Hebele 13 - Itesamende Imya

¹ Uvwendalukolo vwimage ndesi. Joh. 13, 34; 2. Pet. 1, 7.

² Mutane ukusemwa ukusangila avagendzi; ndivwēne vamwi, avalugendelaga ulu, vavasangye avańa-mwandza kitadzela. Lom. 12, 13; 1. Pet. 4, 9.

³ Muvakumbukage avamumińololo, muvedzage nde muhangile uvufunge najuńe; muvivukage avipumuka uluvîfu, pakuva najuńe mwave muli mumuvili. Mat. 25, 36.

⁴ Inolano dzivedzage ńaluginyo ponda hela, kita-vulamya uvuhāga; ndivwene avagoni navadumula-nolano, avo alava-higa Nguluvi. Gal. 5, 19. 21; Ef. 5, 5.

⁵ Pamigendele gyeńo mutane ukujenda imâle, mwisĭkilage fye mwi nafyo; ndivwene na ju mwene atigye: sindilakuleka ponu sindilakulekēledza ponu. 1. Tim. 6, 6.

⁶ Kileka kwelage hela unefwe pakutigila: umutwa akunanga unene, sindikogopa kinu, umunu alangita vuli?

⁷ Muvakumbukage avakilongodzi veńo, avavalongelaga ilidzwi lya Nguluvi mugihanavalilage imidugilile gya migendele gyanavo neke muluninilage ulufuvo lulo. v. 17; 1. Kol. 4, 16.

⁸ Jesu Kilisiti igolo na ji neńuli jujo na kumihagulile gya myâka. 1. Kol. 3, 11; Luv. 1, 17.

⁹ Gitane ukuvapelulihidza konda imivulanihidze imyolofu, imigendzi; ndivwene lunofu, ngana jikangalila lusungu inumbula, ngana jisikangalila filyo, ifisavavumbulilaga kinu avafigendelaga. Ef. 4, 14; 2. Kol. 1, 21; Lom. 14, 17.

¹⁰ Tuli nakyo ikitekelelo, ifya pakyen’iki vasitavulilwe ukulya avilima mwihēma. 8, 4. 5.

¹¹ Ndivwene fyonda ifyûmi, fye akujińamula idanda jafyo umutekedzi umukomi, pe ikwingila najo mukîmike ija kuma-lila indzanangifu, fye imivili gyafyo gyańańilwaga kwitengule kwivala.

¹² Kye alesile na ju Jesu apumukage pivala pafipata, pakuta avelulihi-dzage idanda jakwe ju mwene avanu. Mat. 21, 39; Joh. 9, 22.

¹³ Ongo lino najufwe muleke tuhume tuhelele kwivala kwitengule, kwe kwali umwene, najufwe twitwike ilipumba lyakwe ju mwene. 11, 26; 12, 2.

¹⁴ Ndivwene unefwe tusili najo ikâja ija kwīkala unefwe mbêpali apa, hamu twisakula ija kuvulongolo. 11, 10; 12, 22.

¹⁵ Apo lino tugendelage jujo pakumutekelela Nguluvi mbêpali ikińa-danda kya malumbo, kwe kuta givelekage imilomo ukwidika kwitavwa lyakwe.

¹⁶ Neke mutane ukuse-mwa nidza lupyanidzo nidza vuhanganile, ndivwene fye fińa-danda fifyo fye finogelidzwe kwa Nguluvi. Fil. 4, 18.

¹⁷ Mukundage kuvakilongodzi veńo, muvadege-pele, ndivwene ve vene avakugiminga imitima gyeńo, ve vańa-kumuvalila umutwa, pakuta vakelage pakulugendela ulu, vatane ukwibungula, ndivwene ulu lusikuva-vumbulila kinu. 1. Tes. 5, 12.

¹⁸ Mutulapangililage, ndivwene tuludzelye ukuta twi nalo ulwikagulo ulunofu, je twigimba imigendele iminofu mufyonda. 2. Kol. 1, 12.

¹⁹ Neke ndilutidza pakuvavunga pakulugendelalo, pakuta ndibihile ukuhāva pakupilukila ukweńo.

²⁰ Neke lino umwene Nguluvi uva lutengamaso, je amudzulubwise kuvafwe umuńa-kudīma iṅolo umukomi mudanda ja lufingwi lwa mbêpali, umutwa vesu Jesu Kilisiti, Joh. 10, 12; 1. Pet. 2, 25.

²¹ avakolatidzage mumalimo amanofu gonda, mulimage, dze akelye umwene, ivujapilage ju mwene umwesu idzinogelidzwe kumîho gakwe vugendela ju Jesu Kilisiti, je dzakwe indolo ukufika kumihagulilegya myâka, mwe gifudińanye. Amene.

²² Neke lino ndikuvavunga, ńe vanisu, nditigila ilidzwi lya kuvavungila ili mulidikage; ndivwene nukwandika ndivandikye kafupi hela.

²³ Mumudzelage u-Timote umuńa-lukolo veńo, ukuta afungwilwe, je ndilavavona pamwi nave, ngana asifuvalye ukwadza.

²⁴ Muvahungilage vonda avakilongodzi veńo navîmike vonda. Vakuvahungila najuńe vonda ava mw-Italija.

²⁵ Ulusungu luvedzage nańe mwivonda.