Filipi 1 - Itesamende Imya

¹ Jufwe twe va-Pavulu na Timoti, twe vakami va Kilisiti Jesu, tuku-vandikila mwivonda, ńe vîmike, je mugenda mwa Kilisiti Jesu, je mwivujila mu-Filipi, na ńe vimilidzi na ńe valimilavangi. 1. Kol. 1, 2; 1. Tim. 3, 1. 8.

² Ulusungu luvedzage nańeńe nulutengamaso uluhuma kwa Nguluvi udadisu na kwa mutwa Jesu Kilisiti. Lom. 1, 7.

³ Ndihongedza kwa Nguluvi vangu mbêpali, pe ndikuvakumbuka uńeńe, Lom. 1, 8; 1. Kol. 1, 4.

⁴ mbêpali ndikuvańiliki-la uńeńe mwivonda paluńiliko lwangu londa, neke ndikuvańilikila kyedzamutima,

⁵ pakuva muli vuhanganile mulyevangeli ukuhuma baha kigono ikilongodzi kila ukufika kulino kuno,

⁶ neke ndikwidevulila lulo ulwa kuta je amwe amalimo amanofu apeńo ago, alagadudza ukufika baha kigono kya Kilisiti Jesu, 2, 13; 1. Kol. 1, 6-8.

⁷ ndeve lugolwike unene pakuvasagila mwivonda, pakuva muli munumbula jangu uńeńe, je tuli ńangilakumwinga nańeńe mwivonda mulusungu pa muńololo gwangu na mwe nda ndikulitengela ilyevangeli na mwe nda ndi-kulikangadza.

⁸ Ndivwene na ju Nguluvi nave akundzoleka ukuvasukwa uńeńe uvusukwe vwa mufûmbo ja Kilisiti Jesu.

⁹ Neke lino unene lwe ndilapangila nditigila uvwênde vweńo vuka vongeledzage ukutana, vuka vuvahulilage nulwa kudzikagula inôngwa nuku-dzifika dzonda,

¹⁰ musungwe mudzigelandzage, mwe dzilekanye, pakuta muvedzage mwi vagajalunu, muvedzage mwi vagaja-lukuvalo ukufika kukigono kya Kilisiti, Lom. 12, 2; 1. Tes. 5, 23.

¹¹ neke muvelekage nuvugolofu mukwilage, vwe ihula Jesu Kilisiti neke mululungamidzage kundolo nakumalumbo ga Nguluvi. Ef. 5, 9.

¹² Neke unene nigye ndivavulage, ńe vańa-lukolo, ukuta idza kwangu unene idzo dzihelye dzi-kulitanya ilyevangeli, 2. Tim. 2, 9.

¹³ gisungwe gisikukage nimipingo gyangu mwilînga lyonda lya vasilikâli na muvangi vonda, ukuta fungilwe idza Kilisiti, 4, 22.

¹⁴ neke navańa-lukolo avolofu, avimye mwa Kilisiti pakwidevulila ulwa mipingo gyangu, navo vo-ngelidze pakwituma hela mukulilonga ilidzwi lya Nguluvi kitogopa.

¹⁵ Vamwi ena vigendela ulwa sinwa nulwa mabatu, pe vikumudalika Kilisiti, neke vamwi vigende la uvugulume vwa nofu.

¹⁶ Neke lino avene, ve vukuvatuma uvwênde, avo vandzelye unene, ukuta ndihwa ndikulyolelela ilyevangeli.

¹⁷ Neke ve dzikuvatuma indzolingo, avo vivulanidza idza Kilisiti vudesi hela, vitigila vakundamu-hidza imumuko mumipingo gyangu. v. 7.

¹⁸ Kiva kiki? Dzivula-nidzwage hela dzi dza Kilisiti mumivulanihidze gyonda, nde vagendelage ulwa kugūgalidza, nde vagendelage ulwa koluli, unene ndikēla nalo neke ndilakēla nalusiku. 2, 17. 18.

¹⁹ Ndivwene ndiludzelye unene, ukuta idzene idzi ndilavona dzidzukile dza kumoka unene, pakuva najuńe mukuńilikila na ju Mubepo va Jesu Kilisiti nave akunanga mbando, 2. Kol. 1, 11.

²⁰ ndeve ndilolela ikindolela nukuhuvila, ukuta nditane ukutoveka ulungi, hamu ndeve nda ndigita mbêpali na li lino nditigila: u-Kilisiti kivedzage kyedzamutima hela pakumuginihidza gu muvili gwangu, nde lugendelage muvûmi nde lugendelage mufwa. 1. Pet. 4, 16.

²¹ Ndivwene unene uvûmi vwangu je Kilisiti neke ukufwa vwe vulimi. Gal. 2, 20.

²² Neke lino ngana uvûmi uvwa pańama ja muvili uvu vuńa-kuveleka imeke idza milimile gyangu, apu lundemile na lwihāgo. Lom. 1, 13.

²³ Idzi dzimbumbanye dze dzivili; ukunogelwa ndinogilwe ukuhega ukudzikuva na Kilisiti, pakuva kwe kusutye mbando uvunofu. 2. Kol. 6, 8.

²⁴ Neke pe ndivwene uńeńe, apo ndifumbanilwe ukwikala mumuvili ndesi.

²⁵ Neke unene idzi ndi-jengwise neke ndidzelye unene ukuta tândi ndiva pondi, ndivedza nańeńe mwivonda neke ndivahu-lilage ulwa kulukudza ulufuvo lweńo nulwa kulukēlelela ṅani,

²⁶ pakuta ndivahulilage uluginyo lweńo ukutanila mwa Kilisiti Jesu, pe ndilava mbwilye kangi ukwadza kuko.

²⁷ Ndihiga lumwi swe: mulivagilage ilyevangeli lya Kilisiti mumigendele gyeńo, ńe veneka, pakuta, nde ndivedzage ndadzile kuko neke ndivavone, nde ndivedzage sindikwadza, pakuta ndipulikage ama-kāni ga kweńo agitigila: vimye mumubepo gumwi, vali mutima gumwinga pakululwila ulufuvo lwa palyevangeli, Kol. 1, 10; 1. Tes. 2, 12.

²⁸ vasitoveka nambi ku vańa-vukava neke ulu avene kimańilo kya kuti-pulwa, uńeńe kimańilokya kupokwa, neke uku aku-kuhula Nguluvi.

²⁹ Pakuva uńeńe idza kwa Kilisiti musisungukililwe ulwa kumufuvwa lwene, hamu mugelike nulwa kumupumukila umwene.

³⁰ Najuńe mukwigwila ji ngwila, je mwavwene ndikwigwila najune, na li lino mulupulike ukuta na li lino ndave ndili najo. Apos. 16, 22.