Hebele 10 - Itesamende Imya

¹ Ndivwene imilagililwe gyali numwīgîgi hela gwa nofu ińa-kwadza, gisali nuluhwano lwa finu neke ifińa-danda, fye vi-tekela mwâka na mwâka, ifisiduga ponu, ifyo file-mwa ukuvapedza avihe-gēlela; 8, 5; 7, 19.

² vasali viva vahagike katali pakufileta avilima ga vulimila-Nguluvi, pe vavalidzwe ńakamwi, pe vavwene vasili nalo ulwikaguìo ulwa ndzanangifu?

³ Hamu ifyene fyali fya kwijivuhidza hela indzanangifu mwâka na mwâka.

⁴ Pakuva idanda nija ṅambako nija mongo jilemwa ukuhedza indzanangifu.

⁵ Kye alesile, pe ifika ku-ńi kuno, umwene atigilage: „ifińa-danda nuvusembe usifikelye; umuvili ugo ena umbujipe.

⁶ Namasembe amańāńe gonda namasembe ga pandzanangifu nago usigakelye uveve.

⁷ Neke baho nigilage: hune ndadzile, ndevye ndilongilwe mwihamba ìya hâte, ndadzile muku-lima dzi dze ukelye ve Nguluvi.“

⁸ Pe atalile atigye: „nifińa-danda namasembe namasembe amańāńe namasembe aga pandzanangifu usikufisakula usifikelye“ agaletelwaga vugendela milagililwe,

⁹ neke kangi ongeledzage nulwa kuta: „hune ndadzile mukulima dze ukelye juve,“ apo kwe kulujadza ululongodzi, pakuta lwimage ulwadz le mbele.

¹⁰ Neke mu „dze adzi-kelye“ mwe mwene mwe tudzukye vìmike vugendela pavusembe vwa muvili gwa Jesu Kilisiti uvwańa-kamwi. 9, 12. 28.

¹¹ Neke avene avatekedzi vonda vimile kigono na kigono vilima neke vitekela ifińa-danda fifyo kavili-kavili, ifilemwa swe pakudzijadza indzanangifu. v. 1.

¹² Neke umwene uju, avye adzitekye indzanangifu ikińa-danda kamwinga hela, adzikońomalye ńani kwivoko lya Nguluvi ilya ndyo. v. 10. 14.

¹³ Neke lusigye umwene lu lwa kulolela hela vasungwe vadzuswage avańa-vukava vakwe katêngo ka ndzaho dzakwe.

¹⁴ Ndivwene umwene vonda, avihambuka vîmike, avapedzehidze mbêpali vu vusembe vumwinga vuvo. v. 12.

¹⁵ Pakuva na ju Mubepo umwîmike nave akutōlekela lulo, ndivwene luvye lulongilwe ulwitigila:

¹⁶ „ulu lwe lufingwi, lwe tulafingana navo, pe fidzumbile ifigono fila,“ ilonga na ju mutwa itigila: „imilagililwe gyangu ndilava-pela munumbula dzanavo neke ndilagyandika palwitańanídzo lwanavo, 8, 10.

¹⁷ neke nindzanangifu dzanavo neke nuîupunyo lwanavo ndisilakumbuka ponu.“ 8, 12.

¹⁸ Neke pe dzivodzilwe idzi, apo swe nuvusembe uvwa kudzitekelela indzanangifu ve pehela.

¹⁹ Lino, ńe vâne, pe twi navo uvwedzamutima uvwa kwingililila ji danda ja Jesu muvwingililo vwa kîmike vuli, Mat. 27, 51.

²⁰ vwe atukondzehidze ngita ṅasi imya, ińulavûmi, ijihumińise mwibupa, kwe kuta muńama jakwe ja muvili, 9, 8.

²¹ pe tuli nave numutekedzi umukomi vuli, j’atemile muńumba ja Nguluvi,

²² apo tuhegēlelage twe vańa-numbula idza ndakyene mulumemelehedzo lwa lufuvo, je tumidzilwe inumbula, luhege ulwika-gulo uluvîfu; 4, 16; Ef. 5, 26.

²³ je togile umuvili mululenga uludêngufu; tulumililage ulwidiko, lwe twikwidika uluhuvilo kitahogosa-ndivwene ali vwidevulilo je aluhuvidze – 4, 14.

²⁴ tuvedzage kińa-vwinuguvalile, twikongolela ge kudza vwênde nidza malimo amanofu, 13, 1.

²⁵ tutane nukupiluka kulukońano lwesu, ndevye vihongile vamwi, hamu twivunge neke tugimbe nukugimba, pakuva mukivwene nukuhegĕlela ikigono. v. 37; 3, 13.

²⁶ Ndivwene ngana twihoka ngelela, tuvye tulukagwe ukoluli, apo vusisigala uvungi uvuńa-danda uvuńa-kuhedza indzanangifu, 6, 4-8.

²⁷ apo ki kindolela kya vuhigilo kyene ikińa-mutínu swe neke numufulo umuńa-môto, ugusamba guvalya avibeda.

²⁸ Vonda avagisokōlokelaga imilagililwe gya Mose, avo vafwidzaga kita-pyanilidzwa pavōlesi vwa vavili nambi vadatu,

²⁹ apo na pe mwihodza najuńe, alavagilwa ukugĕlelwa pavuvîfu vulikwi ukutovwa, je akumulivatila umuswamuve va Nguluvi, je ihainbula idanda ja lufingwi, je twijeiuiye, jili kińála, je ikumujove-ledza u-Mubepo va lusungu? 2, 3.

³⁰ Ndivwene tumukagwe, je atigye: „uvuvangamakole vwangu june, ndilalumbila june,“ kangi itigila: „umutwa alavahi-ga avanu vakwe.“

³¹ Patalamu pakugwila mumavoko ga Nguluvi umûmi.

³² Neke mwivukage ifigono fya padâha, pala pe jali kāna kumagoha ga lupumuko amolofu, pe muhumile pakumulikwa, 6, 4.

³³ na lwe mwadzukilaga lusimo lwa kulolela avangi mumadusi na muvufiganidze na lwe mwadzukílo vajavo, avagendelaga lu. 1. Kol. 4, 9.

³⁴ Lwe mwahandzaga nukuvapyanidza avafunge, mwakèlaga, pe vabupaga ifyeńo avanu, pakuva mwaludzelye ulwa kuta: ikyûma ikilutye uvunofu ikindzila-kusila ponu twi nakyo. Mat. 6, 20; 19, 21. 29.

³⁵ Neke lino mutane ukuvutāga uvwedzamuti-ma vweńo, uvuli nulupi-luhidzo ulukomi.

³⁶ Ndivwene mwi vańa-kuva nalo lu lwigugumidzo lwene, pakuta mwanukilage uluhuvidzo, pe mulugendye, lwe akelye Nguluvi. Luk. 21, 19.

³⁷ „Ndivwene pasigye panaṅi si vunańi, apo ikwadza umuńa-mwandza, apo asifuvalila nambi.

³⁸ Neke umugolofu vangu alaponela lu lufuvo neke je akwikwĕga, ujo umutima gwangu gusikumukēla.“ Lom. 1, 17.

³⁹ Neke unefwe tusili vańa-kwikwēga ululungamye kukutipulwa, hamu unefwe twi vańa-lufuvo ululungamye mukusava uvûmi.