Hebele 12 - Itesamende Imya

¹ Ongo lino najufwe, pakuva lili evo ilifunde lya volesi, ilitunye-ndzidze kondakonda, apo najufwe tufitagage fyonda pasi ifikutuhulila uvusito nindzanangifu, idzipinga amagulu, tuńilage twigugumidzage uluńilo ulugolwike muvulongolo umwesu. 10, 36; Lom. 7, 21; 1. Kol. 9, 24.

² Amîho galolage kwa Jesu, je atulongolye kulufuvo neke nukulududza, je igugumihidze ki kipindulihidzo pakusava ulukelo, ulwali kuvulongolo, kitavikila-ko umutima kulipumba, neke baho ikalage kulya ndyo lya kitêngo kya Nguluvi.

³ Mungamukumbukaga je igugumihidzaga-vo kulubedo lwa vahosi, lwe vamubedaga ju mwene, pakuta mutane ukufwahila, pe gijejevwike imiti-ma gyeńo. Luk. 2, 34.

⁴ Pe mwikwigwila ingwila nindzanangifu uńeńe, musina mufika najo kuluńa-danda.

⁵ Na lu luńamadzo mulusemilwe ulukuvavūla uńeńe, je muli ngita mwi vâna ulwitigila; „ve mwanavangu utane ukugime-sula imivungile gya mutwa, utane ukujejevuka, pe dzikukugoma ukwakwe.

⁶ Ndivwene je endilwekwa mutwa, je mwene je ivungwa, vond a avâna, ve ikuvanukila, vitovwa.“ Luv. 3, 19.

⁷ Mwipumukila ulwa mivungile; Nguluvi akuvagendela uńeńe ulwa vwâna. Pwali umwâna, j’asivungwa kwa dadye?

⁸ Neke ngana uńeńe musili nadzo idza kuvungwa, dze vivungwa vonda, apo humbi muli migendelamwe-luhengo, apo musili vagendela-paluvandza.

⁹ Kangi avadadisu va muvili vatuvungaga neke unefwe twavajevulidzaga, lino tusilalutila mbando pakuleva kwa dadye va mibepo neke tuvedzage vûmi?

¹⁰ Ndivwene avene vala vatuvungaga ifigono nde filingi hela lwe vakelye va vene, neke uju akutuvunga ulwivumbulila ululungamye kukwanukila uvwîmike vwakwe.

¹¹ Neke konda ukuvungwa, ve sali kokuli, apo kusivedza kwa kukēla, hamu kwiva kwa kuhuguvala, neke pambele kukuvalekela uvugolofu, kukuvatengamasa avadzovelye nako. 2. Kol. 4, 17. 18.

¹² Kye mulesile mugakangadzage amavoko agalelevwike, mugakangadzage namafugamilo agaswagatye,

¹³ namagulu geńo mugakwetelage iṅasi ingolofu, pakutigila je ikwińiluka atane ukuhena, nda hamu aponage.

¹⁴ Mugimbage ulwa kutengamana na vanu vonda, mugimbage nuvwîmike, je vumulemile uvu, ujo asilamuvona umutwa. Lom. 12, 18; 2. Tim. 2, 22.

¹⁵ Munuguvalage, atane ukunema jungi kulusungu lwa Nguluvi, gutane nukuhovandza umudela umukali, ugwilembula neke vihalabuhidzage-mo avolofu.

¹⁶ Atane ukudzuka mugoni ujungi nambi gunu uguvîfu nda Esavu, je atavulaga uvuvele vwakwe pakalyo kamwi.

¹⁷ Ndivwene mulukagwe najuńe, ukuta pambele, pe atigilaga ahaîe ulufuńo, neke baho atagwage; ndivwene asapāgaga pavupitukilo, nd’avedzage alusakulilaga mohodzi ulupituko.

¹⁸ Ndivwene uńeńe musihegelye ku kye vikwambala nambi kumôto, ugwilibuka, nambi kuvutilivafu nambi kukîsi na mbi kukipulavâna

¹⁹ nambi kulôvo lwa ngalapi nambi kuluńulo lwa madzwi, ge vakanaga avapulikaga vatigilaga tulema ukutulongela-vo,

²⁰ ndivwene lyavalemaga ukulipulika ilikūle lila ilyatigilaga: „ngâ kipamidze ikińoko ikidunda iki, apo mukibodzole namaganga,“

²¹ neke (lwali-vo umutinu ulwitukaga) na ju Mose atigilage: „nditinwike, ndilotoka“

²² – hamu uńeńe muhegelye kukidunda Sijono na kukâja ja Nguluvi umûmi, ku-Jelusaleme ija kukyâńa na kuvańa-mwandza, avali mbilimambilima, Luv. 14, 1; 21, 2; 5, 11; Gal. 4, 26.

²³ nakulukońano lwa vańagwivalalilwe na kulukombeso lwa vavele, avandikwe amatavwa kukyâńa, na kwa muhĭdzi na kwa Nguluvi va vonda, na kumibepo gya vagolofu, avapedze, Luk. 10, 20.

²⁴ na kwa muńa-magŏla va lufingwi ulupya, u-Jesu, na kudanda ińāńile, ijilutye na kwa Hebele ukukōla. 9, 15; 11, 4.

²⁵ Mwijandilage mutane ukukana kwa je ilonga, ndivwene ngana vasananaga vala, avamukanaga, je avilaga pen’eńi apa, apo twilutila jufwe, je tuku-mudūdzamila umugongo, je ilonga vuhuma-kukyâńa, 2, 2; 10, 28. 29.

²⁶ je ilidzwi lyakwe pa idâha lyajitendemyaga ińi neke lino ahuvidze atigye: „ndilavwilakamwinga pakutendemya, mutane ukuta ińi jene, hamu nakukyâńa.“

²⁷ Neke lino ulwene ulwitigila: „ndilavwila kamwinga“ ulu lwidońa ukuta fihambuka ifítendema, ifili ngita figavilwe, pakutafikale ifisitendema.

²⁸ Kye tulesile tuhonge-dzage, je twi vańa-kwanukila uvutwa uvusitendema, tugendelage uluhongedzo pakumulimila Nguluvi vunogeledzwa, ńangilakumwinga nukwisugilila nukogopa.

²⁹ Ndivwene Nguluvi vesu môto hela umulya-fyonda.