Esther 10 - Keley-i Bible (Antipolo Ifugao)

Ya meippanggep ni nandingngelan di Serses nan Mordekai

¹ Hi Serses e patul ey immandal tu e mahapul ni mambeyyad ni buwis ida katuutuud kebebbebley, anin idan nampambebley di edawwi e gilig ni baybay.

² Emin hu kakkayyaggud ni impahpahding nan patul, anin ni ya nengipeta-geyan tun saad Mordekai, ey neitudek etan di libluh ni patul di Persia niyad Media.

³ Hi Mordekai hu meihhayned di saad nan patul e hi Serses. Kapakallispituha niya nakappinhed idan edum tun Jews tep impenaptek tu panyaggudan da niya linggepan da niyaddalli helag dan edum ni aggew.