlulile, umugaja-vwafu, umugaja-makéléle, je adandamye kuvuhosi, j’alutye pakwinuka naku-ńi dzonda idza kukyâńa, 4, 14.

²⁷ je asili nalo, lwe vali nalo avatekedzi avavina kigono na kigono ulwa kutala vitekelelage tasi uvusembe vwa pandza nangifu dzanavo vavo neke pambele neke vatekelele uvwa vanu; ndivwene ulu umwene alumalye ṅani ńakamwi, pe itekelaga ju mwene.

²⁸ Ndivwene imilagililwe gyavatemyaga uvutekedzi uvuvina avanu avańavutenda, neke ilidzwi lya lujigo, ililongilwe kyadzambele pamilagililwe, ilyo likumutemya ju muswamuve, umupedze, ukufika kumihagulile gya myâka. 5, 1. 2.