Hebele 6 - Itesamende Imya

¹ Apo lino tudzileke inôngwa dza Kilisiti, mwe dzimelye, tuhelelage nadzo kuvulongolo, tulongage idza vukalagafu; tutane ukwala kangi vu vwalo vwa dza kupituka kumalimo agafwe nuvwa dza kumufuvwa Nguluvi,

² nuvwa dza kuvuíanidza uludzabiko nuvwa dza kuvika amavoko nuvwa dza kudzulubuka kuvafwe neke nuvwa dza vuhigilo vwa mbêpali.

³ Neke lwe tulalugendela, ngana idike Nguluvi.

⁴ Pakuva avene, avamulikilwe kamwinga, avafinogelidze ifipelwa fya kukyâńa, avali vuhanganile nu-Mubepo umwîmike, 10, 26. 27; Mat. 12, 31; 1. Joh. 5, 16.

⁵ avafikagwe nuvunofu vwa lidzwi lya Nguluvi ningufu dza ńi ijiladza,

⁶ avene ava, nga vihena, apo vilemwa ukudzukila vupya kulupituko kangi, pakuva navo vivwila ulwanavo pakumutovelela umuswamuve va Nguluvi pakipindulihidzo nukumwelesa.

⁷ Pakuva na ji ńi, ijińwa indońa, ijikujitońela mbêpali, ijikuvamedzehedza ifimelwa ifilivwa ku vavo, ve jikuvalimililwa ińi, najo jihanga ulufuńo uluhuma kwa Nguluvi.

⁸ Neke lino ijene, ijimedza imifwa nifisili vulyo, ijo jilemilwe, ijo jisamba jilekelwa ndeko, idzilungamye kumôto kuvudugilo vwadzo.

⁹ Neke ńe vanisw’ańe, idza kweńo idzo tuli vwidevulilo, nde tuvedzage twilonga-vo, mwi nadzo idzilutye uvunofu idzili navo nuvupāsi.

¹⁰ Ndivwene Nguluvi asili mudzila-vugolofu neke asemwage namalimo geńo nulwendo, lwe mulyendile ilitavwa lyakwe, pe mwavalimilaga avîmike, pe mukuvalimila na li lino. 10, 32-34.

¹¹ Neke lino unefwe twijendile, ukuta mwivonda hela, jumwijumwi, muletage umufulo gugo na kulumemelehedzo lwa luhuvilo ukufika kuvudugilo, 3, 14; Fil. 1, 6.

¹² pakuta mutane ukuva vagata, hamu muvedzage vaninidzi va vene vavo, avigendela nulufuvo neke nuvwisamutima pakuhāla ińuvidzo.

¹³ Pakuva pala, pe amuhuvihidzaga Abalahama, pala Nguluvi ijigye pa pakwe jujo, pakuva ali asupali ujungi, j’asutye ukwakwe uvuvina uva kujigila epo,

¹⁴ pala atigye: „ndakyene ndilakufuńa ngavwila, ndilakolosa ngavwila.“

¹⁵ Neke baho umwene, pakuva isaga umutima, neke asavage uluhuvidzo.

¹⁶ Ndivwene avanu vijigila mukanu, akavalutye uvukomi neke ulujigo lukulumala ulukāni londa neke lwimage lukangye lino.

¹⁷ Lwe lwene lwe imilaga Nguluvi, pe aletaga ulujigo ngita muńa-magŏla, pala pe atigilaga ndilutilage pakuvadońela avahāla-luhuvidzo dze ndidzivonye ńani, ukuta dzisihambuka lungi,

¹⁸ pakuta twimilage dzivili idzisihambuka lungi (pakuva Nguluvi ilemwa pakudeta) pakuvedza nulukumbuso ulukângafu unefwe, je tuluńililye pakuluńwilidza uluhuvilo, ululi baha pamìho gesu,

¹⁹ ululi ngita nánga ja mutima ijisili vujudzo ijili vudovandovo, ijidzifika mbali kugati ja libupa,

²⁰ kwe atwingílye unefwe Jesu umulongodzi, avye adzukile mutekedzi umukomi ukufika kumihagulile gya myâka vugelela pamigendele gya Melekisedeke.