1 ÚKLƆ́ KÚ AƆ́CƐ́ 6 - Ubáyíbu kú Idɔma

Ipɔ́ɔma kú aótrɛ̄yí kú ācogwɛ́ɛya ā

¹ Ayí kú Ulífāyi wɛ Ugɛ́ssɔn, Ukóhati, mɛ́mla Umerāri.

² Ukóhati ma ayí ɛnɛ nēe bá ā: Ámram, Ísiha, Uhɛ́brɔn mɛ́mla Ussíyēlu.

³ Ámram ma ayí ɛpa nēe bá ā: Árɔ̄ni mɛ́mla Umósīsi, mɛ́mla ɔyínɛ́ uwā nɔ̄nyā éyi, Umíriyam. Árɔ̄ni ma ayí ɛnɛ nēe bá ā: Unádābu, Abíhu, Ɛlísa mɛ́mla Ítáma.

⁴ Ayí kú Ɛlísa ŋmá ipɔ́ɔma éyi ga ɔhá ā wɛ, Ufínēhasi, Abíssuwa,

⁵ Ubúki, Úsi,

⁶ Usérahīya, Umeríyōtu,

⁷ Amárīya, Ahítūbu,

⁸ Usádɔ̄ku, Ahímāasi,

⁹ Asárīya, Ujohánan,

¹⁰ Asárīya, (nōo yúklɔ́ ipú Agblīihɔ-nɛ̄hi nɛ̄ Usólōmɔn gwó Ujerúsālɛm ā)

¹¹ Amárīya ma Ahítūbu á.

¹² Ahítūbu ma Usádɔ̄ku, Usádɔ̄ku ma Ussálum.

¹³ Uhilkíya ma Asárīya nōo ma

¹⁴ Useráya, nōo ma Ujɛhósādaki ā.

¹⁵ Eko nɛ̄ Unebúkádinēsa mīyɛ Ujerúsālɛm ā, ó kwú Ujɛhósādaki ú ga Ubábīlɔn mɛ́mla ācɛ nōó kpó ŋmá Ujerúsālɛm dúú ā.

Ayí ohile kú Ulífāyi ā

¹⁶ Ulífāyi ma ayí ɛtá. É kē wɛ Ugɛ́ssɔn, Ukóhāti mɛ́mla Umérāri.

¹⁷ Ayí nū nēe bá ā ma ayí dúu. Ugɛ́ssɔn wɛ ádā kú Ulíbini mɛ́mla Ussímēyi á.

¹⁸ Ukóhāti ma ayí nēe bá ā: Ámram, Ísiha, Uhɛ́brɔn mɛ́mla Usíyɛ̄lu á.

¹⁹ Anɔ́ɔ Umerári ma Umáli mɛ́mla Umússi á.

²⁰ Ɛ̄nyā wɛ ayááyí kú Ugɛ́ssɔn á: Ulíbini, Ujáhāti, Usíma,

²¹ Ujówa, Íddo, Uséra mɛ́mla Ujeyatɛ́rāyi.

²² Ayááyí kú Ukóhati ɔgbɔɔgba ā wɛ, Ammínādābu, Ukóra, Ássɛ,

²³ Ɛlikána, Ɛbíyāsafu, Ássɛ,

²⁴ Utáhāti, Uríyɛ̄lu.

²⁵ Ɛlkána ma ayí ɛpa: Amasáyi mɛ́mla Ahímɔ̄tu.

²⁶ Ayí kú Ahímɔ̄tu mɛ́mla ayí kú ayí uwā wɛ, Ɛlkána, Usófāyi, Unáhāti,

²⁷ Ɛlíyābu, Ujɛ́rōham mɛ́mla Ɛlkána.

²⁸ Usámūwɛlu ma ayí ɛpa: Ujówɛ̄lu mɛ́mla Ábīja.

²⁹ Ayááyí kú Umérāri wɛ Umáhili, Ulíbini, Ussímēyi, Ussá,

³⁰ Ussímēya, Uhágiya mɛ́mla Asáya.

