Galata 4 - Itesamende Imya

¹ Neke unene nditigila: umuhāla-lipwela, ve sali mwâna tândi, apo asivedza muvago numulimano, nd’avedzage mwene-nafyo fyonda.

² Hâ nda nave tândi ivedza mumagulu ga vafugī-lidzi na ga vańa-kumuli-milila ukufika pamwâka, gwe asimilihidze ṅani udadye.

³ Ve tuli-vo najufwe, pe twali twi fyali, najufwe twalevile kumyâmulile gya ńi; 3, 23; 5, 1; Kol. 2, 20.

⁴ neke lino guvye gufikye umwâka, mwe agelye, neke baho Nguluvi amutumage umuswamuve umuholwa kwa mudala, je alevile kumilagililwe; Ef. 1, 10.

⁵ pakutigila avakombo-dzage vonda, avalevile kumilagililwe, ukuta najufwe tuvwanukilage uvwâna. 3, 13. 26.

⁶ Neke lino ve muli vâna vuli, apo lino Nguluvi avatumye u-Mubepo va muswamuve munumbula dzeńo, je mwene je ikuta itigila: aba (kwe kuta) dâda. Lom. 8, 15.

⁷ Neke lino usili mulimano uveve, hamu uli mwâna, neke lino ngana uli mwâna, apo swe ve udzukile vwi muńa-kuhāla vwimila kwa Nguluvi. 3, 29; Lom. 8, 16. 17.

⁸ Neke pala, pe musa-mudzelye Nguluvi, pala mwavalimilaga avanguluvi, avasali vanguluvi vadzûmi.

⁹ Neke lino, ve mumukagwe Nguluvi vuli, nigilage ve mukagulilwe kwa Nguluvi vuli, apo mutigye muvwile kangi ukugomokela kumyâmulile imitenda imigaja-kinu gila neke mugilimilage kangi gigyo?

¹⁰ Muhagwe nifigono ni-myêdzi gimwi nimyâka ni-mihandziṅahidze gya myâka. Lom. 14, 5; Kol. 2, 16.

¹¹ Ndikogopa amalimo, ge ndagimbile unene apeńo, nditigila ene vuli ndagimbile hela. 2. Joh. 8.

¹² Ndidedeva ukweńo, ńe vanisu, nditigila muhambukage ngita june, ndeve najune ndahambwike ngita juńe; musindigile lunu unene. 2. Kol. 2, 5.

¹³ Mundzelye najuńe, ukuta palulongodzi lula, lwe ndavadalikilaga ilyevangeli, ndagendelaga uvutenda vwa muvili. Apos. 16, 6; 1. Kol. 2, 3.

¹⁴ Neke na lu lugemyo nalo, lwe gwavagemyaga uńeńe umuvili gwangu, nalo uńeńe musamesulaga, musanofolaga unene, hâ nda, mwandzanukye ngita ndili muńa-mwandza va Nguluvi, nigilage ngita ndili Kilisiti Jesu.

¹⁵ Mwali mwinomile ndavuli pala! Pakuva unene ndikolela nde molesi nditigila, mwali mubihile ukulemwa, ngali mulopwe namîho geńo, ngali mumelye unene.

¹⁶ Ino vona mwe mwene mwe ndidzukye ndili muńa-vukava veńo unene, pakuva ndivadalikye idza ndakyene?

¹⁷ Lusi lunofu, lwe vakuvafūlūpalila uńeńe, hâ nda, avene visakula ukuvabagula uńeńe, pakuta muvafūlūpalilage vavokangi uńeńe. 1, 7

¹⁸ Ukufūlūpalilwa kunofu, ngana kwimye palunofu mbêpali, ngâ kusimye baho pene, pe pondi unene apeńo.

¹⁹ Ńe vâna vangw’ańe, ńe ndivwila kangi ukupumuka pakuvababa, asungwe asēlukage Kilisiti umweńo. 1. Kol. 4, 15.

²⁰ Neke ndika ndivedze ndili apeńo li lino hela, apo ngali ilidzwi lyangu ndikulyandulila, pakuva mundzadziliṅise uńeńe.

²¹ Mungambula uńeńe, ńe mwisakula ukuva mumagulu ga milagilil we; musigipulike imilagililwe? v. 9; 3, 23.

²² Ndivwene lolilwe ulwitigila: Abalahama ali navaswamuve vavili, ujungi ali mwâna va mulimano, ujungi ali mwâna va munu.

²³ Neke uva mwa muli-mano aholilwe lu lwa muvili neke umwâna va munu aholilwe vugendela muluhuvidzo. Lom. 9, 7-9.

²⁴ Dzen’idzi dza kumańagidza, ndivwene ve vavīli ava dze fingwi, ulungiulwa kukidunda Sinaji, ulwibaba avalungamye kuvulimano, neke je Hagala. 5, 1; Lom. 8, 15.

²⁵ Neke lino u-Hagala kye kidunda Sinaji mw-Alabija; kili lulimbili lumwinga ni-Jelusaleme ija lino iji, ndivwene najo jidzukile vulimano pamwinga na va vâna vajo.

²⁶ Neke lino ijene i-Jelusaleme ija kukyâńa, je ndzila-vulimano, je ńinisu twivonda. Heb. 12. 22.

²⁷ Pakuva lolilwe ulwitigila: „ukelage, ve mugumba, je usibaba, utovage imbilikila uńańilage, ve mudzila-vuvaha, pakuva valutye avâna va mwigani na kwa muńa-mugosi.“

²⁸ Neke uńeńe ńe vanisu, mwimye ulwa Jidzikaka, muli vâna va luhuvidzo. v. 23.

²⁹ Neke ndeve umuholwa vugendela muvili amufwimaga pala umuholwa vugendela mubepo, na li lino ndesi.

³⁰ Neke lino ihâte jitigila kiki? Jitigila: „umudagage umulimano numuswamuve, ndivwene umuswamuve va mulimano numuswamuve va munu vasihālanila ilipwela.“

³¹ Neke lino, ńe vanisu, unefwe tusili vâna va mulimano, hamu tuli vâna va munu, pakuva unefwe tuli nuíukombodzo, lwe atu-kombwidze Kilisiti. 3, 29.