Galata 5 - Itesamende Imya

¹ Apo lino mwijumikage neke mutane ukuleka vavakungage kangi mumudze-gandzego gwa vulimano. 4, 5. 31; Apos. 15, 10.

² Lolage je nene nde Pavulu, ndikuvalongela nditigila: ngana mwisi-ngwa uvusinge, apo u-Kilisiti asilavavumbulila kinu.

³ Ndivwila kangi pakuvolela vonda avasingilwe nde molesi nditigila: umusinge muńa-kugige-ndela gyonda imilagililwe.

⁴ Mubapile kwa Kilisiti, je mwitigila mupugulilage imilagililwe, muhegile kulusungu.

⁵ Ndivwene unefwe twi-kwima mwa Mubepo twi-dzindila uluhuvilo, ulume-lile mulufuvo, lwe twihuvila uvugolofu.

⁶ Ndivwene mwa Kilisiti Jesu umo filemwa na ku kusingwa na vu vudzila-kusingwa, hâ nda lu lufuvo, ulwimye muvwênde pakugimba, lwe lwene ulusilemwa. 6, 15; 1. Kol. 7, 19.

⁷ Mukińila vunofu! Je nani, j’avaginalidze ukuta mudzileke ińa-koluli?

⁸ Uluginalidzo ulu lusihumile kwa jujo, je avakongwe. 1, 6.

⁹ Uluhâfu ulunaṅi lwihāsa uvugali vonda. 1. Kol. 5, 6.

¹⁰ Unene ndivakagulye mwa mutwa ukuta najuńe musilahodza idzingi; neke lino umwene, je avańeńe-mike, ujo alakelwa ulwa-kwe ju j’avedzaga. 1, 7; 2. Kol. 11, 16.

¹¹ Neke unene, ńe vanisw’ańe, ngana ndave na li lino ndipidalika uvusinge, apo ngali ndifwimwa ss? Apo na lu lukuvalo lwa kipindulihidzo nga luhegile. 1. Kol. 1, 23.

¹² Vavwene ukwisavulilaga ṅani avene avo, avakuvagalusa uńeńe!

¹³ Ndivwene uńeńe, ńe vanisw’ańe, mukongolilwe lu lwa kuta muvedzage muli vakombodzwa; mwigelage lulo lwene ulwa kuta: ińama ja muvili jitane ukwikoleka muvukombodzwa uvu, nda hamu mugendelage vu vwênde pakwilimila mwivonda. 1. Pet. 2, 16.

¹⁴ Ndivwene imilagililwe gyonda, ndeve givelye, gyapukye palidzwi limwinga ilitigila: „umwendage umujago, ndeve vwijendile juve.“

¹⁵ Neke lino ngana mukwiluma, ngana mukwilya, apo mwigelage mutane ukwimalila ṅani.

¹⁶ Lwe ndilonga unene nditigila: mugendelage mumubepo, apo musilavu-lima uvudobofu vwa ńama ja mwvili. v. 25.

¹⁷ Ndivwene ińama ja muvili jidoboka pakutenga kumubepo neke umubepo gwidoboka pakutenga kuńama ja muvili, ndivwene ifivili ifi fili vukava, pakuta uńeńe mutane ukululima, lwe tnwa mwikĕla uńeńe. Lom. 7, 15. 23.

¹⁸ Neke lino nganamwi-suńwa kumubepo, apo ve musili mumagulu ga milagililwe.

¹⁹ Neke gali pavudondya hela amalimo ga ńama ja muvili, ndivalila uvugoni nuvulamafu nuvukemi 1. Kol. 6, 9. 10.

²⁰ nukutekela kumihoka nuvuhavi nuvukava nainabatu nuvwifu niligoga nindzolìngo nukwidzilamwa nukulekana mwe ndekano

²¹ nuvuvuladzi nukugala nuvulyamuno nidzingi idziliṅine nda idzi, dahilage dze ndalongile, kangi ndivwila ndilongela ṅani nditigila: avakudzilima idzi, vasilahāla ilipwela lya vutwa vwa Nguluvi. Ef. 5, 5; Luv. 22, 15.

²² Kiba u-Mubepo gwiveleka nuvwênde nuku-hĕkela nulutengamano nuvwisamutima nuvuńa-mutima-mufupi nuvuńa-mutima-mwêlu nulufuvo nuvulêngamu nukwivopa. Ef. 5, 9.

²³ Neke avene, avali na idzi, avo imilagililwe gi-sikuvagoma. 1. Tim. 1, 9.

²⁴ Avakina-Jesu Kilisiti vajitovelye pakipindulihidzo ińama ja muvili janavo, vahandzidze kumwinga nukukunukwa nuvudobofu. Lom. 6, 6; Kol. 3, 5.

²⁵ Ngana twiponela mu mubepo, apo nukwisogodza twisogodzage numn-bepo. v. 16; Lom. 8, 4.

²⁶ Tutane ukulungamila kuluginyo ulwa vudesi neke twihovandzage neke twifipilage. Fil 2, 3.