Ācogwíijē kú ipú Agblīihɔ-nɛ̄hi kú Óndú ā

³¹ Eko nɛ̄ Udéfīdi kwú Ikpati kú Ɛka kú Óndú ā ú gā Ujerúsālɛm ā, ācɛ nōo fu gē gwííjē ipú Agblīihɔ kú Óndú ā bá yɔ̄ á.

³² Gbɔbū lɛ eko kú Usólōmɔn ā, é gē yúklɔ́ kú uwā ā ɔgbɔɔgba ipú Áklɔ̄kpɛ nēé pi kwaajɛ lɛ Óndú ā.

³³ Ipɔ́ɔ́nū kú ācɛ nēe yúklɔ́ kú ijē ōgwó nyā bá á: Ipɔ́ɔma kú Ukóhati: Otrɛ̄yí kú uwā wɛ Uhɛ́mān, ɔyí kú Ujówɛ̄lu, nɛ̄ ɛma kú uwā yɛ jāā gaá kwu Ujékɔ̄pu ā.

³⁴ Ɛlkána, Ujɛ́rōham, Ɛlíyēlu, Utówa,

³⁵ Usúfu, Ɛlkána, Umáhāti, Amasáyi,

³⁶ Ɛlkána, Ujówɛ̄lu, Asárīya, Usefaníya,

³⁷ Utáhāti, Ássɛ, Ɛbíyāsafu Ukóra,

³⁸ Ísiha, Ukóhāti, Ulífāyi mɛ́mla Ujékɔ̄pu.

³⁹ Ígwu kú ācogwíijē ɔ́mpa ā: Ásāfu wɛ otrɛ̄yí kú uwā á. Ɛma kú nū nōo yɛ gaá kwu Ulífāyi ā wɛ, Ásāfu, Ubɛrɛkíya, Ussímēya,

⁴⁰ Umáyíkɛ̄lu, Ubáasēya, Umálkīja,

⁴¹ Étīni, Uséra, Adáya,

⁴² Étan, Usíma, Ussímēyi,

⁴³ Ujáhāti, Ugɛ́ssɔn mɛ́mla Ulífāyi.

⁴⁴ Otrɛ̄yí kú ígwu ɔmɛtá ā wɛ Umerári. Ɛma kú nū yɛ gaá kwu Ulífāyi ɔwɛ ɛ́gɛ́nyā, Étan, Ukísi, Ábudi, Umálūci,

⁴⁵ Uhásabíya, Amásīya, Uhilkíya,

⁴⁶ Ámsi, Ubáni, Uséma,

⁴⁷ Umáhili, Umússi, Umérári, mɛ́mla Ulífāyi.

⁴⁸ Ayí kú Ulífāyi ɔ́mpa uwā gē yá ɛdɔ úklɔ́ ɔhá kú ipú Agblīihɔ-nɛ̄hi kú Óndú ā á. Amáŋ úklɔ́ kú uwā ā wɛ ɛya nēé gē gwó ā.

Ayí kú Árɔ̄ni

⁴⁹ Árɔ̄ni mɛ́mla ayááyí nū gē gwɛ́ɛya kú ɔtulalī mɛ́mla ɛya kú ɔdā ō yɔlá ɛyí ede á. Úklɔ́ kú ɛ̄gbā ō gbā Ɔwɔicō dúúdú ipú ɛga nōo tīihɔ fíyɛ́ dúú mɛ́mla ɛya nēé gē gwó nɛ̄ Ɔwɔicō ī je íne ō bīya yá uwā ɛhi ā. É gē yá odúúdú aɛ́nɛ̄ o bā ā oŋmá lɛ ɛ́gɛ́nɛ̄ Umósīsi, ɔ̄cocɛ̄hɔ̄ kú Ɔwɔicō, mafú lɛ uwá lɛ ā ā.

