Hebele 4 - Itesamende Imya

¹ Apo lino togopage, ene vuli umujińu jumwi alahambula adumukilwe kuno ve sali lwave uluhuvidzo, ulwihuvidza ukwingila kuvupolelo vwakwe.

² Pakuva ilyevangeli litufikye najufwe, ndevye lyavafikye vala. Neke avene ilidzwi lya ludaliko lisavavumbulilaga kinu, pakuva lisatimbuliṅine nulufuvo lwa ve avapulikaga.

³ Pakuva unefwe tuladzikwingila kuvupolelo, je tufuvilwe, ndeve loliîwe ulwitigila: „neke baho ndijigilage muṅaladzi dzangu neke nigilage: vasilingila kuvupolelo vwangu,“ nde gavedzage gasilile amalimo ukuhuma, pe jagavwaga ińi.

⁴ Pakuva popali, pe aki-longile ikigono kya mufúṅati, pe itigila: „neke baho Nguluvi apolage amalimo gakwe pakigono kya mufúṅàti.“

⁵ Kangi apa itigila: „vasilingila kuvupolelo vwangu.“

⁶ Neke lino pave pasigye ukwingila vamwi kuvupolelo, pakuva avalongwe avadalikwe vasingye vadumukilwe ulubedo lwanavo,

⁷ neke lino ivwila kangi pakukivika ikigono, lu lwa „neńuli“ lula, lwe alongile kwa Davidi, pavye pagonile luhāvi, ndevye ndongile pamwandi ulwa kuta: „ji neńuli, ngana mupulike ilidzwi lyangu, apo mutane ukudzikīlītika inumbula dzeńo.“

⁸ Pakuva Jehoswa āli avedzage avańamulye kuvupolelo, apo ngali Nguluvi asivwilye pakukitambula ikigono ikingi ikya kuvulongolo.

⁹ Neke lino jave pojili ińwabaha ja vanu va Nguluvi.

¹⁰ Pakuva je ingye muvupolelo vwakwe, apo ujo ve apolile nave amalimo gakwe, ndeve na ju Nguluvi apolile agakwe. Luv. 14, 13.

¹¹ Apo lino tugimbage pakwingila muvupolelo vula, pakuta atane ukugwila nambi jungi mulubedo, ulutegine nde lula.

¹² Pakuva ilidzwi lya Nguluvi lyûmi, ligifi, lińavûgi uvulutye na kumugoha ugwitema mbali na mbali, lipuluńasa hela lidzifika namukusalanula mimutima numubepo nifilungi numwindi, lihiga ninganiso nulwijivuko lwa numbula.

¹³ Sipokali nambi kamwi akagavwa, akasivoneka mumîho ga mwene, fyonda fili vufula fili vudondya hela kumîho gakwe, kwa je tuladzigotola.

¹⁴ Neke lino, ve tuli nave umutekedzi umuvina vuli, je avupuluńise vonda uvulanga, ju Jesu umuswamuve va Nguluvi, apo tulumililage ulwidiko. 3, 1; 6, 20; 7, 26; 8, 1; 9, 11.

¹⁵ Pakuva unefwe tusili nave umutekedzi umukomi, je pamulemile pakutupyanihidza idza vutenda vwesu, hamu umwene agemidzwe dzonda hela vuliṅana nafwe, kingaja-ndzanangifu. 2, 17.

¹⁶ Ongo lino kivedzage kyedzamutima hela pakuhegēlela pakitêngo ikińalusungu pakutigila twanukilage ulupyana tuluvonage nulusungu, ulwitanga pakigono kya vufumbe. 1. Joh. 3, 21; Lom. 3, 25.