Galata 3 - Itesamende Imya

¹ Ńe va-Galata, ńe vandzila-luhaí’ańe, je nani je avasumbwe uńeńe, je olelwaga apeńo Jesu Kilisiti umupindulihidzwa neke mumuvonage?

² Dze nigye ndidzikagulage dzidzo dzene, mumbule: pala pe mwamwa-nukilaga u-Mubepo, vona ahumile mumalimo ga milagililwe, vona ahumile kuludaliko ulwidalika ulufuvo?

³ Ve muli evo ulundzila-luhala humbe? Dze mwamulye mwa Mubepo, dze dzene mutigye mwapulilage lino muńama ja muvili?

⁴ Dzonda, dze mwapu-mukaga, mupumwike hela? Ngana dzali dza hela idzene.

⁵ Neke umwene, je avapelaga u-Mubepo, je avonesaga nimitu umweńo, vona imaga gi milagililwe? Ene vuli imaga uludaliko uluńa-lufuvo?

⁶ Ndavuli u-Abalahama, je afuvwaga kwa Nguluvi neke swe lwe lumuhulilage uvugolofu.

⁷ Mulukagulage lino ukuta avańa-kufuvwa ve vâna va Abalahama vavo.

⁸ Neke ihâte jiluvonye ṅani ukuta Nguluvi avapivala álavapuguhidza lu lufuvo ueke baho amulo-ngelelage ṅani ji dâha u-Abalahama atigilage: „vonda avapivala vala-fuńililwa mu mwako juve.“

⁹ Kwe kuva vonda, avimye ulufuvo, ve valahanga ha Abalahama umufuvi pakufuńwa. Lom. 4, 16.

¹⁰ Ndivwene vonda, avimye mumalimo ga milagililwe, avo vilekelwa ndeko, pakuva lolilwe ulwitigila: „vańa-ndeko vonda, avasikudzumilila dzonda, idzolilwe muhâte ja milagililwe iji pakudzige ndela.“

¹¹ Neke lino idzene dzili vudondya hela idza kuta: kwa Nguluvi asipugulila munu, je igendela mumilagililwe, pakuva: „je vuhumile kulufuvo uvugo lofu vwakwe, je muńa-kuva kuvûmi.“ Lom. 1, 17.

¹² Neke igyene imilagililwe igyo gisidamike mulufuvo, hamu „umuńa-ku-gigendela, ujo gilamuhulila uvûmi“.

¹³ Je Kilisiti, j’atuko-mbwidze kundeko dza mi lagililwe, pe atudzukilaga ndeko unefwe, pakuva lolilwe ulwitigila: „vonda, avilumbila pakibiki, ve vańa-ndeko.“ Lom. 8. 3; 2. Kol. 6, 21.

¹⁴ Ukuta ulufuńo lwa Abalahama luvagwilililage vonda avapivala mwa Kilisiti Jesu, nu-Mubepo, je amuhuvidze, ukuta najufwe tumuvonelage vwimila mulufuvo.

¹⁵ Ńe vanisu, ndilonga ndeve vilonga avanu, dzili ude dza lufingwi lwa munu ulufmge, ulo asijadza munu nukugeleka asigeleka munu.

¹⁶ Neke lino idzene ińu-vidzo Nguluvi amuhuvi-hidze Abalahama nulûngo lwakwe; asitigila: „indzungo,“ dzivedzage nde ndzolofu, hamu, ilonga ngita lumwinga, itigila: „ulûngo lwako,“ neke uju je Kilisiti.

¹⁷ Lwe ndilonga unene iiditigila: ulufingwi, lwe afingile Nguluvi, lusifi-ngulwa kumilagililwe, igyadzile, pe vagonile imyâka magana gataji namakyumi gadatu (430) neke lujadzwage uluhuvidzo.

¹⁸ Ndivwene luka lwimilage pamílagililwe ulwa kuhāla, apo ngali lusimye paluhuvidzo, neke u-Abalahamu Nguluvi amugavye lusungu, imye lu luhuvidzo.

¹⁹ Neke lino igyene imilagililwe gya kiki? Hamu gigelime hela pakyâńa, pakuta lukeledzage ulu-dzumbo, ve sali lwave ukwadza ulûngo ulwene-luhuvidzo. Neke igyene imilagililwe gyalagililwe vugendela vańa-mwandza, vimihidze mwivoko lya muńa-magŏla. Lom. 5, 20; Apos. 7, 53.

²⁰ Neke umwene umuńa-magŏla uju muńa-magŏla va volofu, neke umwene Nguluvi ali jena swe.

²¹ Ino imilagililwe vona gisegemine nińuvidzo dza Nguluvi? Ulo muleke ndikane! Fakuva gika givedzage pogili imilagililwe, igihulila uvûmi, apo ndakyene uvugolofu ngali vwihumila mumilagililwe. Lom. 8, 2-4.

²² Neke lino ijene ihâte jidindye fyonda kundzanangifu, pakuta uluhuvidzo vadapage avifuvwa, avimye palufuvo, ulukumufuvwa Jesu Kilisiti. Lom. 3, 9-19; 11, 32.

²³ Ve sali lwave ulufuvo ukwadza, pala twamingi-lwaga kumilagililwe, igya-tudwamaga, ukufika bahe lwavilatulwaga ulufuvo uluhuma-mumbele. 4, 3.

²⁴ Kwe kuva unefwe imilagililwe gitudzukye muvundzi, j’akutuvungila idza Kilisiti, ukuta tupu-gulilage lu lufuvo.

²⁵ Neke lino ve lwadzile ulufuvo vuli, apo swe unefwe tuhegile kwa muvundzi. Lom. 10, 4.

²⁶ Pakuva lino mwivonda ulufuvo, lwe mumufuvilwe u-Kilisiti Jesu uńeńe, luvahulye muli vâna va Nguluvi. Joh. 1, 12; Lom. 8, 17.

²⁷ Pakuva mwivonda, je mudzabikilwe mwa Kilisiti Jesu, mwivonda mumufwete ju Kilisiti. Lom. 6, 3; 13, 14.

²⁸ Sipwali nambi jumwi umu-Juda numu-Giliti, sipwali umulimano numwâna va munu, sipwali numugosi numukiṅinavo. Ndivwene mwivonda, ndeve muvelye vuli, muli jumwinga mu mwa Kilisiti. Lom. 10, 12; 1. Kol. 12, 13.

²⁹ Neke ngana uńeńe muli vâna va Kilisiti, apo kifwa muli lûngo lwa Abalahama neke najuńe mwi vańa-kuhāla ulugenda muluhuvidzo. v. 7; Lom. 9, 7.