⁵⁰ Ayí kú Árɔ̄ni bá ɔgbɔɔgba yɔ̄ á: Ɛlísa, Ufínɛ̄hasi, Abíssuwa,

⁵¹ Ubúki, Ússi, Userahíya,

⁵² Umérāyɔtu, Amárīya, Ahítūbu,

⁵³ Usádɔ̄ku mɛ́mla Ahímāasi.

Ɛga nɛ̄ ayí kú Ulífāyi lā ā

⁵⁴ Ɛ̄nyā wɛ ajɛ nēé kɔ̄ lɛ ayááyí kú Árɔ̄ni kú ipɔ́ɔma kú Ukóhati á. Uwá wɛ ācɛ aflɛ́yí nēe mīyɛ ajɛ ipú ayí kú Ulífāyi á.

⁵⁵ Ajɛ kú uwá wɛ Uhɛ́brɔn kú Ujúda mɛ́mla ajɛ ácí nɛ̄ aɛ́bɛ́ lɔfú lúlé anú glá nēe yɛ jīla igelī ā tá ā.

⁵⁶ É le ajɛ kú ɛhɔ̄ mɛ́mla aípɔ́lɛ́ nēe yɔ̄ ipú ajɛ kú igelī nɛ̄hi ā kpó lɛ Ukálɛ̄bu, ɔyínɔ̄nyīlɔ kú Ujefúne.

⁵⁷ É le aígelī nɛ̄hi ɛga o kwinya ɔ́ci nyɔ̄ nēe bá ā kpó lɛ ayááyí kú Árɔ̄ni. Uwá kē bá yɔ̄ á: Uhɛ́brɔn, Ujatɛ́ mɛ́mla igelī nɛ̄hi kú Ulíbna, Ɛ́sstɛmōwa mɛ́mla ajɛ kú ácí ɛga o lúlé kú aɛ́bɛ́ kú uwā,

⁵⁸ Uhílɛn, Udɛbi,

⁵⁹ Ássan mɛ́mla Ubɛ́tissémess mɛ́mla ajɛ ácí ɛga o lúlé kú aɛ́bɛ́ kú uwā.

⁶⁰ É le aígelī nɛ̄ŋcɛ́ nēe bá ā mɛ́mla ɛga o lúlé kú aɛ́bɛ́ kú uwā kpó ŋmá ajɛ kú ipɔ́ɔma kú Ubɛ́njamīn: Ugɛ́ba, Aleméti, mɛ́mla Ánatɔ̄ɔtu. Odúúdú aígelī nɛ̄hi kú uwā kwú pīya igwɛ́ɛtá.

⁶¹ Ūlī nēé tá ɛ́ɛ́ nēé kɔ̄ aígelī nɛ̄ŋcɛ́ igwó nēe bá ɛnɔ̄ɔ̄nɛ̄ kú ajɛ kú ipɔ́ɔma kú Umanásɛ lɛ o hɛ́ ɛpa kú ācɛ ohile kú ipɔ́ɔma kú Ukóhāti á.

⁶² Ipɔ́ɔ́nū kú Ugɛ́ssɔn ā, é kpó aígelī nɛ̄ŋcɛ́ igwɛ́ɛtá lɛ ipɔ́ɔma kú Ugɛ́ssɔn, oŋmá ipɔ́ɔ́nu éyi ga ipɔ́ɔ́nū ɔhá ŋmá ipú ajɛ kú Ísāka, Ássa, Unáfutāli mɛ́mla Ubassán kú ɛnɔ̄ɔ̄cī kú Umanásɛ ā.

⁶³ Ɔwɛ ékpónú ɔ́ɔmā nēé kpó aígelī nɛ̄ŋcɛ́ igwɛ́ɛpa, ŋmá ipɔ́ɔma kú Urúbɛ̄n, Ugádi mɛ́mla Usébūlɔn lɛ ipɔ́ɔ́nū kú Umerári.

⁶⁴ Ācɛ kú Ísrɛ̄lu klla kpó aígelī nɛ̄ŋcɛ́ mɛ́mla ajɛ ácí ɛga o lúlé kú aɛ́bɛ́ lɛ ayí kú Ulífāyi ɔwɛ ékpónú ɔ́ɔmā dúú.

⁶⁵ É je ajɛ kú ipɔ́ɔma kú Ujúda, Usímīyɔn mɛ́mla Ubɛ́njamīn ā lɛ uwá ŋmá lɛ ūlī nēé tá ā dúú.

⁶⁶ É klla kpó aígelī nɛ̄ŋcɛ́ mɛ́mla ajɛ ácí ɛga o lúlé kú aɛ́bɛ́ lɛ ayí ōhī kú ipɔ́ɔ́nu kú Ukóhāti ā ŋmá ipú ajɛ kú ipɔ́ɔma kú Ɛ́frem dúú.

⁶⁷ É je Ussɛ́kɛm, igelī ɛyí ɛfu kú ɛga o kwinya ɔ́ci nyɔ̄ kú Ɛ́frem ā, Ugɛ́sa,

⁶⁸ Ujókmíim, Ubɛtórɔn,

⁶⁹ Áíjālɔn mɛ́mla Ugáti Urímɔn lɛ uwá.

⁷⁰ É je ajɛ kú Ána mɛ́mla Ubíl-am mɛ́mla igelī nɛ̄ŋcɛ́ kú uwā ā lɛ ipɔ́ɔma kú ɛnɔ̄ɔ̄nɛ̄ kú Umanásɛ ā.

⁷¹ É je Ugólan, Ubássan mɛ́mla Ástārɔ̄tu, mɛ́mla ácí ɛga o lúlé kú aɛ́bɛ́ lɛ ipɔ́ɔma kú Ugɛ́ssɔn ā ŋmá ajɛ kú ɛnɔ̄ɔ̄nɛ̄ kú Umanásɛ ā.

⁷² É je Ukédessi mɛ́mla Udábērati ajɛ ácí ɛga o lúlé kú aɛ́bɛ́ ŋmá ajɛ kú ipɔ́ɔma kú Ísāka,

⁷³ Urámɔ̄tu mɛ́mla Ánɛm mɛ́mla ajɛ ácí ɛga o lúlé kú aɛ́bɛ́.

⁷⁴ Oŋmá ipɔ́ɔma kú Ássa ā, é kpó Umássalu, Ábudɔn mɛ́mla ajɛ ácí ɛga o lúlé kú aɛ́bɛ́,

⁷⁵ Uhúkóku mɛ́mla Uréhōbu mɛ́mla ajɛ ácí ɛga o lúlé kú aɛ́bɛ́ nēé kpó lɛ uwá ā.

⁷⁶ Ipɔ́ɔma kú Unáfutāli ā, é kpó Ukédessi kú Ugálīli, Uhámɔn mɛ́mla Ukɛriyatéyim lɛ uwá.

⁷⁷ É kpó ajɛ nōo yɔ̄ ā lɛ ācɛ ohile kú ipɔ́ɔma kú Umerári ŋmá ajɛ kú ipɔ́ɔma kú Usébūlɔn, Urímóno mɛ́mla Utábɔ.

⁷⁸ Ipɔ́ɔma kú Urúbɛ̄n ɛnɔ̄ɔ̄cī kú Ísu kú Ujɔ́dan ɛháajɛ Ujérīko ā, é mīyɛ Ubɛ́sa, ɛyí ɛfu ā, Ujása,

⁷⁹ Ukɛ́dɛ̄mɔtu mɛ́mla Uméfāati.

⁸⁰ É je Urámɔtu kú Ugílɛ̄di mɛ́mla Umáhānéyim ŋmá ipɔ́ɔma kú Ugádi ā,

⁸¹ Uhɛ́ssbɔn mɛ́mla Ujésa mɛ́mla ajɛ ácí ɛga o lúlé kú aɛ́bɛ́ lɛ ayí kú Ulífāyi.